Euskal Herriko Agintaritzaren Aldizkaria

189. zk., 2018ko urriaren 1a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 1 ZENBAKIKO ZUZENEKO LAGUNTZA EMATEKO UNITATE PROZESALA

4769

EDIKTUA, kontratuei buruz oro har bideratutako 449/2018 prozedura arruntaren ondoriozkoa.

Zuzeneko Laguntza Zibila emateko Unitate Prozesala – Vitoria-Gasteizko Lehen Auzialdiko 1 zenbakiko Epaitegia.

Judizioa: 449/2018 prozedura arrunta.

Demandatzailea: Joseba Koldo Diaz Rico.

Abokatua: Cecilia Salgado Ferro.

Prokuradorea: Julián Sanchez Alamillo.

Demandatua: Jose Alexandre Rico Lopes eta Estibaliz Debasa Calaza.

Gaia: judizio arrunta.

Judizio horretan, epaia eman da 2018-09-05ean. Hona hemen epaitza:

189/2018 EPAIA

Vitoria-Gasteiz, 2018ko irailaren 5a.

Nik, Mónica Basurto Garridok, Gasteizko Lehen Auzialdiko 1 zenbakiko Epaitegiko magistratu naizen aldetik, ikusi ditut 449/18 judizio arrunteko autoak, non honako hauek diren alderdiak:

Demandatzailea: Joseba Koldo Díaz Rico, Salgado letraduak lagunduta eta Sanchez prokuradoreak ordezkatuta.

Demandatuak: José Alexandre Rico Lopez eta Estibaliz Debasa Calaza, auzi-ihesean deklaratuak.

EPAITZA

Baietsi egiten dut Joseba Koldo Díaz Ricok jarri duen demanda, José Alexandre Rico Lopezen eta Estibaliz Debasa Calazaren aurkakoa, eta, horrenbestez, alderdi demandatua kondenatzen dut modu solidarioan honako hauek ordaintzera: 15.061,50 euro gehi hirugarren oinarrian adierazitako legezko interesak.

Alderdi demandatuari berariaz ezartzen zaizkio kostuak.

Jakinaraz bekie ebazpena alderdiei, eta aditzera eman ezen, ebazpena ez dela irmoa eta haren aurka apelazio-errekurtsoa aurkez daitekeela epaitegi honetan, hogei eguneko epearen barruan, jakinarazpena egin eta hurrengo egunetik aurrera (urtarrilaren 7ko 1/2000 PZLko 458. artikulua, urriaren 10eko 37/2011 Legeaz aldatutakoa). Arabako Probintzia Auzitegia arduratu da aipatu errekurtsoez.

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori epaitegi honek Banesto bankuan duen Gordailuan eta Zainpean Uzteko Kontuan (0009 0000 04 0449 18 kontu-zenbakia) kontsignatu beharko da. Errekurtsoa aurkeztean egiaztatu beharko da kontsignazioa (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

JJose Alexandre Rico Lopes demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Interesdunak eskuragarri dauka jakinarazten den ebazpenaren testu osoa, epaitegi honetako bulego judizialean.

Vitoria-Gasteiz, 2018ko irailaren 10a.

JUSTIZIA ADMINISTRAZIOAREN LETRADUA.

Azterketa dokumentala