Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

20. zk., 2020ko urtarrilaren 30a, osteguna

Laburpenera joan

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA / SAN SEBASTIÁNGO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA
462

EDIKTUA, behin betiko neurriak aldatzeko bideratutako 829/2019 prozeduraren ondoriozkoa.

Donostiako Lehen Auzialdiko 6 zenbakiko Epaitegia, Zuzeneko Laguntza emateko Unitate Prozesal Zibila.

Judizioa: behin betiko neurriak aldatzekoa. 829/2019.

Gaia: neurriak aldatzea.

Alderdi demandatzailearen prokuradorea: Estibaliz Agote Aizpurua.

Judizio horretan, 2019-12-03an, epaia eman da, zeinak amaiera ematen baitio prozesuari.

Mpaca Simao demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoari jarraikiz.

EPAITZA

Baiesten dut Mami Talamosi Epouse Simao andreak Mpaca Simao auzi-iheslariaren aurka jarritako demanda, Estíbaliz Agote Aizpurua epaitegietako prokuradorea ordezkari duela. Ondorioz, neurri hauek hartzen dira:

Amari, alegia Mami Talamosi Epouse Simao andreari, esleitzen zaio seme-alaba adingabeen gaineko guraso-ahalaz esklusiboki baliatzea. Beraz, amak, aitak baimendu beharrik gabe, guraso-ahalari dagozkion egintza guztiak egin ahal izango ditu, hala nola pasaportea edo NANa lortzea, nazionalitatea eskatzea, eskola aldatzea, tratamendu medikoak jasotzea, eta abar.

Auzialdi honetan sortutako kostuak ez dira berariaz ezarriko.

Ebazpen horren aurka, apelazio-errekurtsoa jar daiteke, ediktu hau argitaratu eta hogei egun balioduneko epean, jakinarazitako ebazpenean bertan adierazten den eran.

Interesdunak eskuragarri dauka jakinarazten den ebazpenaren testu osoa, epaitegi honetako bulego judizialean, eta, han, osorik aztertu ahal izango du.

Donostia, 2019ko abenduaren 3a.

JUSTIZIA ADMINISTRAZIOAREN LETRADUA.


Azterketa dokumentala