Euskal Herriko Agintaritzaren Aldizkaria

147. zk., 2018ko abuztuaren 1a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA-SAN SEBASTIÁNGO LEHEN AUZIALDIKO 1 ZENBAKIKO EPAITEGIA

3957

EDIKTUA, fidantzatik aske uzteari eta bermea eratzeari buruz bideratutako 821/2017 prozedura arruntaren ondoriozkoa.

Donostia-San Sebastiángo Lehen Auzialdiko 1 zenbakiko Epaitegia.

Judizioa: 821/2017 prozedura arrunta.

Demandatzailea: Luis Enrique Niño Redondo eta Miren Garbiñe Alquiza Leiceaga.

Abokatua: Iñigo De La Peña Criado eta Iñigo De La Peña Criado.

Prokuradorea: Maria Begoña Alvarez Lopez eta Maria Begoña Alvarez Lopez.

Demandatua: La Cantine Servicios de Hostelería SLU.

Gaia: fidantzatik aske uztea eta bermea eratzea.

Judizio horretan, epaia eman da 2018-06-11n. Hona hemen epaitza:

EPAITZA

Osorik baiesten dut Álvarez prokuradoreak Luis Enrique Niño Redondo eta Miren Garbiñe Alquiza Leiceaga jaun-andreen izenean eta haiek ordezkatuz jarritako demanda, La Cantine Servicios de Hostelería SLUren aurkakoa. Hori dela-eta erabakitzen dut Luis Enrique Niño Redondo eta Miren Garbiñe Alquiza Leiceaga jaun-andreak aske uztea demandatuak eta Banco de Sabadell SAk 2012ko maiatzaren 28an sinatutako finantza-errentamenduaren kontratuan eratutako fidantzatik, edo, modu subsidiarioan, bahitutzat jotzen dira demandatuak finantza-errentamenduaren kontratu horretan aipatzen den makinerian dituen eskubideak, edo Banco de Sabadell SAk erreklamatzen duen diru-kopurua ordaintzen bada, makineria hori bahitutzat jotzen da. Kostuak alderdi demandatuari ezartzen dizkiot berariaz.

Aurkaratzeko modua: apelazio-errekurtsoa, Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (1845 0000 04 0821 17). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Kontsignazioa egiaztatu beharko da errekurtsoa aurkeztean (BJLOren 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. apartatuan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

La Cantine Servicios de Hostelería SLU demandatuaren egungo bizilekua ezezaguna denez, ebazpen hori Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibileko 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Donostia, 2018ko ekainaren 19a.

JUSTIZIA ADMINISTRAZIOAREN LETRADUA.

Azterketa dokumentala