Euskal Herriko Agintaritzaren Aldizkaria

107. zk., 2018ko ekainaren 5a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DURANGOKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

2936

EDIKTUA, adostasunik gabeko banantzeari buruz bideratutako 534/2016 prozeduraren ondoriozkoa.

Durangoko Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesaleko Epaitegia.

Judizioa: 534/2016 Adostasunik gabeko banaketa.

Demandatzailea: Florence Iyore Amenze.

Abokatua: Aida Garazi Arraibi Larrea.

Prokuradorea: Zigor Capelastegui Cristobal.

Demandatua: Augustine Amenze Omoyuri.

Gaia: banantzea.

Judizio horretan, epaia eman da 2018-04-12an. Hona hemen epaitza:

Osorik baiesten dut Florence Iyore Amenze andrearen ordezkaritza prozesalak Augistine Amenze Omoyuri jaunaren aurka aurkeztutako demanda, eta, beraz, ezkontideen arteko banantzea deklaratzen dut, horrek berez dakartzan legezko ondorioekin, etxeko ahala egikaritzean ezkontide batek bestearen ondasunak lotzeko duen aukera barne; zehazki, honako hau ezarri da:

1.– Adingabeen zaintza eta jagoletza Florence Iyore Amenzeri esleitzen zaio; guraso-ahala biena izango da, baina guraso-ahala gauzatzeko ahalmena Florence Iyore Amenzeri bakarrik ematen zaio.

2.– Adingabeko seme-alaben aldeko mantenu-pentsioa ordaindu beharra ezartzen zaio Augistine Amenze Omoyuri jaunari. Mantenu-pentsio hori 180 eurokoa izango da (90 euro seme-alaba bakoitzeko), eta demandatzaileak adierazitako kontuan ordainduko du, hileko lehen bost egunen barruan; zenbateko hori urtero eguneratu ahal izango da, urte bakoitzeko urtarrilaren batean, Estatistika Institutu Nazionalak urtero argitaratutako Kontsumoko Prezioen Indizeak dituen aldaketekin bat etorriz. Gainera, mantenu-pentsioaz gain, ezohiko gastuak ordaintzen ere parte hartu beharko du, ebazpen honen Zuzenbideko Hirugarren Oinarrian (in fine) ezarritako eran.

3.– Augistine Amenze Omoyuriren aldeko bisita-araubidea ezartzen da, zeina bere seme-alabekin egon ahal izango baita asteazkenetan, bi ordu, ikastetxetik/haurtzaindegitik/eskolaz kanpoko jardueratik ateratzen direnetik aurrera, betiere beste gurasoaren edo konfiantzazko hirugarren baten zaintzapean.

Ez da berariaz kosturik ezartzen prozedura honetan.

Ebazpen hau irmoa denean, bidal bedi exhortoa Erregistro Zibilera, lekukotzarekin, dagokion inskripzioa egin dadin.

Jakinaraz bekie ebazpen hau alderdiei.

Augustine Amenze Omoyuri demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Durango (Bizkaia), 2018ko apirilaren 17a.

JUSTIZIA ADMINISTRAZIOAREN LETRADUA.

Azterketa dokumentala