Euskal Herriko Agintaritzaren Aldizkaria

108. zk., 2019ko ekainaren 10a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

XEDAPEN OROKORRAK

HEZKUNTZA SAILA

2780

AGINDUA, 2019ko ekainaren 3koa, Hezkuntzako sailburuarena, zeinaren bidez eguneratzen baita maiatzaren 15eko 73/2012 Dekretuaren eranskina (dekretu horrek ezartzen ditu Euskal Autonomia Erkidegoko unibertsitatez kanpoko irakaskuntzako ikastetxe publiko eta pribatuetan irakasgaiak edo irakats-arloak atzerriko hizkuntzetan emateko hizkuntza-gaitasunak, eta titulu eta ziurtagiriak errekonozitzen).

Maiatzaren 15eko 73/2012 Dekretuaren bidez aitortzen dira atzerriko hizkuntzen titulu eta ziurtagiriak, eta Euskal Autonomia Erkidegoko unibertsitatez kanpoko irakaskuntzako ikastetxe publiko eta pribatuetan irakasgaiak edo irakats-arloak atzerriko hizkuntzetan emateko hizkuntza-gaitasunaren betekizunak ezartzen dira.

Dekretu horren eranskin bakarrean hizkuntzen Europako erreferentzia marko bateratuko B2, C1 eta C2 mailetako titulu eta ziurtagiriak jasotzen dira, unibertsitatez kanpoko irakaskuntzan gaiak edo ikasgaiak emateko behar den hizkuntza-gaitasuna frogatzen dituztenak.

Baina titulu eta izendapen berriak agertu direnez, eranskina eguneratu behar da, titularren eskubideak zaintze aldera.

Azken xedapenetatik aurrenekoaren indarrez, arlo honetan eskumena daukan sailburuak daukanez ahalmena maiatzaren 15eko 73/2012 Dekretuaren eranskina eguneratzeko. Zehazki, B2 maila edo goragokoa ziurtatu ezin duten titulu edo ziurtagiriak zerrendatik ken ditzake edo maila hori egiaztatuta daukaten beste batzuk gehitu. Hezkuntza Berritzeko Zuzendariak egindako proposamena aintzat hartuta, eta nahitaezko txostenak egin ondoren,

EBAzten DUT:

1. artikulua.– Agindu honen helburua da maiatzaren 15eko 73/2012 Dekretuaren eranskina eguneratzea (dekretu horrek ezartzen ditu Euskal Autonomia Erkidegoko unibertsitatez kanpoko irakaskuntzako ikastetxe publiko eta pribatuetan irakasgaiak edo irakats-arloak atzerriko hizkuntzetan emateko hizkuntza-gaitasunak, eta titulu eta ziurtagiriak errekonozitzen).

ERANSKINA

HIZKUNTZEN EUROPAKO ERREFERENTZIA MARKO BATERATUKO B2, C1 ETA C2 MAILETAKO TITULU ETA ZIURTAGIRIAK, IRAKASGAIAK EDO IRAKATS-ARLOAK ATZERRIKO HIZKUNTZETAN EMATEKO BEHARREZKOAK

INGELESA

(Ikus .PDF)

FRANTSESA

(Ikus .PDF)

ALEMANA

(Ikus .PDF)

(*) Trebetasun denak urtebetean gainditu beharra dakar.

Oharra: indarraldi jakin baterako emandako ziurtagiriak onartutzat ematekotan, ziurtagiria eman duen erakundeak markatutako epe horren barruan egon beharko dute.

AZKEN XEDAPENA.– Indarrean jartzea.

Agindu hau indarrean jarriko da Euskal Herriko Agintaritzaren Aldizkarian argitaratu eta hurrengo egunean.

Vitoria-Gasteiz, 2019ko ekainaren 3a.

Hezkuntzako sailburua,

CRISTINA URIARTE TOLEDO.

Azterketa dokumentala