Euskal Herriko Agintaritzaren Aldizkaria

105. zk., 2021eko maiatzaren 31, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA / SAN SEBASTIÁNGO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA

3113

EDIKTUA, behin betiko neurriak aldatzeko bideratutako 524/2020 prozeduraren ondoriozkoa.

Donostiako Lehen Auzialdiko 6 zenbakiko Epaitegia, Zuzeneko Laguntza emateko Unitate Prozesal Zibila.

Judizioa: behin betiko neurriak aldatzekoa, 524/2020.

Gaia.

Demandatzailearen prokuradorea: Juan Guillermo Gonzalez Belmonte.

Judizio horretan epaia eman da 2021-03-18an, eta horren bidez prozesuari amaiera eman zaio. Hona hemen epaitza, hitzez hitz:

EPAITZA

Baiesten da González Belmonte epaitegietako prokuradoreak Juan Bautista Calzada García jaunaren izenean eta haren ordezkari gisa Luciana Gonçalves Dos Santos andrearen kontra aurkeztu duen demanda; horrenbestez, guraso eta seme-alaben arteko harremanak elkarrekin adostuta arautzeko 1337/2013 zenbakidun prozeduran eman zen 2014ko otsailaren 5eko epaian ezarri ziren neurriak aldatzen dira:

1) xxxxxxxxxx seme adingabearen zaintza eta jagoletza esleitzea Juan Bautista Calzada García jaunari. Guraso-ahalaren titularitatea bi gurasoek partekatuko dute, baina guraso-ahalaz baliatu ahal izatea aitari esleitzen zaio esklusiboki; izan ere, berariazko baimena emango zaio adingabearen NANa, pasaportea eta semearen bizitzan beharrezkoak diren izapideak egiteko (bekak, etab.), bai eta adingabea pertsona fisikoen gaineko errentaren zergaren aitorpenean sartzeko ere.

2) Indarrik gabe uzten da amaren alde ezarritako bisita, egonaldi eta komunikazioen erregimena. Haren ordez, amaren eta seme adingabearen artean ez da bisiten erregimen bat ezarriko. Amak semearekin harremanak berriro hasteko nahia adierazten badu, gurasoen artean adostu beharko dute hori, eta, desadostasunik bada, neurri hau aldatzeko eskatu ahal izango da, horretarako dagoen legezko prozeduraren bidez.

3) Mantenu-pentsioa. Alejandro seme adingabearen elikadura-premiei aurre egiteko, amak, Luciana Gonçalves Dos Santos andreak, mantenu-pentsio bat ordaindu beharko du, hileko 200 eurokoa, zeinak iraungo baitu semea adinez nagusi izan arte, edo ekonomikoki burujabe izan arte edo halako izateko kondizioan izan arte, fede onezko jokabidearekin bat etorriz. Urteko hamabi hilabeteetarik bakoitzeko lehen bost egunen barruan ordainduko da kopuru hori aitak berariaz zehazten duen kontuan. Pentsioa urtero eguneratuko da, horretarako errekerimendua egin beharrik izan gabe, Estatistikako Institutu Nazionalak edo horren ordezko erakundeak ezarritako Kontsumoko Prezioen Indizeak aurreko urtean –abendutik abendura– izandako aldaketen arabera; 2022. urtean eta urtarrilaren 1etik aurrera izango ditu ondorioak eguneraketak.

Aparteko gastuak 2014ko otsailaren 5eko epaian adostutako moduan mantenduko dira.

4) Ebazpen honetan ezartzen ez den guztian, guraso eta seme-alaben arteko harremanak arautzeko 2014ko otsailaren 5eko epaian ezarri ziren neurriak aplikatuko dira epaitegi honetan bideratu zen 1337/13 prozeduran eman zen epai hori.

Luciana Goncalves Dos Santos demandatuaren gaur egungo bizilekua ezezaguna denez, ebazpena Euskal Herriko Agintaritzaren Aldizkarian argitaratutako ediktu baten bidez jakinaraztea erabaki da, Prozedura Zibilaren 1/2000 Legeak (PZL) 497.2 artikuluan xedatutakoari jarraituz.

Ebazpen horren aurka apelazio-errekurtsoa aurkez daiteke hogei egun balioduneko epean, ediktu hau argitaratzen denetik hasita, jakinarazi den ebazpenean bertan adierazten den eran.

Interesdunak jakinarazten den ebazpenaren testu osoa eskura dezake epaitegi honetako bulego judizialean, oso-osorik haren berri izan dezan.

Donostia / San Sebastián, 2021eko martxoaren 31.

JUSTIZIA ADMINISTRAZIOAREN LETRADUA.

Azterketa dokumentala