Euskal Herriko Agintaritzaren Aldizkaria

34. zk., 2022ko otsailaren 16a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

LAN ETA ENPLEGU SAILA

801

IRAGARKIA, 2021eko otsailaren 2an Laneko eta Gizarte Segurantzako zuzendariak 48/2019/111 zenbakiko espedientean emandako Ebazpena jakinarazteko dena (Esp.: 48/2019/111).

Ezinezkoa izan da ebazpen hori zuzenean jakinaraztea, eta, horrenbestez, iragarki hau argitaratzen da, hala xedatuta baitago Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan.

Aipatutako errekurtsoa Laneko eta Gizarte Segurantzako zuzendariaren ebazpen baten bidez amaitu da. Izan ere, ebazpen horretan erabaki zen errekurtsoa ezestea, I482019000027957 zenbakidun arau-haustearen aktan jasotako zehapen-proposamena berrestea eta enpresari 8.196 euroko zehapena ezartzea, abuztuaren 4ko 5/2000 Legegintzako Errege Dekretuak onartutako Lan-arloko Arau-hauste eta Zehapenei buruzko Legearen testu bateginaren 12.1b) artikuluan arau-hauste astuntzat tipifikatutako arau-haustea egiteagatik.

Enpresari jakinarazten zaio ebazpen horrek ez diola amaiera ematen administrazio-bideari, eta, beraren aurka, gora jotzeko errekurtsoa aurkez dakiokeela Eusko Jaurlaritzako Lan eta Enplegu Saileko Laneko eta Gizarte Segurantzako sailburuordeari, bere lurralde historikoko lurralde-ordezkaritzaren bidez, hilabeteko epean, iragarki hau BOEn argitaratu eta hurrengo egunetik zenbatzen hasita.

Era berean, jakinarazten zaio, gora jotzeko errekurtsoa aurkezteko eskubidea baliatuko ez badu, ezarritako zehapena ordaindu beharko duela Eusko Jaurlaritzaren ordainketa-pasabidearen bidez, Interneteko helbide honetan: https://www.euskadi.eus/y22-pay/eu/p12uiPaymentWar/p12uiRPCDispatcherServlet?p12iIdioma=eu. Ordaintzeko azken eguna 2022-04-02 da, eta ordaintzeko behar diren datuak honako hauek dira:

– Zerga-bilketako Prozeduraren Kodea (ZPK): 9050794.

– Entitate igorlea: 04833001-522.

– Erreferentzia: 4819011100477.

– Identifikazioa: 020422.

– Zenbatekoa: 8.196 euro.

Hala egiten ez badu, premiamendu-egintza betearazlea eskatuko da zehapena kobratzeko, eta berehala sortuko dira premiamendu-errekargua eta berandutze-interesak, Euskal Autonomia Erkidegoko Ogasun Nagusiaren Dirubilketa Erregelamendua onartzen duen abuztuaren 31ko 212/1998 Dekretuan ezarritako prozedura aplikatuta.

Eranskinean aipatutako interesdunak jakitun geratzeko argitaratzen da hau, eta jakinarazpenaren balioa izango du haientzat.

Jakinarazpen honek Estatuko Aldizkari Ofizialean argitaratu eta hurrengo egunetik aurrera izango ditu ondorioak.

Vitoria-Gasteiz, 2022ko otsailaren 2a.

Laneko eta Gizarte Segurantzako zuzendaria,

ANGEL LAPUENTE MONTORO.

ERANSKINA

(Ikus .PDF)

Azterketa dokumentala