Euskal Herriko Agintaritzaren Aldizkaria

122. zk., 2022ko ekainaren 24a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

ARABAKO FORU ALDUNDIA

2877

IRAGARKIA, Gizarte Ongizaterako Foru Erakundeko Adinekoen Arloko zuzendariorde teknikoaren lanpostua (kodea: 81001) izendapen aske bidez betetzeko deialdiari dagokiona.

Arabako Lurralde Historikoaren Aldizkari Ofizialeko 65. zenbakian (2022ko ekainaren 3koa), Gizarte Ongizaterako Foru Erakundeko Administrazio Kontseiluko lehendakariaren ebazpena argitaratu da. Horren bidez, Adinekoen Arloko zuzendariorde teknikoaren lanpostua (81001 kodea) izendapen aske bidez betetzeko deialdia onartzen da, eta baita deialdi horren oinarriak biltzen dituen eranskina ere.

Aipatutako eranskinaren arabera, hirugarren oinarrian ezarritako baldintzak betetzen dituzten interesdunek, Gizarte Ongizaterako Foru Erakundeko Administrazio Kontseiluko lehendakariari zuzendu beharko dizkiote eskaerak, eta Gizarte Ongizaterako Foru Erakundearen erregistro orokorrean (San Prudentzio kalea 30, 1. solairua, 01005 Vitoria-Gasteiz) aurkeztu. Halaber, Administrazio Publikoen Administrazio Prozedura Erkidearen urriaren 1eko 39/2015 Legeak 16. artikuluan ezarritako edozein bide erabilita, iragarki hau Euskal Herriko Agintaritzaren Aldizkarian argitaratu eta biharamunetik aurrera hamabost egun balioduneko epean aurkeztu ahal izango dira eskaerak.

Vitoria-Gasteiz, 2022ko ekainaren 3a.

Gizarte Ongizaterako Foru Erakundeko zuzendari-kudeatzailea,

JOSÉ FRANCISCO ANTÓN IDRÓQUILIS.

Azterketa dokumentala