RSS
237. zk., 2019ko abenduaren 13a, ostirala
- Bestelako formatuak:
- PDF (281 KB - 3 orri.)
- EPUB (289 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HEZKUNTZA SAILA
5713
EBAZPENA, 2019ko azaroaren 11koa, Lanbide Heziketako sailburuordearena, zeinaren bidez dirulaguntzak ematen baitira 2019-2020 ikasturtean Lanbide Heziketako heziketa-zikloak eskaintzen dituzten Euskal Autonomia Erkidegoko itunpeko ikastetxe pribatuetan ikas-ekinezko erregimenean Lanbide Heziketa Dualeko programak garatzeko.
Hezkuntzako sailburuaren 2019ko uztailaren 30eko Aginduaren bidez, dirulaguntzak ematen dira 2019-2020 ikasturtean Lanbide Heziketako heziketa-zikloak eskaintzen dituzten Euskal Autonomia Erkidegoko itunpeko ikastetxe pribatuetan ikas-ekinezko erregimenean Lanbide Heziketa Dualeko programen garapena finantzatzeko.
Eskaeren espedienteak aztertu ostean, honako hau
EBAZTEN DUT:
1. artikulua.– Helburua da dirulaguntzak ematea ikas-ekinezko erregimenean Lanbide Heziketa Dualeko Lanbide Heziketako ikasleei 2019-2020 ikasturtean zehar tutoretzak emateari lotuta dauden gastuak finantzatzeko, ikastetxeak eta enpresak batera landutako ikaskuntza prozesu baten bitartez. Gastua, alabaina, Lanbide Heziketako titulua lortzera bideratu behar da. Lanbide Heziketako sailburuordearen ebazpenean baimentzen dira horiek, eta ebazpen honen eranskinean jasotzen dira; horrez gain, bertan ezarri dira onartutako planen kopurua eta horien zenbatekoak.
2. artikulua.– Dirulaguntza bi igorpenetan ordainduko da. Lehenengo ordainketa onuradun izan den ikastetxe edo entitate titular bakoitzari esleitutako kopuruaren % 67,81ekoa izango da, 2019ko uztailaren 30eko Aginduaren 17.1 artikuluan ezartzen den epea amaitu ostean. Bigarren ordainketa gainerako kopuruarena izango da, eta diruz lagundutako jarduera amaitu ostean ordainduko da; horretarako, agindu horren 11. artikuluan jasotzen diren frogagiriak aurkeztuta egon behar dira.
AZKEN XEDAPENA
Ebazpen honen aurka, gora jotzeko errekurtsoa jarri ahal izango zaio Hezkuntzako sailburuari, hilabeteko epean, ebazpena jakinarazi eta biharamunetik aurrera.
Vitoria-Gasteiz, 2019ko azaroaren 11.
Lanbide Heziketako sailburuordea,
JORGE ARÉVALO TURRILLAS.
