Euskal Herriko Agintaritzaren Aldizkaria

251. zk., 2021eko abenduaren 17a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GOBERNANTZA PUBLIKO ETA AUTOGOBERNU SAILA

6287

EBAZPENA, 2021eko azaroaren 26koa, Herri Arduralaritzaren Euskal Erakundeko zuzendariarena, 2021eko urriaren 19ko Ebazpenean atzemandako akatsak zuzentzekoa. Zuzendutako ebazpenaren bidez jakinarazten da IVAPek antolatutako ikastaroen balioespena, estatu-mailako gaitasuna duten Toki Administrazioko funtzionarioen lehiaketen baremo orokorrean sartzeko.

AURREKARIAK

Lehenengoa.– 2021eko urriaren 19an Herri Arduralaritzaren Euskal Erakundeko zuzendari nagusiak emandako ebazpen bidez jakinarazten da IVAPek antolatutako ikastaroen balioespena, estatu-mailako gaitasuna duten Toki Administrazioko funtzionarioen lehiaketen baremo orokorrean sartzeko.

Ebazpenaren Eranskinean zehazten da Herri Arduralaritzaren Euskal Erakundeak 2021eko urtarrilaren 1etik 2021eko ekainaren 30era bitarteko epean antolatutako ikastaroen balioespena.

Bigarrena.– Ebazpenak duen Eranskinean akats bat atzeman da; izan ere, zerrendan ez da agertzen, bertan egon behar den IVAPek antolaturiko prestakuntza-ekintza bat.

ZUZENBIDEKO OINARRIAK

Lehenengoa.– Administrazio Publikoen Administrazio-prozedura Erkidearen 39/2015 Legeak 109.2 artikuluan xedatzen duenez, Administrazio publikoek edozein unetan zuzendu ditzakete, ofizioz edo interesdunek eskaturik, beren egintzetako oker materialak, egitezkoak edo aritmetikoak.

Bigarrena.– Herri Arduralaritzaren Euskal Erakundearen egitura eta egitekoak arautzen dituen 133/2021 Dekretuaren 6.2 m) artikuluak ezartzen duenez, zuzendari nagusiari dagokio, IVAP osatzen duten zerbitzuen helburuak bete eta dagozkien egitekoak aurrera eramateko behar diren deialdiak eta ebazpenak onartzea.

Aurreko guztia dela eta,

EBAZTEN DUT:

Lehenengoa.– Herri Arduralaritzaren Euskal Erakundeko zuzendari nagusiaren 2021eko urriaren 19ko Ebazpenean atzemandako akatsa zuzentzea eta IVAPek antolatutako honako ikastaro honen balioespena sartzea, estatu-mailako gaitasuna duten Toki Administrazioko funtzionarioen lehiaketen baremoaren ondorioetarako.

– Módulo III. Ordenación y planeamiento urbanístico del XLVI (46) curso de urbanismo y estudios territoriales (2020-2021). Bilbao.

Bigarrena.– Argitaratzea, zuzenduta, Herri Arduralaritzaren Euskal Erakundeko zuzendari nagusiaren 2021eko urriaren 19ko Ebazpeneko Eranskina. Ebazpen horren bidez, jakinarazten da IVAPek antolatutako ikastaroen balioespena, estatu-mailako gaitasuna duten Toki Administrazioko funtzionarioen lehiaketen baremo orokorrean sartzeko.

AZKEN XEDAPENA.– Errekurtsoak.

Herri Arduralaritzaren Euskal Erakundeko zuzendari nagusiaren Ebazpen honen aurka, gora jotzeko errekurtsoa aurkeztu ahal izango zaio Gobernantza Publiko eta Autogobernu sailburuari. Errekurtsoa jartzeko epea hilabetekoa izango da Ebazpena argitaratzen den hurrengo egunetik kontatzen hasita, hala ezartzen baitu 39/2015 Legeak, Administrazio Publikoen Administrazio Prozedura Erkidearenak, 121. artikuluan. Errekurtsoari ez bazaio ebazpen adierazirik ematen, ezetsitzat joko da.

Vitoria-Gasteiz, 2021eko azaroaren 26a.

Herri Arduralaritzaren Euskal Erakundearen zuzendaria,

EGOITZ LABURU RODRIGUEZ.

(Ikus .PDF)

Azterketa dokumentala