RSS
181. zk., 2018ko irailaren 19a, asteazkena
- Bestelako formatuak:
- PDF (237 KB - 2 orri.)
- EPUB (207 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
SEGURTASUN SAILA
4587
IRAGARKIA, zeinaren bidez jakinarazten baitira Araubide Juridikoaren, Zerbitzuen eta Hauteskunde Prozesuen zuzendariak judizioko kostua ordaintzeari buruz emandako zenbait ebazpen.
Ahaleginak egin dira Araubide Juridikoaren, Zerbitzuen eta Hauteskunde Prozesuen zuzendariak Justizia Administrazioko letratuak dekretuz onartutako judizioko kostuei buruz emandako ebazpenak modu pertsonalean jakinarazteko, baina ez da lortu. Hori dela eta, Administrazio Publikoen Administrazio Prozedura Erkidearen urriaren 1eko 39/2015 Legeak 42. eta 44. artikuluetan xedatutakoa betetzeko, iragarki hau argitaratu da interesdunari jakinarazteko epeak hauek direla zor dituen zenbatekoak borondatezko epean ordaintzeko:
a) Iragarki hau Estatuko Aldizkari Ofizialean hilaren 1. egunetik eta 15. egunera bitartean argitaratu bada, borondatez ordaintzeko epea hauxe izango da: argitaratzen den egunetik hurrengo hilaren 5. egunera artekoa edo, egun hura baliogabea izanez gero, hurrengo egun baliodunera artekoa.
b) Iragarki hau Estatuko Aldizkari Ofizialean hilaren 16. egunetik azken egunera bitartean argitaratu bada, borondatez ordaintzeko epea hauxe izango da: argitaratzen den egunetik hurrengo hilaren 20. egunera artekoa edo, egun hura baliogabea izanez gero, hurrengo egun baliodunera artekoa.
Gogorarazi nahi da zorrak epe horietan ordaindu ezean, premiamendu bidez eskatuko direla, Euskal Autonomia Erkidegoko Ogasun Nagusiaren Dirubilketarako Erregelamenduaren 59. artikuluak eta Administrazioarekiko Auzien Jurisdikzioari buruzko Legearen 139.4 artikuluak ezarritakoaren arabera, eta dagozkien errekarguekin.
Ordainketa eskudirutan egin behar da eta prozedura-zenbakia eta organo judiziala aipatu, Euskal Autonomia Erkidegoko Diruzaintza Nagusiaren titulartasunekoa den kontu honetan:
IBAN ES66 0182 5685 0700 0022 6271
Ebazpenaren testu osoa Araubide Juridikoaren, Zerbitzuen eta Hauteskunde Prozesuen Zuzendaritza eskura dezakezu (Segurtasun Saila, Eusko Jaurlaritza, Lakua I-eko eraikina, E eremua, solairuartekoa, Donostia kalea, 1, 01010 Vitoria-Gasteiz); edo helbide elektroniko honetan eska dezakezu: araubidejuridikoa@euskadi.eus
Hori guztia ematen da argitara eranskinean aipatzen diren interesdunak jakinaren gainean egon daitezen, haientzako jakinarazpena baita.
Jakinarazpen honek Estatuko Aldizkari Ofizialean argitaratu eta hurrengo egunetik aurrera izango ditu ondorioak.
Vitoria-Gasteiz, 2018ko irailaren 14a.
Araubide Juridikoaren, Zerbitzuen eta Hauteskunde Prozesuen zuzendaria,
EUGENIO ARTETXE PALOMAR.
