Euskal Herriko Agintaritzaren Aldizkaria

151. zk., 2019ko abuztuaren 12a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BIZKAIKO PROBINTZIA AUZITEGIA

3853

EDIKTUA, abokatu-kontuari buruz bideratutako 2/2019 prozedura arruntaren ondoriozkoa.

Bizkaiko Probintzia Auzitegia – Bosgarren Sekzioa.

Errekurtsoa: 2/2019 abokatu-kontua.

Hartzekoduna: Jose Ignacio Montes Sesar.

Demandatua: Felix Amayo.

Gaia: prokuradore-kontua.

Aipatutako errekurtsoan ebazpena eman da, eta honelaxe dio hitzez hitz:

ORDENAZIO-DILIGENTZIA

Justizia Administrazioaren letradu emailea: Edoya Ormaeche Astelarra.

Lekua: Bilbao (Bizkaia).

Data: bi mila eta hemeretziko maiatzaren hirua.

1.– Pablo Bustamante Esparza prokuradoreak Jose Ignacio Montes Sesar abokatuaren zuzendaritzapean aurkezturiko idatziarekin (zeinaren bidez defendatzen duen Felix Amayo Amayogandik 480/2017 apelazio-errekurtsoan sortutako ordainsariak eskatzen dituena), ordainsarien minuta kontu xehatuarekin batera, hasiera eman bekio dagokion prozedurari, eta auto nagusietan jasota gera dadila.

2.– Prozedura Zibileko 1/2000 Legearen (PZL) 35.2 artikuluan ezarritakoaren arabera, eskatu bekio Felix Amayo Amayori hamar eguneko epean eskaturiko 9.455,26 euroko zenbatekoa ordain dezala; ez badu ordaintzen edo ez badu aurkaratzerik aurkezten, premiamendu-bidetik ordainaraziko zaio.

3.– Jakinarazi bekio alderdi errekerituari hamar eguneko epe horretan aurkaratzea aurkeztu dezakeela ordainsariak bidegabekotzat jotzen dituelako edo gehiegizkotzat jotzen dituelako.

Aurkaratzeko modua: Administrazioaren letradu-emaileari berraztertze-errekurtsoa aurkeztuta. Jakinarazpena egin eta hurrengo egunetik aurrera bost egun balioduneko epean aurkeztu beharko da idazkia bulego judizialean, eta, han, errekurtsogilearen ustez zein arau-hauste egin den adieraziko da; eskakizun horiek bete ezean, aurkaratzea ez da onartuko (PZLb, 451. eta 452. artikuluak).

Errekurtsoa aurkezteak ez du ekarriko ebazpen errekurritua eteterik (PZL, 451.3 artikulua).

Hala xedatu eta sinatzen dut. Fede ematen dut.

Felix Amayo Amayo demandatuaren gaur egungo helbidea edo bizilekua ezezaguna denez, eta Prozedura Zibilaren 1/2000 Legearen (PZL) 497.2. artikuluan xedatutakoarekin bat etorriz, ediktu hau EHAAn argitaratzen da, jakinarazteko eginbidea eta ordaintzeko errekerimendua gauza daitezen.

Bilbao, 2019ko ekainaren 19a.

JUSTIZIA ADMINISTRAZIOAREN LETRADUA.

Azterketa dokumentala