Euskal Herriko Agintaritzaren Aldizkaria

141. zk., 2018ko uztailaren 23a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ENPLEGUKO ETA GIZARTE POLITIKETAKO SAILA

3789

EBAZPENA, 2018ko uztailaren 11koa, Lanbide-Euskal Enplegu Zerbitzuko zuzendari nagusiarena, zeinaren bidez argitara ematen baita zer erakundek jasoko dituzten Euskal Autonomia Erkidegoan lana duten langileei lehentasunez zuzendutako enplegurako prestakuntzaren aldeko diru-laguntzak. Diru-laguntza horietarako 2017ko deialdia Lanbideko Administrazio Kontseiluak egin zuen, 2017ko maiatzaren 10eko bilkuran hartutako Erabakiaren bidez.

Diru-laguntza publikoak emateko orduan, ezinbestean bete behar da publikotasun-printzipioa. Hortaz, Euskal Autonomia Erkidegoan lana duten langileei lehentasunez zuzendutako enplegurako prestakuntzaren aldeko diru-laguntzetarako 2017ko deialdiak 12.10 artikuluan ezartzen duenez, Euskal Herriko Agintaritzaren Aldizkarian argitaratuko da zein diren erakunde-onuradunak eta zenbat diru emango zaien. Deialdi hori Lanbideko Administrazio Kontseiluak egin zuen, 2017ko maiatzaren 10eko bilkuran hartutako Erabakiaren bidez.

Hori dela eta, honako hau

EBAZTEN DUT:

Euskal Herriko Agintaritzaren Aldizkarian argitara ematea Euskal Autonomia Erkidegoko zer erakunderi emango zaizkien diru-laguntzak 2017ko ekitaldian Euskal Autonomia Erkidegoan lana duten langileei lehentasunez zuzendutako enplegurako prestakuntzaren alde, honako hauek zehaztuta: espediente-zenbakia eta onuradun bakoitzari emandako zenbatekoa (ikus ebazpen honen eranskina). Diru-laguntza horietarako deialdia Lanbide-Euskal Enplegu Zerbitzuko Administrazio Kontseiluak egin zuen, 2017ko maiatzaren 10eko bilkuran hartutako Erabakiaren bidez (2017ko maiatzaren 12ko EHAA, 89. zk.).

Vitoria-Gasteiz, 2018ko uztailaren 11.

Lanbide-Euskal Enplegu Zerbitzuko zuzendari nagusia,

JUAN JOSE BORJA BELANDIA FRADEJAS.

(Ikus .PDF)

Azterketa dokumentala