Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

225. zk., 2018ko azaroaren 22a, osteguna


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIAREN GARAPEN ETA AZPIEGITURA SAILA
5744

EBAZPENA, 2018ko urriaren 18koa, Nekazaritzako, Arrantzako eta Elikagai Politikako sailburuordearena, zeinaren bidez argitara ematen baita Ekonomiaren Garapeneko eta Azpiegituretako sailburuaren maiatzaren 23ko Aginduaren bidez egindako laguntza-deialdia finantzatzera bideratutako baliabide ekonomikoen zenbateko berria (maiatzaren 23ko agindu horren bidez «iragartzen da 2018ko deialdia nekazaritza-produkzio jasangarriko tekniken bidezko –Euskadiko Landa Garapenerako 2015-2020 Programan aurreikusitakoak– laborantza estentsiboen dibertsifikaziorako nekazaritza- eta ingurumen-laguntzetarako»).

Ekonomiaren Garapeneko eta Azpiegituretako sailburuaren maiatzaren 23ko Aginduaren zortzigarren artikuluko bigarren zenbakian ezartzen denez, 2018ko ekitaldian zehar eman beharreko diru-laguntzen gehieneko bolumena 300.000 eurokoa da (agindu horren bidez argitaratzen da «2018ko deialdia nekazaritza-produkzio jasangarriko tekniken bidezko –Euskadiko Landa Garapenerako 2015-2020 Programan aurreikusitakoak– laborantza estentsiboen dibertsifikaziorako nekazaritza- eta ingurumen-laguntzetarako»).

Bestetik, artikulu horren 3. zenbakian ezartzen denez, «Ebazpen honetan aurreikusitako zenbatekoa aldatu egin daiteke, eskatutako laguntzen zenbatekoa kontuan hartuta, Ekonomiaren Garapen eta Azpiegitura Saileko aurrekontu erabilgarritasunaren arabera, erabakitzeko ebazpena egin baino lehen. Nekazaritzako, Arrantzako eta Elikagai Politikako sailburuordearen ebazpenaz jakinaraziko da hori. Baliabide ekonomikoak modu horretan handitzen badira, LGPren xedeetarako finantzaketa osagarri bezala izango dira».

Alde horretatik, Nekazaritza eta Abeltzaintzako zuzendariak erabaki du, dagozkion izapideak egin eta gero, kreditu propioak milioi bat (1.000.000) eurotan handitzea 2018. urterako.

Lehen adierazitakoarekin bat etorrita, Euskal Autonomia Erkidegoko Ogasun Nagusiaren Antolarauei buruzko Legearen testu bategineko 49.2 artikuluan ezarritakoarekin eta Ekonomiaren Garapeneko eta Azpiegituretako sailburuaren maiatzaren 23ko Aginduan ezarritakorekin bat etorrita (maiatzaren 23ko agindu horren bidez «iragartzen da 2018ko deialdia nekazaritza-produkzio jasangarriko tekniken bidezko –Euskadiko Landa Garapenerako 2015-2020 Programan aurreikusitakoak– laborantza estentsiboen dibertsifikaziorako nekazaritza- eta ingurumen-laguntzetarako»), Euskal Herriko Agintaritzaren Aldizkarian argitaratzen da aipatutako handitze hori.

Hori guztia dela eta, honako hau

EBAZTEN DUT:

Argitara ematea Ekonomiaren Garapeneko eta Azpiegituretako sailburuaren maiatzaren 23ko Aginduan bideratutako baliabide ekonomikoen zenbateko berria; hau da, milioi bat eta hirurehun mila (1.300.000) euro guztira (maiatzaren 23ko agindu horren bidez «iragartzen da 2018ko deialdia nekazaritza-produkzio jasangarriko tekniken bidezko –Euskadiko Landa Garapenerako 2015-2020 Programan aurreikusitakoak– laborantza estentsiboen dibertsifikaziorako nekazaritza- eta ingurumen-laguntzetarako»). Funts horiek finantziazio osagarritzat hartzen dira.

Vitoria-Gasteiz, 2018ko urriaren 18a.

Nekazaritzako, Arrantzako eta Elikagai Politikako sailburuordea,

BITTOR OROZ IZAGIRRE.


Azterketa dokumentala