Euskal Herriko Agintaritzaren Aldizkaria

198. zk., 2022ko urriaren 17a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HAURRESKOLAK

4444

13/10-2022 ERABAKIA, Haurreskolak Partzuergoko Zuzendaritza Batzordearena, 2022ko urriaren 6koa, Haurreskolak Partzuergoko kudeaketako langileen lanpostu-zerrenda aldatzen duena.

Zuzendaritza Batzordearen 2022ko maiatzaren 4ko erabakiarekin, Haurreskolak Partzuergoko kudeaketako langileen lanpostu zerrenda finkatzeko prozesua garatu zen.

Euskal Administrazio Publikoek bere barne-egiturak arrazoibideratu eta eratu, langilego-beharrak finkatu, lanpostuetan jarduteko eskatutako baldintzak zehaztu eta horietako bakoitza sailkatzeko baliabidea dira lanpostu-zerrendak, Euskal Funtzio Publikoaren 6/1989 Legeari jarraiki. Beraz, aldian-aldian, indarrean dauden prozeduren arabera izapidetu ondoren aldaketak sartu behar dira lanpostuen zerrendetan,

Horrenbestez, Partzuergoaren Estatutuen 18. artikuluak Zuzendaritza Batzordeari ematen dizkion ahalmenei jarraiki, honako hau

ERABAKI DU:

Haurreskolak Partzuergoko Kudeaketako langileen lanpostu-zerrendaren aldaketa onartzea. Zerrenda Erabaki honen eranskinean ageri dira.

AZKEN XEDAPENETAKO LEHENENGOA

Haurreskolak Partzuergoko gerenteari ahalmena ematen zaio onartutako zerrendetako akatsak zuzentzeko, halakorik egonez gero.

AZKEN XEDAPENETAKO BIGARRENA

Erabaki hau Euskal Herriko Agintaritzaren Aldizkarian argitaratu eta hurrengo egunean sartuko da indarrean.

Eibar, 2022ko urriaren 6a.

Haurreskolak Partzuergoko gerentea,

ELENA AIZPURU SEGUROLA.

(Ikus .PDF)

Azterketa dokumentala