Udalei bizikidetza eta giza eskubideen programetarako dirulaguntzak 2026.urterako

Deskribapena

Xedea

Euskal Autonomia Erkidegoko udalerriek eta gainerako toki-erakundeek, toki-erakunde autonomoek, enpresa-erakunde publikoek eta tokiko merkataritza-sozietateek garatutako proiektuak, programak edo jarduerak finantzatzeko laguntzak, gizartean bakearen eta bizikidetza demokratikoaren aldeko kultura sustatzeko eta giza eskubideak eta balio demokratikoak errespetatzeko.
Proiektuak 2026ko urtarrilaren 1etik 2027ko irailaren 1era garatu ahal izango dira.

Aurrekontuko zuzkidura

250.000€

Prestazio ekonomikoa

Erakunde onuradun bakoitzak gehienez hamabost mila (15.000) euro jaso ahal izango ditu proiektu, programa edo jarduera bakoitzeko, eta deialdi honetan jaso ditzakeen laguntzen gehieneko zenbateko osoa ezin izango da inolaz ere berrogeita bost mila (45.000) eurotik gorakoa izan.

Erakunde eskatzaile bakoitzak hiru eskabide aurkeztu ahal izango ditu gehienez, hiru proiektu, programa edo jarduerari dagozkienak.

Ordainketa-modua:

Dirulaguntzak bi zatitan ordainduko dira: lehenengoa, emandako zenbatekoaren % 50era artekoa, dekretuaren 17. artikuluan adierazitako epea igaro eta berehala egingo da, interesdunak uko egin ezean, eta gainerako ehunekoa laguntza eman zen helburua bete dela eta jasotako funtsak dekretuaren 18. artikuluan ezarritako moduan aplikatu direla justifikatu ondoren ordainduko da.

Nori dago zuzenduta

Euskal Autonomia Erkidegoko udalerriei eta gainerako toki-erakundeei

Euskal Autonomia Erkidegoko udalerriei eta gainerako toki-erakundeei, toki-erakunde autonomoei, tokiko enpresa-erakunde publikoei eta titulartasun publikoko kapital soziala duten tokiko merkataritza-sozietateei.

Erakunde interesdunek Euskal Autonomia Erkidegoko Administrazio Publikoaren egoitza elektronikoaren bidez aurkeztu beharko dituzte eskabideak, deialdiaren ebazpenean ezartzen den dokumentazioarekin batera, eta bertan kontsultatu eta egin beharko dituzte prozedura honetarako behar diren izapide guztiak, egoitza horretan horretarako dagoen eredua erabiliz. Eredu hori nahitaez erabili beharko da kasu guztietan.

Eskabide horrekin batera, proiektuaren, programaren edo jardueraren memoria aurkeztuko da, bai eta proiektua gauzatzeko behar den aurrekontua ere, Euskal Autonomia Erkidegoko Administrazio Publikoaren egoitza elektronikoan gaitutako ereduak erabiliz.

Erakunde eskatzaileak ez du aurkeztu beharko jada administrazio eskudunaren esku dagoen dokumentazioa, edo beste administrazio publiko batek egindakoa. Laguntzak kudeatzen dituen organoak dokumentazio hori kontsultatu edo eskatu ahal izango du ezarritako elkarreragingarritasun-mekanismoen bidez, salbu eta erakunde interesdunak berariaz adierazten badu aurka dagoela. Egoitza beste autonomia-erkidego batean duten erakunde eskatzaileen kasuan, zeinekin Euskal Autonomia Erkidegoko Administrazioak ez baitu elkarreragingarritasun-zerbitzurik, zerga-betebeharrak eta Gizarte Segurantzarekikoak betetzen dituztela egiaztatzen duen ziurtagiria aurkeztu beharko da.

Betekizunak

  • Eskabidearekin batera, eredu normalizatu hauek aurkeztu behar dira:

  • Edozein administrazio edo erakunde publiko nahiz pribaturi helburu berbererako eskatutako diru-laguntza, laguntza, diru-sarrera edo bestelako baliabideen berri ematea. Halakoren bat lortuz gero, horren berri ere ematea.

  • Euskal Autonomia Erkidegoko Administrazio Orokorrak eta haren erakunde autonomoek emandako izaera bereko laguntzen edo diru-laguntzen esparruan hasi eta oraindik izapidetzen ari den edozein itzultze- edo zigor-prozeduraren eraginpean ez egotea.

Erakundeak

Deitzen duen erakundea

  • Justizia eta Giza Eskubideak / Giza Eskubide, Memoria eta Bizikidetza Sailburuordetza > Giza Eskubideen eta Biktimen Arretarako Zuzendaritza

Ebazten duen erakundea

  • Justizia eta Giza Eskubideak > Giza Eskubide, Memoria eta Bizikidetza Sailburuordetza

Kontaktu-informazioa

Nora Unzueta: 945 016 628

Miriam Daubagna: 945 062 912

Zuzenean: Herritarrentzako arreta zerbitzua

Kodea

0041313

Eskabidea eta dokumentazioa aurkeztea

  1. Bete itzazu eskatutako inprimakiak, inprimakirik badago.
  2. Presta ezazu eskatutako dokumentazioa formatu digitalean.
  3. Sartu zaitez tramitazio elektronikorako aplikaziora. Identifikazio elektronikorako bitarteko bat izan behar duzu.
Eskabidea

Ebazpena eta errekurtsoak

Ebazteko epea

Ebazpena emateko eta jakinarazteko gehieneko epea sei hilabetekoa izango da, eskabideak aurkezteko epea amaitu eta hurrengo egunetik aurrera. Epe hori igaro eta berariazko jakinarazpenik jaso ez bada, eskabidea ezetsitzat joko da, 20/2023 Legearen 22.5 artikuluan eta Administrazio Prozedura Erkidearen urriaren 1eko 39/2015 Legearen 25. artikuluan xedatutakoaren arabera.

Diru-laguntza emateko modua

Lehiaketa

Isilbidearen ondorioak

Gaitzetsiak

Justifikazioa

Dirulaguntzen justifikazioa gehienez hilabeteko epean aurkeztu beharko da, jarduera burutu den datatik kontatzen hasita, eta betiere 2025eko urriaren 1a baino lehenago. Justifikazio-memoriarekin batera, datu eta agiri hauek jaso beharko ditu:

  1. Diruz lagundutako proiektua gauzatzean egindako gastuak justifikatzeko jatorrizko fakturak eta ordainagiriak. Bai fakturak (indarrean dagoen araudian ezarritako baldintza formalak bete behar dituzte) bai ordainagiriak diruz lagundutako proiektu bakoitzaren arabera bereizita aurkeztu behar dira, eta behar bezala ordenatuta eta zenbakituta, eta, horrez gain, ordainagirien eta fakturen izen-zerrenda bidali behar da, aipatutako gastua zertarako erabili den azalduta.
  2. Eredu fizialaren araberako soldata-ordainagirien originalak eta Gizarte Segurantzako otizazio-agiri ofizialak, kontratatutako lan-kontratuko langileei dagozkien astuak justifikatzeko.
  3. Aldi aterako kolaborazio-gastuen ordainagiri originalak. Besteak beste, datu hauek dierazi behar dituzte: jasotzailearen datuak, Nortasun Agiri Nazionala, ordainketaren kontzeptua eta Pertsona Fisikoen Errentaren gaineko Zergari dagokion atxikipena.
  4. Sarreren eta astuen balantzea
  5. Proiektuaren onuradunak zeintzuk izan diren eta proiektua egiten zeintzuek parte hartu duten dierazteko datuak, sexuaren arabera bereizita.
  6. Programen, iragarki-kartelen, argazkien eta argitaratutako gainerako material grafiko, idatzi edo soinuzkoen aleak.

Beste tramite batzuk