RSS
42. zk., 2021eko otsailaren 26a, ostirala
- Bestelako formatuak:
- PDF (263 KB - 3 orri.)
- EPUB (321 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
GOBERNANTZA PUBLIKO ETA AUTOGOBERNU SAILA
1140
EBAZPENA, 2021eko otsailaren 8koa, Herri Arduralaritzaren Euskal Erakundearen zuzendariarena, zeinaren bidez jakinarazten baita IVAPek antolatutako ikastaroen balorazioa, estatu-mailako gaitasuna duten toki-administrazioko funtzionarioen lehiaketen baremo orokorrean sartzeko.
Estatu-mailako gaitasuna duten toki-administrazioko funtzionarioentzat gordetako lanpostuak betetzeari buruzko uztailaren 29ko 1732/1994 Errege Dekretuak 15. artikuluan zehazten du nola osatzen den hornitze-prozesu horietan ezargarria den baremo orokorra, prozesu horien parte baitira prestakuntza- eta hobekuntza-ikastaroak.
Bestalde, 1994ko abuztuaren 10eko Aginduaren 1.D artikuluan eta Administrazio Publikoko Institutu Nazionalaren 1994ko urriaren 26ko Ebazpenean ezarrita daude toki-administrazioko prestakuntza- eta hobekuntza-ikastaroak onartu eta baloratzeko irizpideak, autonomia-erkidegoekin bat etorrita.
Herri Arduralaritzaren Euskal Erakundeak 2020ko uztailaren 1etik 2020ko abenduaren 31ra bitarteko epean antolatutako ikastaroak hautaketa-prozesu horien baremo orokorrean jaso ahal izateko, IVAPek ikastaro horien balorazioa zehaztu eta ebazpen honen bidez jakinarazten du balorazio hori, jende guztia jakitun izan dadin.
Hori guztia kontuan izanik, hau
EBAZTEN DUT:
Artikulu bakarra.– Herri Arduralaritzaren Euskal Erakundeak 2020ko uztailaren 1etik 2020ko abenduaren 31ra bitarteko epean antolatutako ikastaroen balorazioa jakinaraztea, estatu-mailako gaitasuna duten toki-administrazioko funtzionarioen lehiaketen baremo orokorrean sartzeko. Balorazioa ebazpen honen eranskinean dago adierazita. Ebazpen honek honako ebazpen hauek osatzen ditu: 2020ko urriaren 22ko Ebazpena (2020/10/28ko EHAA, 213.zk.), 2020ko apirilaren 21eko Ebazpena (2020/04/30eko EHAA, 81. zk.), 2019ko otsailaren 11ko Ebazpena (2019/02/19ko EHAA, 35. zk.), 2018ko irailaren 12ko Ebazpena (2018/09/21eko EHAA, 183. zk.), 2018ko martxoaren 15eko Ebazpena (2018/03/21eko EHAA, 57. zk.), 2018ko urriaren 4ko Ebazpena (2017/10/10eko EHAA, 194. zk.), 2017ko otsailaren 16ko Ebazpena (2017/02/28ko EHAA, 41. zk.), 2016ko irailaren 19ko Ebazpena (2016/10/21eko EHAA, 200. zk.), 2016ko martxoaren 11ko Ebazpena (2016/03/22ko EHAA, 56. zk.), 2015eko urriaren 21eko Ebazpena (2015/10/28ko EHAA, 205. zk.), 2014ko urriaren 28ko Ebazpena (2014/12/11ko EHAA, 236. zk.), 2013ko irailaren 19ko Ebazpena (2013/10/03ko EHAA, 189. zk.), 2013ko apirilaren 25eko Ebazpena (2013/05/13ko EHAA, 90. zk.), 2013ko martxoaren 25eko Ebazpena (2013/04/19ko EHAA, 75. zk.), 2013ko martxoaren 1eko Ebazpena (2013/03/15eko EHAA, 53. zk.), 2011ko irailaren 19ko Ebazpena (2011/10/11ko EHAA, 194. zk.), 2011ko otsailaren 11ko Ebazpena (2011/03/09ko EHAA, 47. zk.), 2010eko uztailaren 8ko Ebazpena (2010/08/02ko EHAA, 147. zk.), 2010eko urtarrilaren 28ko Ebazpena (2010/02/18ko EHAA, 33. zk.), 2009ko uztailaren 10eko Ebazpena (2009/07/28ko EHAA, 143. zk.), 2009ko urtarrilaren 15eko Ebazpena (2009/02/02ko EHAA, 22. zk.), 2008ko uztailaren 15eko Ebazpena (2008/08/06ko EHAA, 148. zk.) eta 2007ko urriaren 10eko Ebazpena (2007/11/05eko EHAA, 212. zk.). Ebazpen horiek guztiek jarraituko dute indarrean.
Vitoria-Gasteiz, 2021eko otsailaren 8a.
Herri Arduralaritzaren Euskal Erakundeko zuzendaria,
MARÍA TERESA IRURETAGOYENA IBARGUREN.
