Euskal Herriko Agintaritzaren Aldizkaria

191. zk., 2020ko irailaren 28a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

OSASUN SAILA

3901

IRAGARKIA, Bilboko (Bizkaia) farmazia-eskualdean farmazia-bulego baten eskualdaketan atzera egiteari buruzkoa.

2020ko abuztuaren 25ean, Euskal Herriko Agintaritzaren Aldizkariak Bilboko (Bizkaia) farmazia-eskualdean farmazia-bulego bat eskualdatzeko proposamenaren iragarkia argitaratu zuen, eta une horretan bi hilabeteko epea eman zen hura eskuratzeko eskabideak aurkezteko.

Farmazia-bulegoaren titularrak berariaz egin du atzera eskualdaketa baimentzeko eskabidean, eta hori egiteko unean ez da aurkeztu farmazia eskuratzeko eskaerarik.

Horregatik, eta farmazia-bulegoak eskualdatzeko prozedura ezartzen duen martxoaren 16ko 166/1999 Dekretuaren 13.2 artikuluan eta Administrazio Publikoen Administrazio Prozedura Erkidearen urriaren 1eko 39/2015 Legearen 94. artikuluan aurreikusitakoa betez, Farmazia Zuzendaritzak ebazpena eman du 2020ko irailaren 17an, atzera egite hori erabat onartzen duena eta hasitako eskualdaketa-prozedura amaitutzat jotzen duena.

Horren berri ematen da, interesdunek horren berri izan dezaten.

Vitoria-Gasteiz, 2020ko irailaren 17a.

Farmaziako zuzendaria,

JON IÑAKI BETOLAZA SAN MIGUEL.

Azterketa dokumentala