RSS
38. zk., 2021eko otsailaren 22a, astelehena
- Bestelako formatuak:
- PDF (303 KB - 6 orri.)
- EPUB (443 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
SEGURTASUN SAILA
1006
IRAGARKIA, zeinaren bidez Ertzaintzaren zuzendariak eta Segurtasuneko sailburuordeak emandako ebazpenak jakinarazten baitira, Herritarren Segurtasuna Babesteko martxoaren 30eko 4/2015 Lege Organikoan eta apirilaren 4ko 5/2014 Segurtasun Pribatuaren Legean ezarritakoak hausteari dagozkionak.
Aipatutako ebazpenak zuzenean jakinaraztea lortu ez denez, iragarki hau argitaratzen da, hala ezarrita baitago Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan.
1.– Ebazpen horiek ez dute administrazio-bidea agortzen, eta horien aurka, gora jotzeko errekurtsoa jarri ahal izango zaio Segurtasuneko sailburuordeari (Ertzaintzaren zuzendariaren ebazpena bada) edo Segurtasuneko sailburuari (Segurtasuneko sailburuordearen ebazpena bada), bi kasuetan hilabeteko epean, iragarki hau argitaratu eta hurrengo egunetik aurrera. Halaber, espedientea ikusteko aukera dago Segurtasuna Koordinatzeko Zuzendaritzan (Erandioko Larrauri Mendotxe bidea 18).
2.– Isuna ordaintzeko epea:
a) Hilaren 1etik 15era bitartean jakinarazi bada, jakinarazpenaren egunean hasi eta hurrengo hilaren 5era arte, edo, egun hori balioduna ez bada, hurrengo egun baliodunera arte.
b) Hilaren 16tik azken egunera bitartean jakinarazi bada, jakinarazpenaren egunean hasi eta hurrengo hilaren 20ra arte, edo, egun hori balioduna ez bada, hurrengo egun baliodunera arte.
Gora jotzeko errekurtsoa aurkezteko hilabeteko epea isuna ordaintzeko epea baino geroago amaitzen bada, errekurtsoa aurkezteko epea amaitu ondorengo lehen egun baliodunera arte luzatuko da ordainketarako epea, baldin eta ez bada errekurtsorik aurkezten (Euskal Autonomia Erkidegoko Ogasun Nagusiaren Diru-bilketa Erregelamenduari buruzko abuztuaren 31ko 212/1998 Dekretuaren 44.3, 44.1 eta 44.4 artikuluak).
3.– Isuna honela ordain daiteke: bai zehapen-ebazpenari erantsitako ordainketa-gutuna honako finantza-erakundeetan aurkeztuta (Kutxabank, Banco Santander, Laboral Kutxa, Sabadell Guipuzcoano, Bankia, Bankoa, BBVA, la Caixa), bai gainerako erakundeen txartelak erabilita. Internet: http://www.euskadi.net/nireordainketa, ordainketa-gutuneko datuak erabilita.
4.– Isuna borondatezko epe horretan ordaintzen ez bada, premiamendu bidez ordainaraziko da interesdunaren ondaretik, urriaren 1eko 39/2015 Legearen 101.1 artikuluan xedatutakoari jarraituz.
5.– Herritarren Segurtasuna Babesteko martxoaren 30eko 4/2015 Lege Organikoaren 36.16 artikuluan aurreikusitako arau-hausteak direla eta, adingabeei ezartzen zaizkien isunak eten ahal izango dira, baldin eta arau-hausleek eta legezko ordezkariek eskatuta, tratamendua edo errehabilitazioa egin behar badute, edo berriz hezteko jarduerak egitea onartzen badute (bosgarren xedapen gehigarria). Horretarako, asmo hori adierazi beharko zaio administrazio honi, ebazpen hau jakinarazi eta hurrengo egunetik aurrera hamabost egun balioduneko epean.
Eranskinean aipatutako interesdunak jakinaren gainean egon daitezen argitaratzen da, eta haientzat banakako jakinarazpenaren balioa izango du.
Jakinarazpen honek Estatuko Aldizkari Ofizialean argitaratu eta hurrengo egunetik aurrera izango ditu ondorioak.
Erandio, 2021eko otsailaren 8a.
Segurtasuneko sailburuordea,
JESÚS MARÍA ZUBIAGA NIEVA.
