Euskal Herriko Agintaritzaren Aldizkaria

166. zk., 2019ko irailaren 3a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

ARABAKO FORU ALDUNDIA

4074

IRAGARKIA, Araubidezko Garapenerako eta Batzar Nagusiekiko Harremanetarako zerbitzuburuaren lanpostua izendapen askearen bidez betetzeko deialdiari buruzkoa.

Arabako Lurralde Historikoaren Aldizkari Ofizialaren 100. zenbakian, 2019ko abuztuaren 30ean, deialdia argitaratu zen Araubidezko Garapenerako eta Batzar Nagusiekiko Harremanetarako zerbitzuburuaren lanpostua izendapen askearen bidez betetzeko.

Interesa dutenek bigarren diputatu nagusiordeari eta Enplegu, Merkataritza eta Turismo Sustapenaren eta Foru Administrazioaren Saileko foru diputatuari zuzendu behar dizkiote eskaerak, eta Arabako Foru Aldundiaren Erregistro Orokorrean edo Administrazio Publikoen Administrazio Prozedura Erkidearen urriaren 1eko 39/2015 Legeak 16.4 artikuluan xedatzen dituen bideetako edozein erabilita aurkeztuko dituzte. Horretarako, hamabost egun baliodun izango dituzte, iragarki hau Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2019ko abuztuaren 1a.

Giza Baliabideen zerbitzuburua,

LOURDES MARTÍNEZ DE LAGOS MANZANA.

Azterketa dokumentala