Euskal Herriko Agintaritzaren Aldizkaria

24. zk., 2019ko otsailaren 4a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

OSAKIDETZA-EUSKAL OSASUN ZERBITZUA

567

3793/2018 EBAZPENA, abenduaren 28koa, Bilbao-Basurto ESIko zuzendari gerentearena. Honen bidez, Víctor Manuel Barrondo Azcorra jauna izendatzen da, aldi baterako, Osakidetza-Euskal osasun zerbitzuko Bilbao-Basurto ESIko atalburu mediko, lau urteko eperako eta luzatzeko aukerarekin.

Bilbao-Basurto ESIko zuzendari gerentearen ekainaren 4ko 2612/2018 Ebazpenaren bitartez, deialdi bat egin zen, Osakidetza-Euskal osasun zerbitzuko Bilbao-Basurto ESIko onkologia erradioterapikoko (Brakiterapia) atalburu mediko lanpostua lehiaketa bidez betetzeko.

Balorazio Batzordeak kalifikazio-proposamena egin du aurkeztutako eskatzailearen proiektuari eta haren defentsari, merituei eta euskara-ezagutzari dagokienez; eta, horren ondorioz, izendapen-proposamena egin du. Horiek horrela, eta Víctor Manuel Barrondo Azcorra jaunak dituen ezagutza akademiko eta profesionalak kontuan hartuta, erabaki da pertsona hori izendatzea Osakidetza-Euskal osasun zerbitzuko Bilbao-Basurto ESIko onkologia erradioterapikoko (Brakiterapia) atalburu mediko.

Arau hauek hartu dira oinarritzat: Euskadiko Antolamendu Sanitarioari buruzko ekainaren 26ko 8/1997 Legearen 28. artikuluaren 3. arau komuna; uztailaren 19ko 186/2005 Dekretua, Lanpostu Funtzionalak arautzen dituena; azaroaren 11ko 255/1997 Dekretua, Osakidetza-Euskal osasun zerbitzua Ente Publikoaren Estatutu Sozialak ezartzen dituena; uztailaren 3ko 100/2018 Dekretua, Osakidetza-Euskal osasun zerbitzuko erakunde sanitario integratuena, bereziki erakunde sanitario integratuetako zuzendari gerenteen eskumenei buruz ezarritakoari dagokionez; Osakidetzako zuzendari nagusiaren 1/2016 Jarraibidea, zerbitzuburu eta atalburu fakultatiboen lanpostuak betetzearen gainekoa, eta aplikatu beharreko arauak. Horrenbestez, hau

EBAZTEN DUT:

Lehenengoa.– Víctor Manuel Barrondo Azcorra jauna izendatzea Osakidetza-Euskal osasun zerbitzuko Bilbao-Basurto ESIko atalburu mediko aldi baterako.

Bigarrena.– Aldi baterako izendapen honek lau urteko indarraldia izango du, luzatzeko aukerarekin, Euskadiko Antolamendu Sanitarioari buruzko ekainaren 26ko 8/1997 Legeko 28. artikuluaren hirugarren arau komunean xedatutakoarekin bat etorriz, eta 2019ko urtarrilaren 1etik aurrera izango ditu ondorioak.

Hirugarrena.– Izendatutako pertsonak, aipatutako epea amaitutakoan, lanpostua utziko du, egoera horren luzapena onartu ezik, betiere Euskadiko Antolamendu Sanitarioari buruzko ekainaren 26ko 8/1997 Legeko 28. artikuluan ezarritakoaren arabera.

Laugarrena.– Izendapenaren indarraldia amaitu aurretik ere kargutik kendu ahal izango da, aldez aurretik kontrako espedientea dagoela, eta ekainaren 26ko 8/1997 Legeko 28. artikuluaren 6. apartatuan aurreikusitako lekualdatze-kausak direla medio.

Bosgarrena.– Ebazpen hau interesdunari eta Bilbao-Basurto ESIko Zuzendaritza Medikoari eta Pertsonaleko Zuzendaritzari jakinaraztea.

Seigarrena.– Ebazpen honen aurka, gora jotzeko errekurtsoa aurkeztu ahal izango zaio Osakidetza-Euskal osasun zerbitzuko zuzendari nagusiari, hilabeteko epean, ebazpena EHAAn argitaratu eta hurrengo egunetik hasita.

Bilbao, 2018ko abenduaren 28a.

Bilbao-Basurto ESIko zuzendari gerentea,

EDUARDO MARÍA MAIZ OLAZABALAGA.

Azterketa dokumentala