Etxebizitza edo zuzkidura-bizitoki bat okupatzeko eskubide subjektiboa aitortzea

• Eskubide subjektiboaren aitorpena eskatzeko aurkeztu beharreko dokumentazioa
• Eskabidea behar bezala beteta eta titular guztiek sinatuta.
• NAN edo NIE ez duten bizikidetza-unitateko pertsonen pasaportearen kopia.
• Zure ohiko etxebizitzan hipoteka betearazteko edo etxea utzarazteko prozesuren bat izan baduzu, bi dokumentu hauetako bat aurkeztu beharko duzu:
  • Ebazpen judiziala edo notario-agiria, hipoteka-betearazpenaren xede den etxebizitzaren esleipena edo ordainean emate askatzailea egiaztatzen duena.
  • Desahuzioari buruzko ebazpen judiziala.
• Gainera, etxebizitzarako prestazio ekonomikoa eskatuko bada, beste dokumentu horiek ere aurkeztu beharko dira.
• Etxebizitza edo bizitoki kolektiboari buruzko kontratuaren kopia. Mota hauetakoren batekoa izan daiteke:
  • Etxebizitzaren errentamendu-kontratua
  • Azpierrentamendu-kontratua, etxebizitzaren jabearen idatzizko baimenarekin, eta horren ondoriozko errentamendu-kontratua.
  • Logelak alokatzeko kontratua.
  • Ostatu kolektiboko kontratua edo balio juridiko baliokidea duen agiria
• Azken hileko errenta edo horren pareko kontraprestazio ekonomikoa banku-transferentzia bidez ordaindu izanaren egiaztagiria
• Banku-kontuaren titulartasun-ziurtagiria:
  • Kontuaren titularra pasaportearekin edo AIZrekin identifikatzen bada, ziurtagiri hori aurkeztu beharko da beti.
  • NANarekin identifikatzen bazara, honako erakunde hauetako batean banku-konturik ez baduzu bakarrik aurkeztu beharko duzu ziurtagiri hau: Kutxabank, Bankoa, Banco Santander, Laboral Kutxa, CaixaBank, BBVA, Sabadell, Banco Popular eta Caja Rural de Navarra.
• Eskubidearen titularrek betebehar hauek dituzte:
• Eusko Jaurlaritzan etxebizitzaren arloko eskumena duen sailari jakinarazi beharko diote, hilabeteko epean, eskubidea aitortzeko oinarritzat hartu diren inguruabarretan gertatzen den edozein aldaketa, bizikidetza-unitateko kideen kopuruari buruzkoak barne.
• Emandako informazio guztia eta administrazioak kontrol-funtzioak betetzeko eskatzen duena egiazkoa eta zehatza izatea.
• Etxebizitzako prestazio ekonomikoaren onuradunek betebehar hauek izango dituzte:
• Hilabeteko epean Etxebizitzako Lurralde Ordezkaritzari jakinaraztea dirulaguntza ematea eragin zuten inguruabarretako edozein aldaketa, bereziki 29. eta 30. artikuluetan aurreikusitakoak, bizileku-aldaketa eta errentamendu-kontratuaren aldaketa, azpierrentamendua, logelen alokairua edo bizitoki kolektiboa.
• Sei hilean behin, dagokion hilaren 20a baino lehen, errenta edo banku-transferentzia bidezko kontraprestazio ekonomiko baliokidea ordaindu izanaren egiaztagiriak aurkeztea, 36.d) artikuluan zehaztutako datuekin.
• Sei hilean behin, dagokion hilaren 20a baino lehen, 36.e) artikuluan aurreikusitako erroldatze-ziurtagiriak edo -agiriak aurkeztea.
• Bidegabe jasotako etxebizitzarako prestazio ekonomikoak itzultzea

Aurkezteko beste leku batzuk

Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan aurreikusita dagoen bitartekoren bat erabiliz.

• Adinez nagusiak edo adingabe emantzipatuak izatea
• Bizitokia Euskal Autonomia Erkidegoko edozein udalerritan duela egiaztatzea, urtebetez, etenik gabe eta etxebizitzarako eskubide subjektiboa aitortzeko eskaera egin aurreko unean
• Bizikidetza-unitateko kide guztiek etxebizitza baten premia izatea
• Jarraian adierazitako mugak gainditzen ez dituzten urteko diru-sarrerak egiaztatzea:
  • Hiru kide edo gehiagoko bizikidetza-unitateen kasuan: 19.000 (hemeretzi mila) euro gainditzen ez dituzten urteko diru-sarrera haztatuak.
  • Bi kideko bizikidetza-unitateen kasuan: 17.000 (hamazazpi mila) euro gainditzen ez dituzten urteko diru-sarrera haztatuak.
  • Kide bakarreko unitateen kasuan: 13.000 (hamahiru mila) euro gainditzen ez dituzten urteko diru-sarrera haztatuak.
• Bizikidetza-unitate horien ondareak ez du izan behar Inklusiorako eta Diru-sarrerak Bermatzeko Euskal Sistemaren abenduaren 22ko 14/2022 Legearen arabera urtebetez legokiekeen gehieneko errenta bermatuaren zenbatekoaren halako bost edo handiagoa.
• Etxebizitza Babestuen eta Zuzkidura Bizitokien Eskatzaileen Erregistroan baliozko eran izena emanda egotea, alokairuko eskatzaile gisa soilik.
• Etxebizitza Eskatzaileen Erregistroan gutxienez hiru urteko antzinatasuna egiaztatzea, etenik gabe eta etxebizitza eskuratzeko eskubide subjektiboa aitortzeko eskaeraren dataren aurre-aurretik, salbu eta etxebizitza kendu zaien bizikidetza-unitateak, hipoteka-betearazpen baten edo utzarazpen-prozedura baten ondorioz ohiko bizilekua zutenak.
• Etxebizitzarako prestazio ekonomikoa eskuratu ahal izango dute etxebizitzarako esku bide subjektiboaren titularrek, baldin eta, eskaeraren egunean, baldintza hauek guztiak betetzen badituzte:
  • Etxebizitza libre batean erroldatuta egotea eta bertan bizitzea, errentan, azpierrentan edo logelak alokatuta, edo urteko diru-sarreren % 30 gainditzen duen errenta edo kontraprestazio eko nomiko baliokidea duen bizitoki kolektibo batean.
  • Etxebizitzaren errentamendu-kontratuan, azpierrentamendu-kontratuan edo gelen alokairu-kontratuan berariaz errentari edo azpierrentari gisa agertzea, edo bezero gisa bizitoki kolektiboak emandako dokumentu batean.
  • Errenta edo kontraprestazio ekonomiko baliokidea banku-transferentzia bidez ordaintzea