Euskal Herriko Agintaritzaren Aldizkaria

1. zk., 2023ko urtarrilaren 2a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

LURRALDE PLANGINTZA, ETXEBIZITZA ETA GARRAIO SAILA

27

IRAGARKIA, Etxebizitza, Lurzoru eta Arkitekturaren zuzendariarena, Herri Administrazioen Ondareari buruzko azaroaren 3ko 33/2003 Legean ezarritako prozeduraren arabera Bilboko 13. Jabetza Erregistroan inskribatutako 18221 erregistro-finkaren segidako traktua berrabiarazteko espedienteari buruzkoa.

Etxebizitza, Lurzoru eta Arkitektura Zuzendaritzak, Herri Administrazioen Ondareari buruzko azaroaren 3ko 32/2003 Legearen 37. artikuluan ezarritakoa betez, jakinarazten du Bilboko 13. zenbakiko Jabetza Erregistroan inskribatzeko asmoa duela finkak Euskal Autonomia Erkidegoko Administrazioaren Lurzoru Ondare Publikoari eragiten diola, eta honela deskribatzen dela:

«LANDA finkaren goiko solairua: hiribildu honetako Iturrigorri puntuko lur-zatia, berrogeita hamazortzi metro koadro eta hirurogeita hamabost dezimetro neurtzen dituena. Mugak: iparraldean, Santiago Arana jaunaren bide partikularra; hegoaldean, Joaquín Ayesta jaunaren jabetza; ekialdean, jabetza honetako partzela; eta mendebaldean, pasabide gisa erabiliko den lur-zerrenda. Eta gainean, zenbakirik eta izenik gabeko etxe bat, beheko solairuan etxebizitza bat eta goiko solairuan beste etxebizitza bat dituena. Hogeita hamahiru metro karratuko azalera du, eta mugak hauek dira: iparraldean, Arana jaunaren bide partikularra; hegoaldean, baratze gisa erabiliko den zatia, sarrera dagoen tokia; ekialdean, bertako etxea; eta mendebaldean, bi metro zabaleko lur-zerrenda, etxerako biderako eta etxerako sarrerarako utzia. Harrizko zimenduz, adreiluzko altxaera eta teila laudun estalkiz eraikia dago.»

Katastroko 285 poligonoko 135. partzelari dagokio.

Bilboko 13. Jabetza Erregistroan inskribatuta dago, 458 liburuaren 4. inskripzioan, 225. folioan, 18221 finka zenbakia, IDUFIR: 48036001079790, Gregoria Colodron Rivas-en izenean.

Aipatutako finka Etxebizitza, Lurzoru eta Arkitektura Zuzendaritzak eskuratu zuen nahitaezko desjabetze-espedientearen bidez, «ITURRIGORRI-PEÑASKAL (3. FASEA: II) B.J.P:» proiektua gauzatzeko.

Euskal Autonomia Erkidegoko Administrazioaren Lurzoruaren Ondare Publikoari atxikitako jabari publikoa da, Etxebizitzari buruzko ekainaren 18ko 3/2015 Legearen 16.2.f artikuluan xedatutakoaren arabera.

Herri Administrazioen Ondareari buruzko azaroaren 3ko 33/2003 Legearen 37.3 artikuluan ezarritakoarekin bat etorriz etendako segidako traktuari berrekiteko, eta finka Bilboko 13. Jabetza Erregistroan inskribatzeko, Euskal Autonomia Erkidegoaren alde, 1946ko otsailaren 8ko Hipoteka Legearen 206. artikuluan xedatutakoaren babespean, honen berri ematen da finkaren gaineko eskubidea dutela egiaztatzen dutenek alegazioak egin ahal izateko edo horren aurka agertzeko, Eusko Jaurlaritzaren Lurralde Plangintza, Etxebizitza eta Garraio Saileko Lurzoruaren eta Etxebizitzaren Zuzendaritzaren aurrean (Donostia kalea 1), 30 eguneko epean, iragarki hau argitaratzen denetik zenbatuta.

Vitoria-Gasteiz, 2022ko abenduaren 12a.

Etxebizitza, Lurzoru eta Arkitekturaren zuzendaria,

PABLO GARCIA ASTRAIN.

Azterketa dokumentala