Euskal Herriko Agintaritzaren Aldizkaria

53. zk., 2022ko martxoaren 15a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

EKONOMIAREN GARAPEN, JASANGARRITASUN ETA INGURUMEN SAILA

1223

IRAGARKIA, 2022ko martxoaren 1ekoa, Industria Administrazioko Bizkaiko lurralde-ordezkariarena, zeinaren bidez argitara ematen den, lehia posible baten ondorioetarako, Bizkaiko Artzentales, Sopuerta, Galdames eta Muskiz udal-mugarteetan dagoen Artzentales-Sopuerta parke eolikorako aldez aurreko administrazio-baimenaren eskaera.

Maiatzaren 28ko 115/2002 Dekretuak 4. artikuluan ezarritako ondorioetarako (115/2002 Dekretua, maiatzaren 28koa, Euskal Autonomia Erkidegoan parke eolikoetako energia eolikotik energia elektrikoa ekoizten duten instalazioei baimena emateko prozedura arautzen duena), Artzentales-Sopuerta parke eolikorako aurkeztutako aldez aurreko administrazio-baimenaren eskaera iragartzen da:

– Kokalekua: Torrelaseta gailurra eta Mello mendiaren arteko lerrokadura.

– Eskatzailea: Euskal Haizie, SL.

– Tartean dauden udal-mugarteak: Artzentales, Sopuerta, Galdames eta Muskiz (Bizkaia).

– Haize-sorgailuen kopurua: 8.

– Instalatu den potentzia gordina: 49,6 MW.

– Ukitutako azaleraren poligonalaren koordenatu geografikoak:

(Ikus .PDF)

Hori guztia argitara ematen da, eta hogei eguneko epea ematen da, iragarki hau 115/2002 Dekretuaren 4. artikuluan aipatzen diren aldizkarietan argitaratzen den egunetik aurrera zenbatzen hasita, parke eoliko hori ezarri eta ustiatzeko interesa duten pertsona fisiko edo juridikoek lehia-eskabidea aurkeztu dezaten aipatutako dekretuaren 3. artikuluan xedatutakoaren arabera edo izapidetze elektronikoaren plataformaren bidez, GE-Y prozeduraren bidez, Bizkaiko Industria Administrazioko Lurralde Ordezkaritzari zuzenduta, hemen: https://www.euskadi.eus/prozedura/ge/web01-a2energi/eu/

Bilbao, 2022ko martxoaren 1a.

Industria Administrazioko Bizkaiko lurralde-ordezkaria,

ADOLFO GONZÁLEZ BERRUETE.

Azterketa dokumentala