79. zk., 2019ko apirilaren 26a, ostirala
- Bestelako formatuak:
- PDF (223 KB - 2 orri.)
- EPUB (219 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
OSAKIDETZA-EUSKAL OSASUN ZERBITZUA
2025
310/2019 EBAZPENA, martxoaren 13koa, Osakidetza-Euskal osasun zerbitzuko Barrualde-Galdakaoko Erakunde Sanitario Integratuko zuzendari kudeatzailearena, adierazitako zerbitzu erakundean Kardiologia Zerbitzuko burua den aldetik, Ignacio Lecuona Goya jaunaren kargu-uzteari buruzkoa.
AURREKARIAK
1.– Osakidetzan, giza baliabideak kudeatzeko programa informatikotik ondorioztatzen den eran, 1985eko abenduaren 16tik aurrera, lehenik Galdakao-Usansoloko Ospitalean eta ondoren Barrualde-Galdakaoko ESIan, Ignacio Lekuona Goya jauna Kardiologiako zerbitzuburuaren karguan jardun du.
2.– 2019ko martxoaren 11n, erretiroa hartu du. Beraz, 2019ko martxoaren 10eko lan-jarduna amaitutakoan, Barrualde-Galdakaoko ESIan Kardiologiako zerbitzuburuaren kargua utzi zuen.
ZUZENBIDEKO OINARRIAK
Ekainaren 26ko Euskadiko Antolamendu Sanitarioko 8/1997 Legearen 28. artikuluaren 3. arau komuna; uztailaren 19ko 186/2005 Dekretua, lanpostu funtzionalak arautzen dituena, eta azaroaren 11ko 255/1997 Dekretua, Osakidetza-Euskal osasun zerbitzua Ente Publikoaren estatutu sozialak ezartzen dituena, bereziki, zerbitzu-erakundeetako zuzendari kudeatzaileen eskumenei buruzko 15. artikuluan jasotakoak, eta aplikatu beharreko arauei buruzkoak.
Aurreko guztia aintzat harturik, hau
EBAZTEN DUT:
Lehenengoa.– Ignacio Lecuona Goya jaunaren kargu-uztea, Osakidetza-Euskal osasun zerbitzuko Barrualde-Galdakaoko ESIko Kardiologia Zerbitzuko burua den aldetik, erretiroa hartu duelako.
Bigarrena.– Adostutako kargu uzteak erabateko ondorioak izango ditu 2019ko martxoaren 10eko lan-jarduna amaitzen denetik aurrera.
Hirugarrena.– Ebazpen hau jakinaraztea interesdunari, eta Barrualde-Galdakaoko ESIko Zuzendaritza Medikoari eta Pertsonaleko Zuzendaritzari.
Laugarrena.– Ebazpen hau argitaratzea Euskal Herriko Agintaritzaren Aldizkarian eta Osakidetzaren web-orrian.
Ebazpen honen aurka, gora jotzeko errekurtsoa aurkez dakioke Osakidetza-Euskal osasun zerbitzuko zuzendari nagusiari, jakinarazpena jaso eta hurrengo egunetik aurrera hilabeteko epean, Administrazio Publikoen Administrazio Prozedura Erkidearen urriaren 1eko 39/2015 Legearen 121. eta 122. artikuluetan xedatutakoa betetzeko.
Galdakao, 2019ko martxoaren 13a.
Barrualde-Galdakaoko ESIko zuzendari kudeatzailea,
JON GUAJARDO REMACHA.