Euskal Herriko Agintaritzaren Aldizkaria

27. zk., 2020ko otsailaren 10a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

SEGURTASUN SAILA

669

AGINDUA, 2020ko otsailaren 4koa, Segurtasuneko sailburuarena, Ertzaintzako lanpostuen zerrenda aldatzen duena.

1.– Zenbait aldiz aldatu da Herrizaingoko sailburuaren 1997ko abenduaren 31ko Agindua, Ertzaintzaren lanpostuen zerrenda onartu zuena, lanpostuak egitura-aldaketetara egokitzeko.

2.– Uztailaren 17ko 4/1992 Legearen (Euskal Herriko Poliziari buruzko Legea bosgarrenez aldatzen duen ekainaren 27ko 7/2019 Legeak aldatua) 105. artikuluaren 3. zenbakiak ezartzen duenez, Ertzaintzan Medikuen eta Teknikarien Eskala sortuko da, eta haren plazak A1, A2 eta C1 sailkapen-taldeei dagozkie, kasu bakoitzean eskatzen den titulazioaren arabera.

3.– Herrizaingoko sailburuaren 1996ko uztailaren 22ko Aginduaren bidez (irailaren 5eko EHAA, 171. zk.), Ertzaintzaren Musika Bandaren Zerbitzua sortu zen, eta Euskal Herriko Poliziari buruzko uztailaren 17ko 4/1992 Legearen 9.2 xedapen iragankorrean aurreikusitako aukeraren erabilera arautu zen.

Bigarren xedapen gehigarriak xedatzen duenez, Musika Bandaren Zerbitzuari atxikitako Ertzaintzako funtzionarioek, musikari-kategoriari dagozkion ordainsariak zehaztu arte, orain arte jaso dituzten ordainsariak jasoko dituzte aurrerantzean ere, behin-behinean. Ordainsari horiek zehazten direnean, interesdunek jasotzen zituzten ordainsarien gain murrizketa bat gertatzen bada, aldeagatiko osagarri pertsonal eta iragankorra jasotzeko eskubidea izango dute, eta osagarri hori xurgagarria izan daiteke.

4.– Ertzaintzako funtzionarioen ordainsariei buruzko abenduaren 16ko 298/1997 Dekretuaren jatorrizko idazketak laugarren xedapen iragankorra jasotzen zuen, honela zioena:

Euskal Herriko Poliziari buruzko uztailaren 17ko 4/1992 Legeak, fakultatibo eta teknikarien eskalari buruzkoak, ezarritako aurreikuspenak garatzen dituen araua indarrean jarri arte, musikariaren eta Musika Bandaren Zerbitzuko zuzendariaren lanpostuak euskal administrazio publikoetako lanpostuei dagozkien 16. eta 21. mailetan sailkatzen dira, hurrenez hurren, eta haien destino-osagarria bat etorriko da ezarritako urteko zenbatekoekin. Maila horiek administrazio horietako funtzionarioei aplikatu beharreko araudian Musikariaren eta Musika Bandako zuzendariaren lanpostuei esleitzen zaien berariazko osagarria, hala badagokio, Ertzaintzaren lanpostuen zerrendan jasoko da, eta, hala badagokio, lanpostu bakoitzean dauden baldintza bereziak ordainduko dira, dekretu honen 4. artikuluan ezarritako irizpideak aplikatuz.

5.– Uztailaren 24ko 160/2012 Dekretuak Ertzaintzaren ordainsariei buruzko Dekretua aldatu zuen, 7. artikulua gehitu eta laugarren xedapen iragankorra indargabetu zuelako.

7. artikuluak honela dio:

1) Ertzaintzako medikuen eta teknikarien eskalako lanpostuak Euskal Autonomia Erkidegoko Administrazio Orokorreko funtzionarioentzat gordetako lanpostuetarako ezarritako mailetan sailkatuko dira, dagokien sailkapen-taldeari dagokionez.

2) Lanpostuen zerrenda onartzeko aginduan zehazten den lanpostu horien destino-osagarria bat etorriko da Euskal Autonomia Erkidegoko Administrazio Orokorreko funtzionarioei aplikatu beharreko araudian maila horietarako finkatutako urteko zenbatekoekin.

3) Ertzaintzako lanpostuen zerrendan jasoko da lanpostu horiei esleitzen zaien berariazko osagarria, eta, hala badagokio, lanpostu horietako bakoitzean dauden baldintza bereziak ordainduko dira, dekretu honen 4. artikuluan ezarritako irizpideak aplikatuz.

6.– Segurtasuneko sailburuaren 2019ko otsailaren 18ko Aginduak (otsailaren 25eko EHAA, 39. zk.), Ertzaintzako lanpostuen zerrenda aldatzen duenak, aurreikusten ditu Musika Bandari atxikitako lanpostuak Arabako Lurralde Buruzagitzan organikoki integratuta daudela, fakultatibo eta teknikarien eskalako lanpostuak, merezimendu-lehiaketako lanpostuak betetzeko modua, Gasteizko herria eta lanaldi normalizatua, batzuk lehendik daudenak eta beste batzuk berriak.

Aurreko sei zenbakietan adierazitakoa oinarri hartuta, Segurtasun Saileko titularraren agindu bidez, zuzendari, zuzendariorde, artxibozain eta musikari lanpostuei dagozkien ordainsariak ezarri behar dira.

Ondorioz, Ertzaintzaren Kontseiluak txostena egin ondoren, eta Euskal Herriko Poliziari buruzko 4/1992 Legearen 103. artikuluan aurreikusitako negoziazioa egin ondoren, honako hau

EBAZTEN DUT:

Lehenengoa.– Musika Bandako eta Ertzaintzako fakultatiboen eta teknikarien eskalako lanpostuak sailkapen-taldeetan sartzen dira.

– Zuzendaria: a taldea, A-1 azpitaldea.

– Zuzendariordea: c taldea, C-1 azpitaldea.

– Artxibozaina: c taldea, C-1 azpitaldea.

– Musikaria: c taldea, C-1 azpitaldea.

Bigarrena.– Honako lanpostu-mailako osagarri hauetan sailkatzen dira Musika Bandako eta Ertzaintzako fakultatiboen eta teknikarien eskalako lanpostuak:

– Zuzendaria: 21. maila.

– Zuzendariordea: 17. maila.

– Artxibozaina: 17. maila.

– Musikaria: 16. maila.

Hirugarrena.– Musika Bandako zuzendariorde eta artxibozain postuetako berariazko osagarriaren osagai orokorra Musika Bandako zuzendari posturako ezarritakoa izango da.

Laugarrena.– Fakultatibo eta Teknikarien eskalako Musika Bandako zuzendari, zuzendariorde, artxibozain eta musikari lanpostuek 12. mailako berariazko osagarri berezia izango dute.

AZKEN XEDAPENETAKO LEHENENGOA.– Errekurtsoak.

Agindu honek amaiera ematen dio administrazio-bideari, eta, beronen aurka, aukerako berraztertze-errekurtsoa aurkeztu ahal izango zaio Segurtasuneko sailburuari, hilabeteko epean, agindu hau Euskal Herriko Agintaritzaren Aldizkarian argitaratu eta hurrengo egunetik aurrera, Administrazio Publikoen Administrazio Prozedura Erkidearen urriaren 1eko 39/2015 Legearen 123. eta 124. artikuluetan ezarritakoaren arabera. Kasu horretan, ezin izango da administrazioarekiko auzi-errekurtsorik jarri, harik eta berraztertze-errekurtsoa berariaz ebatzi arte edo ustez ezetsi arte, eskaera izapidetzeko eskumena duen organoaren erregistroan sartu eta hilabeteko epean.

Halaber, administrazioarekiko auzi-errekurtsoa aurkez daiteke zuzenean interesdunak egoitza duen barrutiko administrazioarekiko auzien epaitegian, bi hilabeteko epean, agindu hau Euskal Herriko Agintaritzaren Aldizkarian argitaratu eta hurrengo egunetik aurrera.

AZKEN XEDAPENETAKO BIGARRENA.– Ondorioak.

Agindu honek Euskal Herriko Agintaritzaren Aldizkarian argitaratu eta hurrengo egunetik aurrera izango ditu ondorioak.

Vitoria-Gasteiz, 2020ko otsailaren 4a.

Segurtasuneko sailburua,

ESTEFANÍA BELTRÁN DE HEREDIA ARRONIZ.

Azterketa dokumentala