Euskal Herriko Agintaritzaren Aldizkaria

128. zk., 2021eko ekainaren 30a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

EUSKAL HERRIKO UNIBERTSITATEA

3729

EBAZPENA, 2021eko ekainaren 7koa, Universidad del País Vasco / Euskal Herriko Unibertsitateko irakasle-ikertzaileen arloko errektoreordearena, irakasle agregatuen plazak betetzeko lehiaketari buruzko 2021eko maiatzaren 5eko Ebazpena zuzentzeko dena.

AURREKARIAK

Lehenengoa.– UPV/EHUko errektorearen 2021eko maiatzaren 5eko Ebazpenaren bidez (EHAA, 2021eko maiatzaren 31), UPV/EHUko irakasle agregatuen (lotutakoak) plazak betetzeko deialdi publikoa egin zen, eta haren oinarrietan, 2.2b) atalean, berariazko betekizunei buruzkoan, ez da honako mugaketa hau jaso: «Atxikitako plazari dagokion espezialista titulu ofiziala (MIR) izatea», ezinbestekoa horrelako plazetarako.

ZUZENBIDEKO OINARRIAK

Lehenengoa.– Irakasle-ikertzaileen arloko errektoreordeak eskumena du, eskuordetzaz, ebazpen hau emateko, Universidad del País Vasco / Euskal Herriko Unibertsitateko errektoreak 2021eko urtarrilaren 28an gobernu taldearen egitura eta funtzionamendu arloak zehazteko, eta eskumenak eskuordetzeko emandako ebazpenak (otsailaren 12ko EHAA) eskumenak eskuordetuta.

Bigarrena.– 39/2015 Legeak, urriaren 1ekoak, Administrazio Publikoen Administrazio Prozedura Erkidearenak, honako hau ezartzen du 109.2 artikuluan:

«Herri administrazioek, beren kabuz edo interesdunak eskaturik, edozein unetan zuzendu ditzakete beren egintzetako errakuntza materialak, egitezkoak edo aritmetikoak.»

Horregatik guztiagatik, honako hau

EBATZI DUT:

Lehenengoa.– UPV/EHUko errektorearen 2021eko maiatzaren 5eko Ebazpena zuzentzea; beraz, deialdiaren oinarrietako 2.2b) atalean honako mugaketa hau erantsi behar da:

«Lotutako plazari dagokion espezialista titulu ofiziala (MIR) izatea».

Bigarrena.– Jakinaraz bekie ebazpen hau inplikatutako sailei eta argitaratu bedi unibertsitatearen webgunean (Irakasleak – Deialdi bideratuak). Har beza kontuan dagokion atalak Irakasle-ikertzaileen Zerbitzuan.

ERREKURTSOAK

Ebazpen honen kontra aukerako berraztertze errekurtsoa jar dakioke UPV/EHUko Irakasle-ikertzaileen arloko errektoreordeari hilabeteko epean, edo, bestela, administrazioarekiko auzi errekurtsoa jar daiteke zuzenean administrazioarekiko auzietako dagokion Bilboko epaitegian bi hilabeteko epean, ebazpen hau argitaratu eta biharamunean zenbatzen hasita.

Leioa, 2021eko ekainaren 7a.

Irakasle-ikertzaileen arloko errektoreordea,

FEDERICO RECART BARAÑANO.

Azterketa dokumentala