13. zk., 2021eko urtarrilaren 20a, asteazkena
- Bestelako formatuak:
- PDF (290 KB - 3 orri.)
- EPUB (289 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
URAREN EUSKAL AGENTZIA
302
IRAGARKIA, ur-aprobetxamendurako eskubidea amaitzeko egon daitezkeen interesdunei jakinarazteko dena.
Baimen, Emakida eta Isurketa Arloa – Uraren Euskal Agentzia.
Aprobetxamenduen titularrak eta jakinarazpenerako helbideak ezezagunak direnez, edo jakinarazpena egiten saiatu eta ez denez lortu, Administrazio Publikoen Administrazio Prozedura Erkideari buruzko urriaren 1eko 39/2015 Legearen 44. artikuluan ezarritakoaren arabera, argitaratzen da, Uren Legearen 66.2 artikuluan eta Jabari Publiko Hidraulikoko Erregelamenduaren 161.2 artikuluetan eta ondorengoetan ezarritakoarekin bat eginez eta xede horretarako hasitako espedienteen ondorio gisa, Uraren Euskal Agentziaren zuzendariaren ebazpenaren bitartez, iragarki honen eranskinean zehaztutako ezaugarriak dituzten ur-aprobetxamenduen emakidak amaitu direla.
Ekainaren 23ko 1/2006 Uren Legearen 6.4 artikuluan ezarritakoaren arabera, ebazpen honen aurka gora jotzeko errekurtsoa jar daiteke Euskal Autonomia Erkidegoko Administrazioko Ekonomiaren Garapen, Jasangarritasun eta Ingurumeneko sailburuaren aurrean, hilabeteko epean, ebazpena Estatuko Aldizkari Ofizialean argitaratu eta hurrengo egunetik aurrera.
Iragarki hau jendaurrean jartzen da, pertsona orok eta I. eranskinean aipatutako interesdunek horren berri izan dezaten, eta banakako jakinarazpenaren balioa izango du haientzat.
Vitoria-Gasteiz, 2020ko abenduaren 18a.
Jabari Publikoa Kudeatzeko zuzendaria,
JOSU PEREA ARANDIA.