Euskal Herriko Agintaritzaren Aldizkaria

109. zk., 2018ko ekainaren 7a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

OSAKIDETZA-EUSKAL OSASUN ZERBITZUA

2965

456/2018 EBAZPENA, apirilaren 18koa, Osakidetza-Euskal osasun zerbitzuko zuzendari nagusiarena, Osakidetza-Euskal osasun zerbitzuko zuzendari nagusiaren otsailaren 14ko 122/2018 Ebazpenean dauden hutsak zuzentzen dituena. Ebazpen horren bidez, onartu ziren Farmazialari kategorian (Ospitaleko Farmaziako fakultatibo teknikoaren lanpostu funtzionala) Osakidetza-Euskal osasun zerbitzuan lotura estatutario finkoa lortzeko hautatze prozesua arautuko duten oinarri espezifikoak. Aipatu kategoria Mediku-Teknikoen lanbide taldekoa da eta destinoak Osakidetza-Euskal osasun zerbitzuko erakundeetakoak izango dira.

Euskal Herriko Agintaritzaren Aldizkaria arautzen duen abenduaren 23ko 217/2008 Dekretuaren 18.2.c) artikuluan ezartzen denez, argitaratzeko bidalitako testuan dauden hutsak edo omisioak maila bereko xedapen baten bitartez zuzenduko dira, baldin eta nabarmenak ez badira, eta horiek zuzentzearen ondorioz, dokumentuaren edukia edo esanahia benetan edo itxuraz aldatzen bada.

Gisa horretako hutsak atzeman dira otsailaren 14ko 122/2018 Ebazpenean (martxoaren 5eko EHAA, 45. zk.), eta, beraz, zuzendu egin behar dira:

(III. eranskinean 6. orrialdean):

Honako hau dioenean:

«2.–Osakidetzako, Gizarte Segurantzako eta autonomia-erkidegoetako zerbitzu sanitarioetako erakundeetan, edozein herri administraziotan Administrazio sanitarioko edota Europar Batasuneko beste estatuetako sare publikoko zerbitzu sanitarioetako lehen mailako arretako osasun-zerbitzuetan ere Farmazialari gisa lan egindako hilabete bakoitzeko: 0,12 puntu.»

Hau esan behar du:

«2) Osakidetzako zerbitzu erakundeetan edo Osakidetzako Zuzendaritza Nagusiaren Administrazioan, Gizarte Segurantzako eta autonomia-erkidegoetako edo, edozein herri administraziotan, baita Europar Batasuneko beste estatuetako sare publikoko zerbitzu sanitarioetan ere, lehen mailako arretako Farmazialari gisa edo medikuntza arloko kudeaketa-lanpostuetan lan egindako hilabete bakoitzeko: 0,12 puntu.»

Honako hau dioenean:

«3.–) Osakidetzako Zuzendaritza Nagusiaren Administrazio Sanitarioan, Osasun Sailean, eta Insaludeko, Osasun Ministerioko eta Autonomia Erkidegoetako zein Europa Batasuneko beste estatu kideetako sare publikoetako egitura baliokideetan Farmazialari kategorian edo langile ikertzaile gisa lan egindako hilabete bakoitzeko: 0,055 puntu.»

Hau esan behar du:

«3) Osakidetzako Zuzendaritza Nagusiaren Administrazio Sanitarioan, Osasun Sailean, eta Insaludeko, Osasun Ministerioko eta Autonomia Erkidegoetako zein Europa Batasuneko beste estatu kideetako sare publikoetako egitura baliokideetan Farmazialari kategorian langile ikertzaile gisa lan egindako hilabete bakoitzeko: 0,055 puntu.»

Vitoria-Gasteiz, 2018ko apirilaren 18a.

Osakidetza-Euskal osasun zerbitzuko zuzendari nagusia,

MARÍA JESÚS GEMMA MÚGICA ANDUAGA.

Azterketa dokumentala