Euskal Herriko Agintaritzaren Aldizkaria

163. zk., 2022ko abuztuaren 25a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HERRI-KONTUEN EUSKAL EPAITEGIA

3692

ERABAKIA, Herri Kontuen Euskal Epaitegiaren Osokoak 2022ko maiatzaren 26ko bilkuran hartua Portugaleteko Udalaren 2020ko ekitaldiko Kontu Orokorraren fiskalizazio txostena, behin betiko onesten duena.

Herri Kontuen Euskal Epaitegiaren Osokoak 2022ko maiatzaren 26an egindako bilkuran

ERABAKI DU:

Portugaleteko Udalaren 2020ko ekitaldiko Kontu Orokorraren fiskalizazio txostena behin betiko onestea, Erabaki honen eranskin modura ageri dena.

HKEEren 1/1988 Legearen 13.2 atalak aurreikusten duena betez, txostenaren ondorioak dagozkion aldizkari ofizialetan argitaratzeko xedatzea.

Vitoria-Gasteiz, 2022ko maiatzaren 26a.

HKEEko lehendakaria,

ANA HELGUERA LÍBANO.

HKEEko idazkari nagusia,

JULIO ARTETXE BARKIN.

ERANSKINA

PORTUGALETEKO UDALAREN 2020KO EKITALDIKO KONTU OROKORRAREN FISKALIZAZIO TXOSTENA

Laburdurak.

AHM: Arautze Harmonizatuari Lotua.

BABA: Baldintza Administratibo Berezien Agiria.

BAO: Bizkaiko Aldizkari Ofiziala.

BBUP: Bilbao Bizkaia Ur Partzuergoa.

BEZ: Balio Erantsiaren gaineko Zerga.

BFA: Bizkaiko Foru Aldundia.

EA: Erakunde Autonomoa.

EAE: Euskal Autonomia Erkidegoa.

EFPL: 6/1989 Legea, uztailaren 6koa, Euskal Funtzio Publikoari buruzkoa.

EIOZ: Eraikuntzen, Instalazioen eta Obren gaineko Zerga.

EPE: Enplegu Publikoaren Eskaintza.

GLL: Gizarte Larrialdietarako Laguntzak.

HBGZ: Hiri Izaerako Lursailen Balio Igoeraren gaineko Zerga.

HKEE: Herri Kontuen Euskal Epaitegia.

JEZ: Jarduera Ekonomikoen gaineko Zerga.

LZ: Lanpostuen zerrenda.

SPKL: 9/2017 Legea, azaroaren 8koa, Sektore Publikoko Kontratuei buruzkoa.

I.– Sarrera.

Herri Kontuen Euskal Epaitegiak otsailaren 5eko 1/1988 Legeak eta Epaitegiaren Osoko bilkurak onetsitako Lan-programak agindutakoari jarraikiz, Portugaleteko Udalaren 2020ko Kontu Orokorraren fiskalizazio lana mamitu du.

HKEEk gauzatutako Portugaleteko Udalaren Kontu Orokorraren aurreko fiskalizazio lana 2014ko ekitaldiaren gainekoa izan zen.

Fiskalizazio-lan honek honako alderdi hauek besarkatzen ditu:

– Legezkotasuna: aurrekontuaren honako atal hauetan ezargarria den arautegia bete izana: aurrekontua, zuzenbide publikoko sarrerak, zorpetzea eta finantza-eragiketak, langileria, obren kontratazioa, zerbitzuak eta hornidurak eta dirulaguntzen emakida. Azterketa lan hau fiskalizazioaren ekitaldiari dagokio, beharrezko irizten diren beste ekitaldi batzuei buruzko egiaztatzeak egitea eragotzi gabe, fiskalizazio-gai den ekitaldian eragina dutelako.

– Kontabilitatea: Kontu Orokorra ezargarri zaizkion kontularitzako printzipioekin bat datorrela egiaztatzea. Kontu Orokorrak honako atal hauek besarkatzen ditu: Udalaren, erakunde autonomoaren eta sozietate publikoen egoeraren balantzea, galera-irabazien kontua eta memoria; baita Udalaren eta bere erakunde autonomoaren aurrekontuen likidazioa ere.

Sozietate publikoen kontuei dagokienez, gure lana kanpoko enpresek gauzatutako auditoretzako txostenak aztertzea izan da eta horretarako, beharrezko iritzitako proba osagarriak edo auditoretzako beste zenbait prozedura bideratu ditugu.

– Lanaren zabalak ez du gastuaren efikazia eta efizientziari buruzko azterlan berariazkorik besarkatu; ezta, kudeaketa-prozedurei buruzkorik ere. Alabaina, fiskalizazioan sortu diren alderdi partzialak Txosten honen III. Idazpuruan aztertu ditugu.

– Udalaren egoera ekonomikoaren finantza analisia.

Portugaleteko udalerriak 45.746 biztanle ditu 2020ko urtarrilaren 1eko erroldaren arabera eta bere egituran, Udalaz gain, honako hauek besarkatzen ditu:

– Haurrentzako Gizarte Zerbitzuen Udal Fundazioa – Txikitxu, aurrerantzean Udal Haurtzaindegia erakunde autonomoa.

– Deportiva Municipal de Portugalete, S.A., aurrerantzean, DEMUPORSA: Portugaleteko udalerrian dauden kirol-instalazioekin, kirolaren sustapenarekin eta kirolarien prestakuntzarekin, eta era guztietako kirol-lehiaketekin, mantentze fisiko eta ludikoekin eta pertsona fisikoen aisialdiarekin lotutako era guztietako jarduerak garatzea du helburu (% 100 udal-titulartasunekoa).

– Portugaleteko Berregokitzapenerako Hirigintza Sozietatea S.A., aurrerantzean SURPOSA. Sozietatearen helburua hirigintza izaerako zaharberritze jarduerak garatzea da (% 100 udal-titulartasunekoa).

Halaber, Portugaleteko Udala Nerbioi itsasadarraren Ezkerraldeko Udalerrien Mankomunitateko eta Ranzari tailerra-Minusbaliatu Psikikoen Aldeko Udal Mankomunitateko kide da.

II.– Iritzia.

II.1.– Legea Betetzeari buruzko Iritzia.

Kontratazioa.

1.– Udalaren argiteria publikoko instalazioetan energia elektrikoa hornitzeko eta sareetarako sarbidea izateko kontratuak, erakunde autonomoa eta Udalaren partaidetza osoa duten sozietateak barne, 2017an esleitu zen eta egikaritzen jarraitu du 2019ko martxoaren 31n iraungi ondoren. 2020ko ekitaldian kontratu estaldurarik gabe guztira egikaritutako gastua 1,2 milioi euro izan da.

2.– Udalak eta DEMUPORSAk 79.524 eta 147.858 euroren gastuak egin dituzte, hurrenez hurren, inolako kontratazio-prozedurarik izapidetu Gabe; ordea, zenbatekoaren arabera, bi kasutan prozedura ireki sinplifikatuaren bidez eta bestean prozedura irekiaren bidez lizitatu behar ziratekeen.

Diru-Sarrerak.

3.– Kirol jarduerei dagozkien tarifak DEMUPORSAren administrazio-kontseiluak onartzen ditu eta ez Udalbatzak, Tokiko Udalbatzen Zerbitzu-erregelamenduaren 148. artikuluak agintzen duen moduan.

Epaitegi honen iritzira, Portugaleteko Udalak, 1etik 3ra bitarteko paragrafoetan aipatutako ez betetzeak alde batera, zuzentasunez bete du 2020ko ekitaldian ekonomia-finantzaren jarduera arautzen duen lege arautegia.

II.2.– Urteko Kontuei buruzko Iritzia.

– Egoera Balantzeko Ibilgetu materiala eta Lurzoruaren Ondare Publikoa osatzen duten ondasunen balioak eta Ondasunen eta Eskubideen Udal Inbentarioko ondasunen balioak 10,4 milioi euroren aldea dute 2020ko abenduaren 31n, eta ez dago alde hori justifikatzen duen ondasunen xehakapenik.

Epaitegi honen iritzira, 1. paragrafoan adierazitako salbuespena alde batera, Portugaleteko Udalaren Kontu Orokorra osatzen duten erakundeen kontuek alderdi esanguratsu guztietan 2020ko ekitaldiaren jarduera ekonomikoa eta abenduaren 31ko ondarearen eta finantza egoeraren isla zuzena erakusten dute; baita, data horretan amaitutako urteko ekitaldiari dagozkion eragiketen eta eskudiruzko fluxuen emaitzena ere, ezargarria den finantza informazioaren arau-esparruaren arabera eta, zehazki, bertan jasotako kontularitzako printzipio eta irizpideen arabera.

III.– Barne Kontroleko Sistemei eta Kudeaketa-Prozedurei buruzko Irizpenak.

Atal honetan jasotzen dira jarduera ekonomikoa eta finantzarioa arautzen duten printzipioak betetzea nabarmen eragiten ez duten akatsak eta kudeaketa hobetzeko agerian jartzen diren prozedura-alderdiak.

III.1.– Udala eta Tokiko Erakunde Autonomoa.

III.1.1.– Aurrekontua eta kontabilitatea.

– «Aurrekontuz kanpoko beste hartzekodun batzuk» kontzeptuak 2014a baino lehenagoko eta identifikatu gabeko hirugarrenen zenbatekoak barne hartzen ditu. Komeniko litzateke jatorria aztertu eta identifikatzea, eta itzultzea edo erregularizatzea, aurrekontu arruntean sartuta.

– Nahiz Udalak bere jabetzakoak diren Ondasun eta Eskubideen inbentarioa duen, 2005eko ekainaren 30eko Udalbatzak onartutakoa, inbentario hori ez da urtero onartzen.

– Udalaren 2020ko ekitaldiko Aurrekontuko Likidazioak ez du konpromiso kredituen egoera barne hartzen: 2020ko abenduaren 31n 2021eko ekitaldiaren kontura baliatutako kredituak atzeman dira, 755.213 eurorenak, 2020ko abuztuan esleitutako obra-kontratu bati dagozkionak.

III.1.2.– Langileria.

– Ez dira BAOn argitaratu Udalaren eta Erakunde Autonomoaren zerbitzura diharduten langileen lan-baldintzak, 2020ko ekitaldian indarrean daudenak.

– Udalaren LZk lan-kontratuko langile finkoentzat gordetako 60 lanpostu jasotzen ditu, eta horien ezaugarriak ez datoz bat funtzio publikoaren araudian ezarritakoarekin.

– 2020ko ekitaldian Udalak indarrean duen LZk 2020ko abenduaren 31n hutsik dauden 160 lanpostu barne hartzen ditu; horietatik 47 bitarteko funtzionarioek betetzen dituzte eta 72 bitarteko lan-kontratuko langileek; lanpostu horiek ez dira azken ekitaldietako Enplegu Publikoko Eskaintzetan edo behin betiko betetzeko deialdietan sartu.

– 2020ko abenduaren 31n, obra edo zerbitzu jakin baterako 4 kontratu eta programako 7 bitarteko funtzionario-izendapen daude indarrean, 2016. urtea baino lehenagokoak. Aldi baterako kontratazioak eta aldi baterako programen exekuzioak ez dute 3 urte baino gehiagokoak izan behar.

– Udalak ez du gauzatutako egintzen nahikoa euskarri edo ebidentziarik uzten, aldi baterako kontratazioetarako lan poltsak zuzen kudeatu direla egiaztatzeko.

Langileen beharrak betetzeko erabiltzen diren lan-poltsen behin-behinekotasun maila eta antzinatasuna kontuan hartuta, Udalak beharrezko hautaketa-prozesuak abiarazi beharko lituzke plantilla egonkortu eta aipatutako poltsak berritu ahal izateko.

III.1.3.– Kontratazioa.

Kontratazio-espedienteak.

Udalaren kontratazio administratiboa aztertu dugu eta honako alderdi orokor hauek bereizi ditugu:

– Kontratazio-mahaiak egiaztatu beharko luke kaudimen-baldintzak betetzen direla kontratuak esleitzeko proposamena egin ondoren.

– Aztertutako espedienteetako Baldintza Administratibo Berezien Agiriek ez dute aurreikusten, lizitatzaile bakarra dagoenean, eskaintzak balio anormalak edo neurriz kanpokoak dituen baloratzeko modurik.

Hona hemen azaleratutako beste alderdi batzuk:

– 518.400 euroan esleitutako Kultura eta Jaietako programazioa prestatu, gauzatu, koordinatu eta dinamizatzeko laguntza teknikoa xede duen kontratuaren pleguetan (2. espedientea) aurreikusten da enpresa esleipenduneko langileek, udal-egoitza fisikoak erabiliko dituztela eta, zenbait egoeratan, langile horiek kontratuaren udal-arduradunaren jarraibideak bete beharko dituztela; ordea, Udalaren eta enpresa esleipendunaren arteko harremana soilik esleipendunaren koordinatzailearen bidez egin behar da.

– Lope de Vega eta Danok Bat kaleak urbanizatzeko obren kontratuan, 261.661 euroan esleitutakoan (8. espedientea), esleipenaren oinarri den txosten teknikoak Baldintza Administratibo Berezien Agirietan zehaztu gabeko alderdiak balioesten ditu (topografo bat egotea, komunikatzaileak beste zeregin batzuk egitea...).

– Aztertutako 4 espedientetan (2, 5, 6 eta 7 zenbakidun espedienteak), 1,9 milioi eurotan esleitutakoetan, Kontratatzailearen Profilean ez da argitaratu kontratazio-mahaiaren osaera.

– 4,6 milioi euroan egindako 2 kontraturen esleipena (1. eta 8. espedienteak), proposamenak ireki zirenetik bi hilabeteko gehienezko epea gaindituta gauzatu da, eta beste 2 kontraturen esleipenean (6. eta 7. espedienteak), 1,1 milioi eurorenak, 5 laneguneko epea gainditu da, aurreko baldintzak betetzen zirela egiaztatzen zuten agiriak jaso zirenetik.

– Hernán Cortés eta Francisco Pizarro kaleen arteko loturan irisgarritasuna hobetzeko obra-kontratua, 374.086 euroan esleitua (9. espedientea), aurreikusitako epea baino 9 hilabete gehiago luzatu da, eta kontratazio-organoak ez du kontratua luzatzea onartu.

Beste batzuk.

– Udalak kontratu txiki modura 345.558 euroren ondasun eta zerbitzuen kontratuak izapidetu ditu, hirugarrenekin gauzatutakoak; ordea, horietarako loteetan edo aleko prezioetan egin liteke lizitazioa, ohikotasunez kontratatzen diren gastuak direlako eta horien urteko beharra aurreikus daitekeelako.

III.1.4.– Berandutza eta beste alderdi batzuk.

– 2020an ez da egin merkataritza-eragiketen ordainketa-epeak betetzen direlakoari buruzko hiru hilean behingo txostenik, ez eta hiru hilabetetik gorako epean aitortu edo kontabilizatu ez diren erregistratutako fakturei buruzko txostenik ere, Udalari eta Udal Haurtzaindegia Erakunde Autonomoari buruzkoak.

– Udalak eta Udal Haurtzaindegia erakunde autonomoak ez dute hornitzaileei ordaintzeko batez besteko epea argitaratzen beren webgunean.

– Gardentasunari, informazio publikoa eskuratzeko bideari eta gobernu onari buruzko abenduaren 9ko 19/2013 Legea zuzen betetzeko, Udalak webgunean argitaratu behar lituzke, besteak beste, aurrekontuen gauzatze-egoerari buruzko informazio eguneratua, aurrekontu-egonkortasuneko eta finantza-iraunkortasuneko helburuen betetze-mailari buruzkoa, urteko kontuei buruzkoa eta goi-kargudunen eta konfiantzazko langileen ordainsariei buruzkoa.– Udal Haurtzaindegia erakunde autonomoak ez du bere webgunean gardentasun-ataririk edo estekarik kontratu txikiei, aurrekontuen gauzatze-egoerari eta urteko kontuei buruzko informazioa argitaratzen duen udaletxeko atarirako.

– Udalak ez du hirigintzako hitzarmenen erregistrorik.

III.2.– Sozietate Publikoak.

III.2.1.– Kontratazioa.

Udalaren kontratazio administratiboa aztertu dugu eta honako alderdi hauek bereizi ditugu:

– SURPOSAk esleitutako industriako errentamendu-espedientean, lehen urtean 60.000 euro egin dituen urteko errentarekin (3. espedientea), ABBAek ez dituzte definitzen esleipen-irizpide jakin batzuei dagozkien alderdi zehatzak (ekipamenduen eta instalazioen hobekuntzak, luzapen-aldiari dagozkion errenten eguneratzea eta zerbitzuaren eraginkortasuna edo eraikinaren hobekuntza eta funtzionaltasuna bermatzen duen beste edozein prestazio gehigarriren balorazioa).

– Guztira 1,4 milioi euro egin duten DEMUPORSAren espediente bateko eta SURPOSAren beste espediente bateko Baldintza Administratibo Berezien Agiriek (1. eta 2. espedienteak) ez dute aurreikusten, lizitatzaile bakarra dagoenean, eskaintzak balio anormalak edo neurriz kanpokoak dituen baloratzeko modurik. Gainera, ez dira argitaratzen Kontratatzailearen Profilean formalizatutako kontratuak.

III.2.2.– Beste batzuk.

– Udal sozietate publikoek urtero euren kontuen kanpoko auditoria kontratatzen dute, baina soilik alderdi finantzarioei dagokienez, eta ez dira gainerako kontrol-moldeak gauzatzen, kontu-hartzailearen kontrola barne hartuta (legezkotasuna, efikazia eta efizientziaren kontrol ekonomikoa eta antolamendukoa) Bizkaiko tokiko aurrekontu-araudian xedatutakoaren arabera gauzatu behar direnak.

– DEMUPORSAk 2020ko ekitaldian, Galera eta Irabazien kontuan ustiapen-dirulaguntza gisa 2,3 milioi euro erregistratu ditu, Udaletik jasotako urteko ekarpenei dagozkienak; ordea, Bazkideen ondare garbiko bestelako ekarpenen kontuan erregistratu behar ziratekeen. Defizit hori, nagusiki, prezio publikoak aplikatzetik dator.

– DEMUPORSAren 2020ko ekitaldiko inbentarioa ez du Akziodunen Batzorde orokorrak onartu.

DEMUPORSAk ez ditu Ibilgetuan erregistratu La Florida futbol zelaiko instalazioei eta Industriaren Museoa (Rialia) hartzen duen eraikinaren zati bati dagozkien atxikitako ondasunak. Orobat, SURPOSAk ez ditu erregistratu Udalak atxikitako Salazargo Dorreko lokalak eta jatetxea, ezen atxikipen-erabaki horiek ez baitute dagokion baloraziorik.

– DEMUPORSAk eta SURPOSAk finantza-erakundeekin dituzten kontu-korronteetan funtsak baliatzeko baimendutako sinadura pertsona bakar batek du. Funtsak egoki kudeatzeko baimen hori jende gehiagori luzatu behar zaio eta sinadura horiek mankomunatuak behar dute izan.

– Gardentasunari, informazio publikoa eskuratzeko bideari eta gobernu onari buruzko abenduaren 9ko 19/2013 Legea zuzen betetzeko, DEMUPORSAk eta SURPOSAk euren webgunean, besteak beste, honako hauei buruzko informazio gaurkotua argitaratu behar lukete: dirulaguntzak eta emandako laguntza publikoak; urteko kontuak; kontuen auditoretzako txostenak; eta erakunde bakoitzeko arduradunen ordainsariak.

IV.– Finantzaren Analisia.

Ondotik, Udalak 2018-2020 aldian zehar likidatutako magnitude nagusien bilakaera erakutsiko dugu.

(Ikus .PDF)

Sarrera korronteak: % 2.3 egin dute gora 2018koen aldean eta % 5,2 jaitsi dira 2019ko ekitaldiaren aldean. 2020an gertatu diren aldaketa nagusiak honako hauek izan dira:

– Zergak: igo egin da EIOZaren diru-bilketa, izan ere jarduera handiagoa izan da etxebizitza berrien 2 eraikin eraikitzeko obra lizentzien ondorioz, guztira 295.115 euroan. Igoera hori, baina, berdindu egin da HLBIZaren gaineko zerga % 3,1 murriztu delako eta JEZaren ordainagiri kopurua txikitu delako; horren guztiaren ondorioz, 2020ko eskubide aitortuak % 9,7 murriztu dira 2019koen aldean.

– Tasak eta bestelako sarrerak: % 3ko gutxitu dira adinekoen zentroak martxotik ekainera bitartean ixtea eragin zuen COVID-19aren ondorioz; alabaina, neurri batean, berdindu egin da galera hori Zabor eta Estolderia Tasa kontzeptuetan erregistratutako diru-sarrera handiagoekin, 2020ko lau hiruhilekoei eta 2019ko azken hiruhilekoari dagozkien diru-sarrerak 2020an erregistratzean.

– Transferentziak eta dirulaguntza korronteak: % 7,4 murriztu ziren, batetik, 2020an Udalkutxaren konturako ekarpenak erregistratu izanaren ondorioz, izan ere 2019ko ekitaldian, konturako ekarpenez gain, 2018ko ekitaldiko likidazio positiboa ere erregistratu baitzen. Bestalde, aurreko murrizketa, hein batean, Eusko Jaurlaritzak COVID-19ak eragindako beharrizanak artatzeko GLLen kontzeptuan egindako transferentziaren ezohiko ekarpenak -398.851 euro- konpentsatu du; baita Lanbideren transferentzien igoerak ere, 2019koen aldean 540.087 euro handiagoak izan baitira.

Funtzionamendu-gastuak: % 6,5eko igoera izan da aztertutako epean, eta 2020an aurreko ekitaldiaren aldean % 0,9koa izan da igoera.

– Pertsonaleko gastuak: % 3,5eko igoera izan dute, Estatuko Aurrekontu Orokorren Legeak onartutako ordainsarien igoerak eta aldi baterako lan-kontratuko langileen igoerak eraginda.

– Ondasun korronteen eta zerbitzuen kontratazioa: % 3,7 egin dute behera, hainbat jarduera ezin egin izan baitziren COVID-19aren ondorioz (jaiak, ikuskizunak, etab.) eta argindarraren, uraren eta abarren kontsumoa txikiagoa izan zelako. Berebat, lehen sareko uraren kontsumoak eragindako gastuak ere behera egin zuen 2019an 2018ko ekitaldiko ordainagiriak erregistratu zirelako.

– Transferentziak eta dirulaguntza korronteak: % 7,8 egin dute gora 2019koaren aldean, batik bat, COVID-19aren ondorioz jardueren etenagatik merkatariei emandako laguntzen ondorioz (800.550 euro) eta GLLak gehitu izanaren ondorioz. Igoera horiek berdindu egin dira 2020an Ranzari Elbarri Psikikoen Aldeko Udal Mankomunitateari 2020an egindako 562.000 euroren ekarpen txikiagoaren ondorioz.

Aurrezki gordina eta garbia: aztertutako aldian, 1,7 milioi euro baino gehiago murriztu da aurrezki gordina, eta 3,1 milioi euro gehiago 2019arekin alderatuta, batez ere Udalkutxaren murrizketaren ondorioz eta pertsonaleko gastuen eta emandako transferentziak eta dirulaguntzak gehitu izanaren ondorioz. Aldiz, aurrezki garbia % 16,7 igo da 2019koaren aldean, ekitaldi horretan mailegu baten 3,4 milioi euroren aldez aurreko amortizazio bat egin baitzen.

Kapital-eragiketen emaitza: 2020ko ekitaldiko kapital-eragiketen emaitzaren saldoa negatiboa da 1,5 milioi eurotan, eta beste administrazio publiko batzuen dirulaguntzekiko mendekotasun-indizea % 12,4 da (dirulaguntzengatiko diru-sarreren eta kapital-eragiketengatiko gastuen arteko zatidura).

Ekitaldiko inbertsioetan azpimarratzekoa da hiru igogailuren eraikuntza, 592.895 euroren zenbatekoan.

Diruzaintza Geldikina: aztertutako aldian, Diruzaintzako Geldikina eta Gastu Orokorretarako Diruzaintzako Geldikina 3,5 milioi euro eta 2,8 milioi euro gehitu dira, hurrenez hurren.

Aurrekontuaren egonkortasuna: Udalaren Kontu-hartzailetzak txostena jaulki zuen Udalak, erakunde autonomoak eta sozietate publikoek 2020ko ekitaldiko Aurrekontuaren likidazio bateratuan aurrekontuaren egonkortasun, gastuaren arau, eta zorraren muga bete dutela egiaztatuz, eta bertan esaten da:

– Aurrekontuaren egonkortasun printzipioa bete da, 2020ko abenduaren 31n finantzaketarako gaitasuna baitzuen.

– Gastuaren araua bete da, 2020ko gastu zenbagarriak ez baitu igoerarik izan 2019ko gastu zenbagarriaren aldean.

– Finantza-iraunkortasunaren printzipioa bete da, izan ere, zor komertzialari dagokionez, ordaintzeko batez besteko aldia 13 egunetik beherakoa izan zen 2020ko abenduaren 31n, eta zor publikoari dagokionez, egiaztatu da 2020ko abenduaren 31n finantza-zorraren maila, diru-sarrera ez-finantzarioei dagokienez, % 16,37koa izan dela, hasieran onartutako % 60ko muga baino txikiagoa.

Ondorioa: Udalak 4,7 milioi euro murriztu du zorra, 2018ko ekitaldian likidatutako diru-sarrera arrunten % 26,5 izatetik 2020ko ekitaldian % 16,4 izatera aldatuz; Diruzaintza Geldikina, berriz, 10,3 milioi eurotik 13,7 milioi eurora igo da.

V.– Urteko Kontuak.

V.1.– Udala.

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

V.2.– Udal Haurtzaindegia Erakunde Autonomoa.

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

(Ikus .PDF)

V.3.– Sozietate Publikoak.

(Ikus .PDF)

(Ikus .PDF)

Alegazioak.

III.1.3.– Kontratazioa.

– Kontratazio-mahaiak egiaztatu beharko luke kaudimen-baldintzak betetzen direla kontratuak esleitzeko proposamena egin ondoren.

SPKLren 9/2017 Legearen 157. artikuluak ezartzen duenez, Kontratazio Mahaiak 140. artikuluan aipatzen den dokumentazioa kalifikatuko du, eta, ondoren, proposamenak irekiko ditu. Halaber, 326. artikuluak ezartzen du Kontratazio Mahaiaren eginkizuna dela 140. artikuluan aipatzen den dokumentazioa kalifikatzea. Kontratazio-mahaiak kontratatzeko aldez aurretikako baldintzak betetzearen kalifikazioak bazuen oinarririk lizitatzaile guztiek beren proposamenarekin batera dokumentazio hori aurkezten zutenean eta kontratazio-mahaiak egiaztatu ondoren proposamenak irekitzen zirenean. Ekintzaileei eta haien nazioartekotzeari laguntzeko irailaren 27ko 14/2013 Legeak 3/2011 Legegintzako Errege Dekretuan egindako aldaketatik aurrera, mahaiaren eginkizun hori indargabetu egin zen, eta 146.4 artikuluak adierazten du esleipendun gisa proposatutako lizitatzaileak kontratazio-organoaren aurrean egiaztatu beharko duela eskatutako dokumentuak edukitzea eta baliozkoak izatea.

Ekintzaileei laguntzeko 14/2013 Legearen ildo berberari jarraikiz, 9/2017 Legeak ezartzen du proposatutako lizitatzaileak soilik aurkeztu beharko dituela aurretiazko baldintzak betetzen direla egiaztatzen duen dokumentazioa.

Egiaztapen hori, 9/2017 Legearen 157. artikuluak hala ezarrita, Kontratazio Mahaiak egin behar duela ondorioztatzea, gure aburuz, interpretazio formalistegia da, eta, gainera, ez dator bat agindu horren idazketarekin, kalifikazio horren ondoren eskaintzak irekiko direla adierazten baitu.

Zerbitzu espezializatuak, hau da, Kontratazio Zerbitzuak egiaztatzen du udal honetan adierazitako baldintzak betetzen dituela, eta, ondoren, Kontu-hartzailetzak fiskalizatu egiten du. Beraz, pertsona espezializatuek egiaztatzen dute, eta, gainera, Kontratazio Mahaiko kide dira.

Kontratazio Mahaiari beste saio baterako dei egitea, eskumena duen zerbitzuak ikusi eta ikuskatu ondoren esleipendun gisa proposatutako lizitatzaileak aurkeztutako dokumentazioa zuzena dela egiaztatzeko, ez dio berme gehiago ematen prozedurari, gure ustez, formalismo hutsa baita, esleipenean atzerapen handiagoa eragingo duena, hain zuzen ere.

Azterketa dokumentala