Euskal Herriko Agintaritzaren Aldizkaria

239. zk., 2019ko abenduaren 17a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

ARABAKO PROBINTZIA AUZITEGIKO LEHEN SEKZIOKO ZUZENEKO LAGUNTZA EMATEKO UNITATE PROZESALA

5762

EDIKTUA, 962/2019 prozedura arruntaren apelazio-errekurtsoaren ondoriozkoa.

Arabako Probintzia Auzitegia. Lehen Sekzioa. Zuzeneko Laguntza Emateko Unitate Prozesal Zibila.

Errekurtsoa: apelazio-errekurtsoa, AOR 962/2019 prozedura arruntaren ondoriozkoa (2000ko PZL).

Errekurtsogilea: Mutua Madrileña Compañia de Seguros y Reaseguros SA.

Prokuradorea: Juan Usatorre Iglesias.

Abokatua: Carlos Fuentenebro Zabala.

Errekurritua: Elinor Rengifo Pezzo de Chang.

Prokuradorea: Patricia Lascaray Palacios.

Abokatua: Marly Julieth Gonzalez Barrera.

Auzi-ihesean: Thais Lopez Riaño.

Errekurtso horretan 896/19 epaia eman da, 2019 azaroaren 5ean. Hona hemen epaitza:

«Mutua Madrileña Compañía de Seguros y Reaseguros SAk, Usatorre prokuradorearen bitartez, apelazio-errekurtsoa jarri du hiri honetako Lehen Auzialdiko 6 zenbakiko Epaitegiak 2019ko martxoaren 26an, bertan bideratu zen eta erroilu honen jatorria ere baden 562/2017 judizio arruntean, eman zuen epaiaren aurka. Apelazio-errekurtso hori zati batean indargabetzen dugu; hots, 4.636,18 euroko zenbatekoa ezartzen dugu, printzipal gisa, alderdi demandatzailearen alde eta demandatuen kontura, baina zenbateko horri interesak ere aplikatuko zaizkio. Apelazio-errekurtsoaren gainerako zatia berresten da. Bestalde, ez da egiaztatu berariazko erabakirik gora jotzeko errekurtso honen kostuen gainean.

BJLOren 15. xedapen gehigarriaren 8. apartatuan xedatutakoa betez, alderdi apelatzaileari osorik itzuliko zaio errekurtsoa aurkezteko eratu zuen gordailua.

Aurkaratzeko modua: ebazpen honen aurka kasazio-errekurtsoa aurkez daiteke Auzitegi Goreneko Arlo Zibileko Salan, kasazio-interesa egiaztatuz gero. Errekurtsoa jartzeko, idazkia aurkeztu behar da epaitegi honetan, ediktu hau jakinarazi eta biharamunetik aurrera hogei egun balioduneko epean (PZLb, 477. eta 479. artikuluak).

Prozesuko arau-haustea dela-eta, aparteko errekurtsoa ere aurkeztu ahal izango da, PZLan aurreikusitako arrazoiren batengatik, Auzitegi Goreneko Arlo Zibileko Salan. Errekurtso hori idatziz aurkeztu beharko da, epaitegi honetan, jakinarazpena egin ondoko hogei egun balioduneko epean (PZLko 470.1 artikulua eta azken xedapenetako hamaseigarrena).

Errekurtsoak aurkezteko beharrezkoa izango da 50 euro uztea gordailuan, baldin eta kasazio-errekurtsoa bada; eta 50 euro, arau-hauste prozesalengatiko aparteko errekurtsoa bada. Baldintza horiek bete ezean, ez zaizkie izapideak egingo. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Hau da kontuaren zenbakia: 0008-0000-00-0962-19. Errekurtso biak baliatuz gero, bi ezarpen-eragiketa ezberdin egin beharko ditu errekurtsogileak, eta, sarrera-ordainagiriaren kontzeptuaren lekuan, "Errekurtsoa" 06 kodea dela adierazi beharko du kasazio-errekurtsoa bada, eta 04 kodea dela arau-hauste prozesalarengatiko aparteko errekurtsoa bada. Diru-kopuru hori zainpean utzi izana egiaztatu beharko da errekurtsoa aurkeztean (BJLO, 15. XG).

Errekurtsoa jartzeko, gordailua eratzetik salbuetsita daude aipatutako xedapenaren 5. apartatuan aipatzen direnak eta doako laguntza juridikorako eskubidea aitortua dutenak.

Eta epai honen bitartez, erabaki, agindu eta sinatzen dugu.»

Thais Lopez Riaño demandatuaren egungo bizilekua ezezaguna denez, ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen (PZL) 497.2 artikuluan xedatutakoaren arabera.

Interesdunak jakinarazten den ebazpenaren testu osoa eskura dezake epaitegi honetako bulego judizialean.

Vitoria-Gasteiz, 2019ko azaroaren 27a.

JUSTIZIA ADMINISTRAZIOAREN LETRADUA.

Azterketa dokumentala