RSS
162. zk., 2022ko abuztuaren 24a, asteazkena
- Bestelako formatuak:
- PDF (159 KB - 5 orri.)
- EPUB (305 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
SEGURTASUN SAILA
3680
IRAGARKIA, zeinaren bitartez jakinarazten baitira Ertzaintzako zuzendariak honako lege hauetan ezarritakoa hausteak direla-eta emandako ebazpenak: 4/2015 Lege Organikoa, martxoaren 30ekoa, Herritarren Segurtasuna Babestekoa (HSBL); 5/2014 Legea, apirilaren 4koa, Segurtasun Pribatuarena (SPL).
Aipatutako ebazpenak zuzenean jakinaraztea lortu ez denez, iragarki hau argitaratzen da, hala ezarrita baitago Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan.
1.– Ebazpen horiek ez dute administrazio-bidea agortzen, eta beren aurka gora jotzeko errekurtsoa jarri ahal izango zaio Segurtasun sailburuordeari iragarki hau argitaratu eta hurrengo egunetik hilabete igaro baino lehen. Espedientea aztergai dago Segurtasuna Koordinatzeko Zuzendaritzan (Larrauri Mendotxe bidea 18, Erandio).
2.– Isuna ordaintzeko epealdia:
a) Jakinarazpena hilaren 1etik 15era bitartean jasotzen bada, jakinarazpenaren egunetik hurrengo hilaren 5era arte edo, egun hori balioduna ez bada, hurrengo egun baliodunera arte.
b) jakinarazpena hilaren 16tik azken egunera bitartean jasotzen bada, jakinarazpenaren egunetik hurrengo hilaren 20ra arte edo, egun hori balioduna ez bada, hurrengo egun baliodunera arte.
Baldin eta gora jotzeko errekurtsoa aurkezteko hilabeteko epealdia isuna ordaintzeko epealdia amaitutakoan amaitzen bada, ordaintzeko epealdia errekurtsoa aurkezteko epealdia amaitu ondoko lehen egun baliodunera arte luzatuko da, errekurtsorik aurkeztu ezean (Euskal Autonomia Erkidegoko Ogasun Nagusiaren Diru-bilketa Erregelamenduari buruzko abuztuaren 31ko 212/1998 Dekretuaren 44.3, 44.1 eta 44.4 artikuluak).
3.– Isuna ordaintzeko bi modu daude: zehapen-ebazpenari erantsitako ordainketa-gutuna aurkeztu honako finantza-entitate hauetako batean: Kutxabank, Banco Santander, Laboral Kutxa, Banco Sabadell, Bankoa, BBVA, CaixaBank, Caja Rural de Navarra; gainontzeko finantza-entitateetako baten txartela erabili (http://www.euskadi.net/nireordainketa), ordainketa-gutuneko datuak erabilita.
4.– Isuna borondatezko epealdian ordaintzen ez bada, premiamendu bidez ordainaraziko da interesdunaren ondaretik, urriaren 1eko 39/2015 Legearen 44. artikuluan xedatutakoari jarraikiz.
5.– Herritarren segurtasuna babesteko martxoaren 30eko 4/2015 Lege Organikoaren 36.16 artikuluan arautzen diren arau-hausteengatik adingabeei ezartzen zaizkien isunak eten ahal izango dira, baldin eta, arau-hausleak eta beraren legezko ordezkariak eskatuta, hark onartzean badu tratamendua edo errehabilitazioa egitea, beharrezkoa izanez gero, edo berriz hezteko jarduerak egitea (bosgarren xedapen gehigarria). Horretarako, asmo hori adierazi beharko zaio administrazio honi ebazpen hau jakinarazi eta hurrengo aurrera hamabost egun baliodun igaro baino lehen.
Hau eranskinean aipatutako interesdunak jakinaren gainean egon daitezen argitaratzen da; haientzat banakako jakinarazpenaren balioa edukiko du.
Jakinarazpen honek Estatuko Aldizkari Ofizialean argitaratu eta hurrengo egunetik aurrera sortuko ditu ondorioak.
Erandio, 2022ko uztailaren 22a.
Ertzaintzako zuzendaria,
VICTORIA DE JESÚS LANDA MOÑUX.
