Euskal Herriko Agintaritzaren Aldizkaria

60. zk., 2021eko martxoaren 25a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

BERDINTASUN, JUSTIZIA ETA GIZARTE POLITIKETAKO SAILA

1770

AGINDUA, 2021eko martxoaren 10ekoa, Berdintasun, Justizia eta Gizarte Politiketako sailburuarena, zeinaren bidez behin betiko ebazten baita Auzitegi Medikuntzako Euskal Institutuaren Gipuzkoako Zuzendariordetzan Auzitegi Patologiako zerbitzuburu lanpostu bat berariazko merezimendu-lehiaketa bidez betetzeko deialdia.

Honako espediente hau aztertu da: Berdintasun, Justizia eta Gizarte Politiketako sailburuaren 2020ko irailaren 14ko Aginduaren bidez deitutako lekualdatze-lehiaketa espezifikoaren ondorioz izapidetutako espedientea. Hain zuzen ere, agindu horren bidez, deialdia egiten da Auzitegi Medikuntzako Euskal Institutuaren Gipuzkoako Zuzendariordetzan Auzitegi Patologiako zerbitzuburu lanpostu bat berariazko merezimendu-lehiaketa bidez betetzeko.

Oinarri hartu dira, halaber, honako hauetan xedatutakoak: Botere Judizialari buruzko 6/1985 Lege Organikoa aldatu zuen abenduaren 23ko 19/2003 Lege Organikoaren VI. liburuko VIII. titulua, eta Justizia Administrazioaren zerbitzuko langile funtzionarioen sarrerari, lanpostuak betetzeari eta lanbide-sustapenari buruzko erregelamendua, abenduaren 7ko 1451/ 2005 Errege Dekretuaren bidez onartua.

Hori dela eta, honako hau

EBAZTEN DUT:

Argitara ematea lehiaketaren behin betiko zerrenda: eranskinean adierazten da zein lehiakideri esleitzen zaion deialdiko lanpostua, eta zenbat puntu lortu dituzten bi parte-hartzaileek.

AZKEN XEDAPENETAKO LEHENENGOA

Agindu honen aurka, aukerako berraztertzeko errekurtsoa aurkez dakioke Berdintasun, Justizia eta Gizarte Politiketako sailburuari, hilabeteko epean, edo administrazioarekiko auzi-errekurtsoa, dagokion administrazioarekiko auzien epaitegian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

AZKEN XEDAPENETAKO BIGARRENA

Agindu hau Euskal Herriko Agintaritzaren Aldizkarian eta Estatuko Aldizkari Ofizialean aldi berean argitaratu eta hurrengo egunean jarriko da indarrean.

Ezin bada bi aldizkarietan aldi berean argitaratu, epeak Euskal Herriko Agintaritzaren Aldizkarian argitaratu eta hurrengo egunetik aurrerakoak izango dira.

Vitoria-Gasteiz, 2021eko martxoaren 10a.

Berdintasun, Justizia eta Gizarte Politiketako sailburua,

BEATRIZ ARTOLAZABAL ALBENIZ.

(Ikus .PDF)

Azterketa dokumentala