24. zk., 2019ko otsailaren 4a, astelehena
- Bestelako formatuak:
- PDF (302 KB - 8 orri.)
- EPUB (326 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EKONOMIAREN GARAPEN ETA AZPIEGITURA SAILA
574
EBAZPENA, 2019ko urtarrilaren 21ekoa, Nekazaritzako, Arrantzako eta Elikagai Politikako sailburuordearena, zeinaren bidez baimentzen baita 623. ikastarotik 627. ikastarora bitarteko ikasleei txartel hauek ematea: landare-osasunerako produktuak aplikatzeko oinarrizko mailako eta maila kualifikatuko txartelak.
EGITATEAK
Lehenengoa.– Fraisoroko Eskola BHI-k, Derioko Nekazaritza Eskola BHI-k, Gestión Integral Denbo SL prestakuntza-enpresak eta Euskal Herriko Nekazaritza Ingenieri Teknikoen Elkargo Ofizialak ikastaro hauek antolatu dituzte:
– 623. ikastaroa, Fraisoroko Eskola BHI-k Legazpin emandakoa: landare-osasunerako produktuak aplikatzekoa ikastaroa, oinarrizko mailakoa, B motako txartela eskuratzeko eskubidea dakarrena.
– 624. ikastaroa, Derioko Nekazaritza Eskola BHI-k emandakoa: landare-osasunerako produktuak aplikatzekoa ikastaroa, oinarrizko mailakoa, B motako txartela eskuratzeko eskubidea dakarrena.
– 625. ikastaroa, Derioko Nekazaritza Eskola BHI-k emandakoa: landare-osasunerako produktuak aplikatzekoa (berritzeko ikastaroa), oinarrizko mailakoa, B motako txartela eskuratzeko eskubidea dakarrena.
– 626. ikastaroa, Gestión Integral Denbo S.L. prestakuntza-enpresak Mungian emandakoa: landare-osasunerako produktuak aplikatzeko (on-line) ikastaroa, oinarrizko mailakoa, B motako txartela eskuratzeko eskubidea dakarrena.
– 627. ikastaroa, Euskal Herriko Nekazaritza Ingenieri Teknikoen Elkargo Ofizialak titulua baliozkotzea, maila kualifikatukoa, C motako txartela eskuratzeko eskubidea dakarrena; titulua baliozkotzea, maila kualifikatukoa, C motako txartela eskuratzeko eskubidea dakarrena; eta beste autonomia-erkidego batzuetan egindako ikastaroak, landare-osasunerako produktuak aplikatzekoak, B motako txartela eskuratzeko eskubidea dakarrena.
Irailaren 14ko 1311/2012 Errege Dekretuaren IV. eranskineko A zatian –oinarrizko mailari dagokionez–, eta B zatian –maila kualifikatuari dagokionez– jasotzen diren edukia eta ikastorduak kontuan hartuta eman dira bost ikastaro horiek, eta hurrenez hurren B eta C motatako txartelak eskuratzeko eskubidea dakarte. Dekretu horren bitartez, landare-osasunerako produktuak modu jasangarrian erabili ahal izateko jardun-esparrua ezartzen da.
Bigarrena.– Landare Osasunaren Batzorde Teknikoaren koordinatzaileak txartelak ematearen aldeko proposamena egin du.
Ikusi dira, halaber, hauek:
ZUZENBIDEKO OINARRIAK
Lehenengoa.– Irailaren 14ko 1311/2012 Errege Dekretuaren 18.1.a) artikulua, gaitze-mailei buruzkoa, eta IV. eranskina, prestakuntza-gaiei buruzkoa, eta 20. artikulua, txartelak egin, berritu eta kentzeari buruzkoa.
Bigarrena.– Ekonomiaren Garapen eta Azpiegitura Sailaren egitura organikoa eta funtzionala ezartzen duen apirilaren 11ko 74/2017 Dekretuaren 17.1.b) artikulua, non landare-osasunaren alorreko eginkizunak Nekazaritzako eta Abeltzaintzako Zuzendaritzari ematen zaizkion. Horrenbestez, honako hau
EBAZTEN DUT:
Lehenengoa.– Nekazaritzan landare-osasunerako produktuak aplikatzeko txartelak emateko agintzea:
1.– 623. ikastaroko oinarrizko mailakoa, ebazpen honetako I. eranskinean jasotako zerrendan diren pertsonentzat.
2.– 624. ikastaroko oinarrizko mailakoa, ebazpen honetako II. eranskinean jasotako zerrendan diren pertsonentzat.
3.– 625. ikastaroko oinarrizko mailakoa, ebazpen honetako III. eranskinean jasotako zerrendan diren pertsonentzat.
4.– 626. ikastaroko oinarrizko mailakoa, ebazpen honetako IV. eranskinean jasotako zerrendan diren pertsonentzat.
5.– 627. ikastaroko maila kualifikatukoa eta oinarrizko mailakoa, ebazpen honetako V. eranskinean jasotako zerrendetan diren pertsonentzat.
Bigarrena.– Ebazpen honen aurka, interesdunek gora jotzeko errekurtsoa jar diezaiokete Ekonomiaren Garapen eta Azpiegitura Saileko sailburuari. Horretarako, hilabeteko epea izango dute, ebazpena argitaratzen den egunetik aurrera.
Vitoria-Gasteiz, 2019ko urtarrilaren 21a.
Nekazaritza eta Abeltzaintzako zuzendaria ez dagoenez, Ekonomiaren Garapen eta Azpiegitura Sailaren egitura organikoa eta funtzionala ezartzen duen apirilaren 11ko 74/2011 Dekretuaren lehenengo xedapen gehigarriaren arabera.
Nekazaritzako, Arrantzako eta Elikagai Politikako sailburuordea,
BITTOR OROZ IZAGIRRE.