183. zk., 2018ko irailaren 21a, ostirala
- Bestelako formatuak:
- PDF (229 KB - 1 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
XEDAPEN OROKORRAK
KONSTITUZIO AUZITEGIA
4612
EDIKTUA, foru-arau fiskalei buruzko 3790-2018 judizio aurreko arazoaren ondoriozkoa, Energia Elektrikoaren Ekoizpenaren Balioaren gaineko Zergari buruzko Arabako Batzar Nagusien uztailaren 9ko 24/2014 Foru Arauaren azken xedapenetako lehenengoarekin lotutakoa, Espainiako Konstituzioaren 9.3 artikulua urra dezakeelakoan.
Foru-arau fiskalei buruzko 3790-2018 judizio aurreko arazoa, Energia Elektrikoaren Ekoizpenaren Balioaren gaineko Zergari buruzko Arabako Batzar Nagusien uztailaren 9ko 24/2014 Foru Arauaren azken xedapenetako lehenengoarekin lotutakoa, Espainiako Konstituzioaren 9.3 artikulua urra dezakeelakoan.
Aurtengo irailaren 6ko probidentziaren bitartez, Konstituzio Auzitegiko Osoko Bilkurak izapidetzeko onartu du foru-arau fiskalei buruzko 3790-2018 judizio aurreko arazoa, Euskal Autonomia Erkidegoko Auzitegi Nagusiaren Administrazioarekiko Auzietako Salaren lehenengo sekzioak 804-2016 prozedura arruntean planteatutakoa, Energia Elektrikoaren Ekoizpenaren Balioaren gaineko Zergari buruzko Arabako Batzar Nagusien uztailaren 9ko 24/2014 Foru Arauaren azken xedapenetako lehenengoarekin lotuta, Espainiako Konstituzioaren 9.3 artikulua urra dezakeelakoan, eta Konstituzio Auzitegiari buruzko Lege Organikoaren 10.1.c) artikuluan ezarritakoa betez, auzitegi horrek beretzat gordeko du auzi horren ardura.
Konstituzio Auzitegiari buruzko Lege Organikoaren 37.2 artikuluan ezarritakoarekin bat etorriz, 804-2016 zenbakiko prozedura arruntean alderdi direnak, auzitegi honetan azaldu ahal izango dira, Estatutuko Aldizkari Ofizialean ediktu hau argitaratu eta hurrengo egunetik hamabost eguneko epean.
Madril, 2018ko irailaren 6a.
Konstituzio Auzitegiaren Osoko Bilkurako Justiziako idazkaria,
HERMINIA PALENCIA GUERRA.