Euskal Herriko Agintaritzaren Aldizkaria

82. zk., 2019ko maiatzaren 3a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ENPLEGUKO ETA GIZARTE POLITIKETAKO SAILA

2077

EBAZPENA, 2019ko apirilaren 16koa, Lanbide-Euskal Enplegu Zerbitzuko zuzendari nagusiarena, zeinaren bidez publiko egiten baita 2018-2020ko prestakuntza-eskaintzarako dirulaguntzen erakunde onuradunen zerrenda. Eskaintza hori langile langabeei zuzenduta dago, Euskal Autonomia Erkidegoan Enplegurako Lanbide Heziketa arautzen duen maiatzaren 31ko 82/2016 Dekretuaren esparruan.

Dirulaguntza publikoak emateko, publikotasun-printzipioa bete beharra dago. Horrenbestez, langile langabeentzako 2018-2020ko prestakuntza-eskaintzarako deialdia argitara eman behar da, Lanbideren Administrazio Kontseiluak 2018ko ekainaren 27ko bilkuran hartutako erabakiaren 7.11 artikuluan xedatu bezala, Euskal Enplegu Zerbitzuko zuzendari nagusiaren ebazpen baten bidez Euskal Herriko Agintaritzaren Aldizkarian, eta adierazi behar da zein diren deialdi horren babespean emandako laguntzen erakunde onuradunak eta zenbat jasoko duten.

Hori dela eta, honako hau

EBAZTEN DUT:

Lehenengoa.– Euskal Herriko Agintaritzaren Aldizkarian argitaratzea 2018-2020ko prestakuntza-eskaintzarako dirulaguntzen erakunde onuradunen zerrenda, honako hauek zehaztuta: espediente-zenbakia, erakunde onuradunaren izena eta dirulaguntzaren zenbatekoa, ebazpen honen eranskinean ageri denari jarraituz, betiere Euskal Autonomia Erkidegoan Enplegurako Lanbide Heziketa arautzen duen maiatzaren 31ko 82/2016 Dekretuaren esparruan.

Bigarrena.– Berariaz aipatzea Lanbide-Euskal Enplegu Zerbitzuaren eta Europako Gizarte Funtsaren kofinantzazioa izan dela, Gazte Enplegurako 2014-2020 Programa Operatiboaren eta EAEko 2014-2020 EGIF Programa Operatiboaren esparruan.

Vitoria-Gasteiz, 2019ko apirilaren 16a.

Lanbide-Euskal Enplegu Zerbitzuko zuzendari nagusia,

JUAN JOSE BORJA BELANDIA FRADEJAS.

(Ikus .PDF)

Azterketa dokumentala