122. zk., 2019ko ekainaren 28a, ostirala
- Bestelako formatuak:
- PDF (219 KB - 2 orri.)
- EPUB (219 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
OSASUN SAILA
3209
AGINDUA, 2019ko ekainaren 14koa, Osasuneko sailburuarena, Vitoria-Gasteizko farmazia-eskualdean farmazia-bulego bat sortzeko prozedurari hasiera eman zaiola iragartzen duena.
Euskal Autonomia Erkidegoko Ordenazio Farmazeutikoari buruzko ekainaren 17ko 11/1994 Legearen 34.1 artikuluan ezartzen denez, farmazia-bulego berriak irekitzeko deialdia edo, hala bada, deialdi hori bidezko ez dela aditzera ematen duen iragarpena urte bakoitzeko lehen seihilekoan egingo da, biztanleen udal-errolda berrikustetik ateratako datuak izan ondoren.
Horrela, Osasuneko sailburuaren 2018ko maiatzaren 22ko Aginduaren bidez, Vitoria-Gasteizko farmazia-eskualdean, 2018. urterako, farmazia-bulego berri bat jartzea bidezkoa zela iragarri zen. Halere, une horretan ezin izan zen zehaztu botika berria non jarriko zen; izan ere, eremu horiek zehazteko, 2018ko urtarrilaren 11ko Aginduaren bidez iragarritako beste prozedura bat burutu behar zen. Horrela, bada, prozedura hori amaitu ostean eta farmazia koka daitekeen osasun-eremuak zeintzuk diren jakinda, bidezkoa da farmazia hori sortzeko prozedurari hasiera ematea.
Hori guztia kontuan hartuta, hau
EBAZTEN DUT:
1.– Deialdia egiten da Vitoria-Gasteizko farmazia-eskualdean beste farmazia-bulego bat sortzeko, farmazia-bulegoak sortzea, lekuz aldatzea, ixtea eta jardunean jartzea arautzen duen ekainaren 27ko 338/1995 Dekretuan xedatutakoarekin bat (otsailaren 3ko 24/2004 Dekretuak aldatu zuen dekretu hori).
2.– 11/1994 Legearen 13. artikuluan xedatutako irizpideekin eta 2018ko biztanleriaren datuekin bat, deialdiko farmazia-bulegoa honako hiru osasun-barruti hauetakoren batean kokatu beharko da:
1.1.02 – Aranbizkarra II.
1.1.09 – Lakua-Arriaga.
1.1.12 – Ariznabarra-Ajuria-San Martin.
3.– Farmazia-bulegoaren titulartasuna lortzeko eskabideak aurkezteko epea, agindu hau Euskal herriko Agintaritzaren Aldizkarian argitaratu eta biharamunetik aurrera, hilabetekoa izango da.
4.– Aipatuta eskabideak ekainaren 27ko 338/1995 Dekretuaren 2. artikuluan aurreikusitako agiriak erantsita aurkeztu beharko dira, 24/2004 Dekretuak emandako idazkeran.
5.– Eskabideak eta erantsitako agiriak bitarteko elektronikoen bidez edo modu presentzialean aurkeztu ahal izango dira.
Eskabideak aurkeztu eta izapidetzeko, Osasun Sailak web-helbide hauek prestatu ditu:
ES: http://www.euskadi.eus/2019/concurso-farmacias-vitoria-gasteiz/web01-a2farma/es/
EU: http://www.euskadi.eus/2019/farmazia-lehiaketa-vitoria-gasteiz/web01-a2farma/eu/
Eskabideak modu presentzialean aurkezteko lekuak (Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan ezarritakoez gain) hauek izango dira:
– Osasun Saila.
Donostia-San Sebastián kalea, 1.
01010 Vitoria-Gasteiz.
– Arabako Lurralde Ordezkaritza.
Olagibel kalea, 38.
01004 Vitoria-Gasteiz.
– Gipuzkoako Lurralde Ordezkaritza.
Antso Jakitunaren kalea, 35.
20010 Donostia.
– Bizkaiko Lurralde Ordezkaritza.
Errekalde zumarkalea, 39.
48008 Bilbao.
Vitoria-Gasteiz, 2019ko ekainaren 14a.
Osasuneko sailburua,
MIREN NEKANE MURGA EIZAGAECHEVARRIA.