221. zk., 2021eko azaroaren 8a, astelehena
- Bestelako formatuak:
- PDF (266 KB - 4 orri.)
- EPUB (278 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
KULTURA ETA HIZKUNTZA POLITIKA SAILA
5679
EBAZPENA, 2021eko urriaren 27koa, Kulturako sailburuordearena, Euskadiko Irakurketa Publikoko Sareko liburutegietako teknologia berriak ezartzeko edota garatzeko dirulaguntzak emateko dena.
Kultura eta Hizkuntza Politikako sailburuaren 2021eko maiatzaren 26ko Aginduak, Euskadiko Irakurketa Publikoko Sareko liburutegietako teknologia berriak ezartzeko edota garatzeko dirulaguntzak emateko modua arautzen du (2021eko ekainaren 14ko EHAA, 115. zk.).
Aipatutako 2021eko maiatzaren 26ko Aginduaren 10. artikuluari jarraituz, eta Kultura Ondarearen Zuzendaritzaren Ebazpen Proposamena ikusita, hauxe
EBAZTEN DUT:
Lehenengoa.– Eranskinean azaltzen diren udal eta erakundeei adierazten diren diru-kopuruak ematea liburutegietako teknologia berriak ezartzeko edota garatzeko.
Bigarrena.– Liburutegi publikoetan teknologia berriak ezartzeko eta/edo garatzeko dirulaguntza ukatzea Portugaleteko Udalari, ez duelako betetzen 6. artikuluan agertzen den baldintza (Jarduera finantzagarriak eta diruz lagun daitezkeen gastuak). Artikulu horretan ezartzen da 100 eurotik gorako kostua duten elementuak finantzatuko direla.
Interesdunek Ebazpen honen aurka gora jotzeko errekurtsoa aurkez dakioke Kultura eta Hizkuntza Politikako sailburuari jakinarazpena jaso eta hurrengo egunetik zenbatzen hasita hilabeteko epean, Administrazio Publikoen Administrazio Prozedura Erkidearen urriaren 1eko 39/2015 Legearen 121. eta 122. artikuluak ezartzen dutenaren arabera.
Vitoria-Gasteizen, 2021eko urriaren 27a.
Kulturako sailburuordea,
ANDONI ITURBE AMOREBIETA.