Euskal Herriko Agintaritzaren Aldizkaria

67. zk., 2018ko apirilaren 9a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

1839

EDIKTUA, behin betiko neurriak aldatzeko 106/2017 prozeduraren ondoriozkoa.

Barakaldoko Lehen Auzialdiko 5 zenbakiko Epaitegia (Familia).

Judizioa: behin betiko neurriak aldatzeari buruzkoa. 106/2017.

Alderdi demandatzailea: MAAV.

Alderdi demandatua: Juan Marcos Badiola Lopez.

Gaia: behin betiko neurriak aldatzea.

Judizio horretan ebazpena eman da eta honela dio hitzez hitz:

670/2017 EPAIA

Epailea: Ana Isabel Viaña Ranilla andrea.

Lekua: Barakaldo (Bizkaia).

Eguna: bi mila eta hamazazpiko azaroaren hogeita bia.

Alderdi demandatzailea: MAAV.

Abokatua: Hugo Sánchez Echebarria.

Prokuradorea: Begoña Lopez del Hoyo.

Alderdi demandatua: Juan Marcos Badiola Lopez.

Abokatua.

Prokuradorea.

Judizioaren helburua: neurriak aldatzea.

EPAITZA

Baiesten da MAAV andreak aurkeztutako demanda, Juan Marcos Badiola López jaunaren aurkakoa. Horrenbestez, bidezkotzat jotzen dut aldatzea epai bidez onartutako neurriak. Ondorioz, Arcocha andreari eta, mantenua eman behar zaien artean, seme-alaba komunei esleitzen zaie familia-etxebizitzaren erabilera.

Betiere, alderdi batek eskatu ahal izango du erabilera-eskubide horren berrikuspen judiziala, inguruabar esanguratsuak aldatuz gero. Gehiegikeriaz edo fede txarrez baliatzen bada berrikuspena eskatzeko eskubidea, erantzukizun zibilak edo ondare-erantzukizunak eskatu ahal izango dira.

Sortutako kostuei buruzko berariazko erabakirik ez da hartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: (.....) Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi da, epaia jakinarazteko eginbidea gauza dadin.

Barakaldo (Bizkaia), 2018ko martxoaren 5a.

JUSTIZIA ADMINISTRAZIOAREN LETRADUA.

Azterketa dokumentala