RSS
28. zk., 2019ko otsailaren 8a, ostirala
- Bestelako formatuak:
- PDF (310 KB - 15 orri.)
- EPUB (838 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
INGURUMEN, LURRALDE PLANGINTZA ETA ETXEBIZITZA SAILA
690
EBAZPENA, 2018ko abenduaren 27koa, Natura Ondare eta Klima Aldaketako zuzendariarena, zeinaren bitartez ebazten baita Euskal Autonomia Erkidegoko unibertsitateaz kanpoko ikastetxeei Eskolako 21 Agenda programa garatzeko dirulaguntzak emateko deialdia.
Hezkuntzako sailburuaren eta Ingurumen, Lurralde Plangintza eta Etxebizitzako sailburuaren 2018ko ekainaren 5eko Aginduaren bidez, dirulaguntzetarako deialdi bat egiten da, Euskal Autonomia Erkidegoko unibertsitateaz kanpoko ikastetxeek Eskolako 21 Agenda programa garatu dezaten, 2018-2019ko ikasturtean.
Aipatutako 2018ko ekainaren 5eko Aginduaren 15. artikuluan xedatutakoarekin bat etorriz, kontuan hartuta agindu horretan 13. artikuluan ezarritako esleipen-irizpideak, eta horretarako eratutako balioespen-epaimahaiak egindako txostena aztertu ondoren, hau
EBAZTEN DUT:
1.– Ebazpen honetako eranskinean adierazten diren dirulaguntzak ematea.
2.– Dirulaguntzak ordaintzeko, 2018ko ekainaren 5eko Aginduaren 18. artikuluan ezarritakoari jarraituko zaio, Natura Ondare eta Klima Aldaketako zuzendariak ebazpena eman ondoren.
3.– Emandako dirulaguntzen berri jakinaraztea ebazpen honetan eranskinean zerrendatutako ikastetxeei, dirulaguntzetarako deialdia egiten duen aginduaren 15. artikuluarekin bat etorriz.
4.– Ebazpen honek ez dio amaiera ematen administrazio-bideari, eta, beronen aurka, gora jotzeko errekurtsoa aurkez daiteke Ingurumeneko sailburuordearen aurrean, hilabeteko epean, ebazpena jakinarazten den egunetik hasita, betiere Administrazio Publikoen Administrazio Prozedura Erkidearen 39/2015 Legearen 121. eta 122. artikuluetan ezarritakoari jarraikiz.
Vitoria-Gasteiz, 2018ko abenduaren 27a.
Natura Ondare eta Klima Aldaketako zuzendaria,
AITOR ZULUETA TELLERIA.
