Euskal Herriko Agintaritzaren Aldizkaria

212. zk., 2018ko azaroaren 5a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

OSAKIDETZA-EUSKAL OSASUN ZERBITZUA

5429

1000/2018 EBAZPENA, 2018ko urriaren 8koa, Osakidetza-Euskal osasun zerbitzuko zuzendari nagusiarena, zeinaren bidez Euskal Herriko Agintaritzaren Aldizkarian argitaratzen baita Euskal Autonomia Erkidegoko Auzitegi Nagusiaren 2017ko otsailaren 1eko 75/2017 epaiaren betearazpena. Epaia administrari laguntzaileen kategoriako lanpostu bati dagokio (2011ko lan-eskaintza publikoa).

EAEko Auzitegi Nagusiaren 2017ko otsailaren 1eko 75/2017 epai judiziala ikusi da, eta agindu judizialari dagokion administrazio-espedientea aztertu da, honako hauetan oinarrituta:

AURREKARIAK

Lehenengoa.– EAEko Auzitegi Nagusiak 2017ko otsailaren 1ean emandako epaiaren eta Auzitegi Gorenak 2017ko irailaren 28an emandako erabakiaren ondorioz, egokia da 2011ko lan-eskaintza publikoan jarduketak egitea, administrari laguntzaileen hautaketa-prozesuan.

Bigarrena.– Administrari laguntzailearen hautaketa-prozesuan aurretik egindako jarduketak ikusita, Ignacio Luis Taranco Urtiaga jaunaren egoerari dagokionez, epaia betearazteko izapideekin jarraitu behar da.

ZUZENBIDEKO OINARRIAK

Lehenengoa.– Osakidetzako zuzendari nagusiari dagokio epaia exekutatzea, Euskadiko Antolamendu Sanitarioaren ekainaren 26ko 8/1997 Legeak eta Osakidetza-Euskal osasun zerbitzua Ente Publikoaren Estatutu Sozialak ezartzen dituen azaroaren 11ko 255/1997 Dekretuak ematen dizkioten eskumenen arabera.

Bigarrena.– Administrazioarekiko auziez arduratzen diren epaitegi eta auzitegiek beren epaiak betearazteko eskumena dute; prozesuko alderdiek, berriz, epai eta ebazpen horiek bertan adierazten den moduan bete behar dituzte, horixe xedatzen baita administrazioarekiko auzietako jurisdikzioa arautzen duen uztailaren 13ko 29/1998 Legearen 103.1 eta 103.2 artikuluetan.

EAEko Auzitegi Nagusiaren 2017ko otsailaren 1eko epaiaren ondorioz, eta beharrezko izapideak egin ondoren, Osakidetzako zuzendari nagusiaren uztailaren 15eko 1282/2011 Ebazpenaren bidez onartu ziren deialdiaren oinarri arautzaileen arabera, Ignacio Luis Taranco Urtiaga jaunari 25,0000 puntu onartu behar zaizkio prestakuntzaren alorrean, eta 134,7333 puntu orotara, destino-aukerarekin.

Era berean, Ignacio Luis Taranco Urtiaga jaunari destino bat esleitu behar zaio Debagoieneko Erakunde Sanitario Integratuan (Debagoieneko Ospitalea), Administrari Laguntzaileen Kategoriako txanda askean.

Hirugarrena.– Prozedura izapidetzean egin diren gainerako administrazio-egintzak, hain zuzen ere, orain aldatutakoekin zerikusirik ez dutenak, bere horretan utziko dira, gauzatu ziren moduan (urriaren 1eko 39/2015 Legea, Administrazio Publikoen Administrazio Prozesura Erkidearena, 51. artikulua).

Laugarrena.– Prozedura hau izapidetzean, interesdunei entzun zaie, kontuan hartuta Administrazio Publikoen Administrazio Prozedura Erkidearen urriaren 1eko 39/2015 Legearen 82. artikuluan xedatutakoa.

Ignacio Luis Taranco Urtiaga jaunak alegazio-idazkia aurkeztu zuen 2018ko maiatzeko 4an, eta Giza Baliabideen Zuzendaritzak aztertu egin du.

Azaldutako guztiagatik, honako hau

EBAZTEN DUT:

Lehenengoa.– Euskal Autonomia Erkidegoko Justizia Auzitegiaren 2017ko otsailaren 1eko epai judiziala, Ignacio Luis Taranco Urtiaga jaunari buruzkoa, betetzeko agintzea, 2011ko lan-eskaintza publikoaren testuinguruan.

Bigarrena.– Epaitza izapide hauen bitartez gauzatzea:

1.– Ignacio Luis Taranco Urtiaga jaunari 25,0000 puntu onartzea prestakuntzaren atalean, eta 134,7333 hautaketa-prozesuan oro har (Administrari Laguntzaileen Kategoria).

2.– Ignacio Luis Taranco Urtiaga jaunari txanda askeko destino bat esleitzea Administrari Laguntzaileen kategorian Debagoieneko Erakunde Sanitario Integratuan (Debagoieneko Ospitalea), Osakidetzako zuzendari nagusiaren uztailaren 15eko 1282/2011 Ebazpenak onartutako deialdiaren oinarri orokorretan ezarritako prozedurari jarraituz.

3.– Administrari Laguntzaileen Kategoriako estatupeko langile finko izendatzea Ignacio Luis Taranco Urtiaga jauna, eta adieraztea hilabeteko epea izango duela esleitutako destinoa hartzeko Osakidetza-Euskal osasun zerbitzuko Zuzendaritza Nagusian, agindu hau Euskal Herriko Agintaritzaren Aldizkarian argitaratu eta hurrengo egunetik hasita.

Hirugarrena.– Ebazpen honetan xedatutakoaren eraginetik at geratzen diren gainerako egintzek eta izapideek bere hartan jarrai dezatela agintzea.

Laugarrena.– Ebazpen hau EHAAn argitaratzeko agintzea, eta Gasteizko Administrazioarekiko Auzien 3. zenbakiko Epaitegiari jakinaraztea.

Bosgarrena.– Epaia betetzeko izapideetan sor daitezkeen gorabeherak aztertzea eta ebaztea epaitegi horri dagokio, halaxe ezartzen baita Administrazioarekiko Auzien Jurisdikzioa arautzen duen uztailaren 13ko 29/1998 Legearen 103.1 eta 109. artikuluetan.

Vitoria-Gasteiz, 2018ko urriaren 8a.

Osakidetza-Euskal osasun zerbitzuko zuzendari nagusia,

MARÍA JESÚS GEMMA MÚGICA ANDUAGA.

Azterketa dokumentala