Euskal Herriko Agintaritzaren Aldizkaria

60. zk., 2019ko martxoaren 27a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA

1562

EDIKTUA, 1018/2018 prozedura arruntaren ondoriozkoa.

Vitoria-Gasteizko Lehen Auzialdiko 6 zenbakiko Epaitegia, Zuzeneko Laguntza Zibila emateko Unitate Prozesala.

Judizioa: 1018/2018 prozedura arrunta.

Demandatzailea: Gasteizko Taldearen kaleko 3. zenbakiko jabekide-erkidegoa.

Abokatua: Rafael Carvalho Gonzalez.

Prokuradorea: José Ignacio Beltrán Arteche.

Demandatua: Zuriñe Fonseca Gutierrez.

Gaia: judizio arrunta.

Judizio horretan, epaia eman da 2019-03-08an. Hona hemen epaitza:

80/2019 EPAIA

Epailea: Susana Diez Martinez de Lahidalga.

Lekua: Vitoria-Gasteiz.

Eguna: bi mila eta hemeretziko martxoaren zortzia.

Alderdi demandatzailea: Gasteizko Taldearen kaleko 3. zenbakiko jabekide-erkidegoa.

Abokatua: Rafael Carvalho Gonzalez.

Prokuradorea: José Ignacio Beltrán Arteche.

Alderdi demandatua: Zuriñe Fonseca Gutierrez.

Abokatua.

Prokuradorea.

Judizioko gaia: eskubide errealak.

EPAITZA

Baiesten dut Beltran Arteche prokuradoreak, Vitoria-Gasteizko Gasteizko Taldearen kaleko 3. zenbakiko jabekideen erkidegoaren izenean eta hura ordezkatuz, jarri duen demanda, Zuriñe Fonseca Gutierrezen aurka; horrenbestez, adierazten dut demandatuak Gasteizen –Gasteizko Taldearen kalea, 3, 12. D helbidean– duen etxebizitzan egiten duen jarduera gogaikarria eta arriskutsua dela gainerako bizikideentzat; beraz, ukatu egiten diot etxebizitza erabiltzeko eskubidea, hiru urtez, eta 3.000 euroko kalte-ordaina ezartzen diot; kostuak ere berari ezartzen dizkiot.

Aurkaratzeko modua: apelazio errekurtsoa aurkeztuta Arabako Probintzia Auzitegiari (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen gordailuan eta zainpean uzteko kontuan (0072 0000 04 1018 18). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori kontsignatu dela egiaztatu beharko da errekurtsoa aurkeztean (BJLOko 15. XG).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Zuriñe Fonseca Gutierrez demandatuaren egungo bizilekua ezezaguna denez, ebazpen hori Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibileko 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatu auzi-iheslariak.

Jakinarazten den ebazpenaren testu osoa eskuragarri du interesdunak, epaitegi honetako bulego judizialean.

Vitoria-Gasteiz, 2019ko martxoaren 8a.

JUSTIZIA ADMINISTRAZIOAREN LETRADUA.

Azterketa dokumentala