RSS
68. zk., 2021eko apirilaren 8a, osteguna
- Bestelako formatuak:
- PDF (264 KB - 3 orri.)
- EPUB (221 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HEZKUNTZA SAILA
2003
AGINDUA, 2021eko martxoaren 15ekoa, Hezkuntzako sailburuarena, Getxoko (Bizkaia) «Centro Vasco de Enseñanzas Deportivas EKFB» Kirol Irakaskuntzako ikastetxe baimenduaren baimena aldatzeko dena.
Taldeen edukiera handitzeko eta instalazioak aldatzeko, Getxoko (Bizkaia) «Centro Vasco de Enseñanzas Deportivas EKFB» Kirol Irakaskuntzako ikastetxe baimenduaren erakunde titularraren ordezkariak hasarazi duen espedientea aztertu da.
Espediente hori ezarritako prozeduraren arabera izapidetu da, indarreko arauek eskatzen dituzten agiriak erantsi zaizkio, eta arlo horretan eskumena duten erakundeek horri buruzko txostena eman dute.
Arau hauek ikusi dira: urriaren 24ko 1367/2007 Errege Dekretua, araubide bereziko kirol-irakaskuntzen antolamendu orokorra ezartzen duena (azaroaren 8ko BOE); urriaren 30eko 981/2015 Errege Dekretua, Ur amiletako Piraguismoko kirol-teknikariaren titulua, Ur bareetako kirol-teknikariaren titulua eta Ur amiletako laket-gida kirol-teknikariaren titulua ezarri, eta dagozkion oinarrizko curriculuma eta sarbide-baldintzak finkatzen dituena (azaroaren 25eko BOE); martxoaren 26ko 338/2018 ECD Agindua, Ur amiletako Piraguismoko kirol-teknikariaren, Ur bareetako kirol-teknikariaren eta Ur amiletako laket-gida kirol-teknikari maila ertaineko hasierako eta amaierako zikloen kurrikulumak ezartzen dituena; urriaren 30eko 983/2015 Errege Dekretua, Ur amiletako Piraguismoko goi-mailako kirol-teknikariaren titulua eta Ur bareetako goi-mailako teknikariaren titulua ezarri, eta dagozkien oinarrizko curriculuma eta sarbide-baldintzak finkatzen dituena (azaroaren 26ko BOE); eta martxoaren 26ko ECD/337/2018 Agindua, Ur amiletako Piraguismoko goi-mailako kirol-teknikariaren titulua eta Ur bareetako goi-mailako teknikari titulua ezarri, eta dagozkien oinarrizko curriculuma finkatzen dituena. Horiek horrela, hau
EBAZTEN DUT:
1. artikulua.– Ikastetxe honi baimena ematen zaio Piraguismoko espezialitateetarako 2021-2022ko ikasturtetik aurrera:
Kode-zenbakiak: 015908 eta 48019742.
Izen orokorra: Kirol Irakaskuntzako ikastetxe baimendua.
Izen espezifikoa: «Centro Vasco de Enseñanzas Deportivas EKFB».
Titularra: Unión de Federaciones Deportivas Vascas.
Helbidea: Avenida de los Chopos z/g.
Udalerria: Getxo.
Lurralde historikoa: Bizkaia.
Baimena:
○ Maila ertainekoak: 6 talde.
• Ur amiletako kirol-teknikaria, 2 talde, 28 ikasleentzako bakoitza.
• Ur bareetako kirol-teknikaria, 2 talde, 28 ikasleentzako bakoitza.
• Ur amiletako laket-gida kirol-teknikaria, 2 talde, 28 ikasleentzako bakoitza.
○ Goi-mailakoak: 2 talde.
• Ur amiletako goi-mailako kirol-teknikaria, talde bat, 28 ikasleentzako.
• Ur bareetako goi-mailako teknikaria, talde bat, 28 ikasleentzako.
Ikastetxearen osaera:
● Modalitatea: Saskibaloia.
○ Erdi-maila: 2 talde, bakoitza 30 ikaspostuko edukierakoa.
○ Goi-maila: 2 talde, bakoitza 30 ikaspostuko edukierakoa.
● Modalitatea: Eskubaloia.
○ Erdi-maila: 2 talde, bakoitza 35 ikaspostuko edukierakoa.
○ Goi-maila: 2 talde, bakoitza 35 ikaspostuko edukierakoa.
● Modalitatea: Piraguismoa.
○ Erdi-maila: 6 talde.
• Ur amiletako kirol-teknikaria, 2 talde, 28 ikasleentzako bakoitza.
• Ur bareetako kirol-teknikaria, 2 talde, 28 ikasleentzako bakoitza.
• Ur amiletako laket-gida kirol-teknikaria, 2 talde, 28 ikasleentzako bakoitza.
○ Goi-maila: 2 talde.
• Ur amiletako goi-mailako kirol-teknikaria, talde bat, 28 ikasleentzako.
• Ur bareetako goi-mailako teknikaria, talde bat, 28 ikasleentzako.
2. artikulua.– Ikastetxeak indarrean dauden legeak bete beharko ditu, agindu honen bidez baimentzen zaizkion irakaskuntzak emateko eskatzen diren ikaspostuen kopuruari eta irakasleen titulazioari dagokienez. Bestela, bidezkoa litzateke emandako baimena baliogabetzea.
3. artikulua.– Ikastetxeak martxoaren 17ko 314/2006 Errege Dekretuaren bidez onartutako Eraikuntzako Kode Teknikoa bete beharko du, bai eta indarreko legeek ezartzen dituzten higiene-, osasun-, akustika-, bizigarritasun-, segurtasun- eta irisgarritasun-baldintzak ere. Ikastetxearen titularraren erantzukizuna izango da baldintza horiek betetzea.
AZKEN XEDAPENETAKO LEHENENGOA
Agindu honetan dagoen baimen-emateak ez du esan nahi hezkuntza-itunen araubidearen edo dirulaguntzen deialdien bitartez laguntzarik lortuko denik.
AZKEN XEDAPENETAKO BIGARRENA
Agindu honen kontra aukerako berraztertzeko errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteiz, 2021eko martxoaren 15a.
Hezkuntzako sailburua,
JOKIN BILDARRATZ SORRON.
