Artolazabalek, Bastidan, "baserri inguruko herritarrek Arabako Errioxako kultura- eta ekonomia-ondare handiaren autore diren amona eta aitonei zuzendutako dedikazioa" nabarmendu du
2017.eko azaroak 13
Bastida 13 11 17
Beatriz Artolazabal Eusko Jaurlaritzako Enpleguko eta Gizarte Politiketako sailburuak, gaur arratsaldean, Bastidako Adinekoen Egunean parte hartu du. Bertan nabarmendu du “baserri inguruko herritarrek Arabako Errioxan belaunaldiz belaunaldi transmititzen den kultura- eta ekonomia-ondare handiaren autore diren amona eta aitonei zuzendutako dedikazioa”. Laura Pérez Borinaga alkatearekin eta Marian Olabarrieta foru-diputatuarekin batera, Artolazabalek gogoratu du euskal udalerrien bosten bat dagoeneko Euskadi Lagunkoia proiektuaren barruan dagoela, adinekoek, beren tokiko jardueran, bizitza erosoagoa izateko. “Zahartze aktiboa gure helburuetako bat da gure gizarte-politiketan, eta Arabako baserri-mundua horren adibide da”, esan du sailburuak.