Euskal Herriko Agintaritzaren Aldizkaria

230. zk., 2021eko azaroaren 18a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

LAN ETA ENPLEGU SAILA

5876

EBAZPENA, 2021eko irailaren 15ekoa, Laneko eta Gizarte Segurantzako zuzendariarena, zeinaren bidez agintzen den «Asociación Empresarial de Gestores de Centros Asistenciales del País Vasco (Asociación GESCA Euskadi)» enpresa-erakundearen eratze-akta eta estatutuak gordailutzeko, eta horren berri ematen den.

Sindikatu eta Enpresa Erakundeen Estatutuak Gordailutzeko Bulego Publiko honetan «Asociación Empresarial de Gestores de Centros Asistenciales del País Vasco (Asociación GESCA Euskadi)» enpresa-erakundearen eratze-akta eta estatutuak gordailutzeari buruz hasitako espedientea ikusi da, eta ebazpena ematen da, honako hauek oinarritzat hartuta:

AURREKARIAK

Lehenengoa.– 2021eko irailaren 6an aurkeztu da «Asociación Empresarial de Gestores de Centros Asistenciales del País Vasco (Asociación GESCA Euskadi)» enpresa-erakundearen eratze-akta eta estatutuak gordailutzeko eskariaren dokumentazioa.

Bigarrena.– Gordailutzeko aurkeztutako dokumentazioa bat dator Sindikatuen eta enpresa-erakundeen estatutuak gordailutzeari buruzko maiatzaren 29ko 416/2015 Errege Dekretuan ezarritakoarekin. Honako hauek osatzen dute dokumentazioa: gordailutze-eskaera, eratze-akta eta estatutuak, eta sustatzaileen nortasuna egiaztatzen duten hainbat agiri.

Hirugarrena.– Estatutuetako 4. artikuluan xedatutakoaren arabera, Euskal Autonomia Erkidegoa da haren lurralde-jarduketaren eremua.

Egitate horiei honako hauek aplikatuko zaizkie:

ZUZENBIDEKO OINARRIAK

Lehenengoa.– Lan eta Enplegu Sailaren egitura organikoa eta funtzionala ezartzen duen Eusko Jaurlaritzaren urtarrilaren 19ko 7/2021 Dekretuaren 10.1 m) artikuluak ematen dio organo honi Sindikatu eta Enpresa Elkarteen Estatutuak

Bigarrena.– Administrazio-prozedura honetan aplikatu beharreko funtsezko araudia apirilaren 1eko 19/1977 Legean eta Sindikatuen eta enpresa-erakundeen estatutuak gordailutzeari buruzko maiatzaren 29ko 416/2015 Errege Dekretuan (4. eta 5. artikuluak) jasotakoa da.

Hirugarrena.– Gordailutzeko aurkeztutako dokumentazioa aztertu da eta zuzenbidearen araberakoa dela egiaztatu da; beraz, bidezkoa da «Asociación Empresarial de Gestores de Centros Asistenciales del País Vasco (Asociación GESCA Euskadi)» enpresa-erakundearen eratze-akta eta estatutuak gordailutu daitezen onartzea.

Aipatutako oinarriak eta oro har aplikatu beharreko gainerako xedapenak ikusita, honako hau

EBAZTEN DUT:

Lehenengoa.– «Asociación Empresarial de Gestores de Centros Asistenciales del País Vasco (Asociación GESCA Euskadi)» enpresa-erakundearen eratze-akta eta estatutuak jasotzen dituen dokumentazioa gordailutu dadin agintzea, eta gordailuan kode hau ematea: 76/1/00009.

Bigarrena.– Gordailu hori Euskal Herriko Agintaritzaren Aldizkarian argitaratzeko agintzea, Sindikatuen eta enpresa-erakundeen estatutuak gordailutzeari buruzko maiatzaren 29ko 416/201 Errege Dekretuaren 13. artikuluan aurreikusitako moduan.

Hirugarrena.– Ebazpen honek ematen den egunaren biharamunetik aurrera izango ditu ondorioak.

Laugarrena.– Ebazpen honen berri eman behar zaie interesdunei, urriaren 1eko 39/2015 Legeak (Administrazio Publikoen Administrazio Prozedura Erkidearenak) 40. artikuluan xedatutako moduan; halaber, ebazpena Euskal Autonomia Erkidegoko Auzitegi Nagusiko Lan Arloko Salan aurkaratu ahal izango da, Lan Arloko Jurisdikzioa arautzen duen urriaren 10eko 36/2011 Legean xedatutakoaren arabera (2011ko urriaren 11ko BOE).

Vitoria-Gasteiz, 2021eko irailaren 15a.

Laneko eta Gizarte Segurantzako zuzendaria,

ANGEL LAPUENTE MONTORO.

Azterketa dokumentala