RSS
59. zk., 2018ko martxoaren 23a, ostirala
- Bestelako formatuak:
- PDF (201 KB - 2 orri.)
- EPUB (196 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
GERNIKA-LUMOKO LEHEN AUZIALDIKO ETA INSTRUKZIOKO 2 ZENBAKIKO ZUZENEKO LAGUNTZA EMATEKO UNITATE PROZESALA
1606
EDIKTUA, behin betiko neurriak aldatzeari buruzko 115/2017 prozeduraren ondoriozkoa.
JAKINARAZPEN-ZEDULA
Gernika-Lumoko (Bizkaia) Lehen Auzialdiko 2 zenbakiko Epaitegian, behin betiko neurriak aldatzeko 115/2017 prozedura bideratu da, Nerea Begoña Asteinza Allica-k eskatuta, Maria Lourdes Allica Herrero-ren, Leandro Asteinza Ormaza-ren eta Francisco Javier Carrera Boo-ren aurka. Prozedura horren gainean epaia eman da. Hona hemen idazpurua eta epaitza, kopiatuta:
23/2018 EPAIA
Epailea: Ana Rosa Rincón Varona.
Tokia: Gernika-Lumo (Bizkaia).
Eguna: bi mila eta hamazortziko martxoaren bata.
Alderdi demandatzailea: Nerea Begoña Asteinza Allica.
Abokatua: Igone Barrena Uriarte.
Prokuradorea: Jone Miren Uribarri Ortiz De Barron.
Alderdi demandatua: Maria Lourdes Allica Herrero, Leandro Asteinza Ormaza eta Francisco Javier Carrera Boo.
Abokatua.
Prokuradorea.
Judizioko gaia: izatezko bikoteen seme-alabentzako mantenu-pentsioa.
Osorik baiesten dut auzitegietako prokuradore Jone Uribarri Ortiz de Barron-ek jarri duen demanda, Nerea Begoña Asteinza Allica-ren izenean eta ordez, Lourdes Allika Herrero-ren, Leandro Asteinza Ormaza-ren eta Francisco Javier Carrera Boo-ren aurka (guztiak auzi-ihesean). Horrenbestez, hau erabakitzen dut: epaitegi honek 2004-04-30ean emandako epaian XXXXX seme komunari buruz ezarri ziren behin betiko neurriak aldatzea, eta, horien ordez, hau erabakitzea:
1.– Guraso-ahala Nerea Begoña Asteinza Allica amak baliatuko du, modu esklusiboan.
2.– Sergio seme komunaren zaintza eta jagoletza Nerea Begoña Asteinza Allica amari esleitzen zaizkio.
3.– Mantenu-pentsioa ezartzen da Francisco Javier Carrera Boo aitaren kargura eta XXXXX semearen alde. Mantenu-pentsio hori aitaren hileko diru-sarreren % 15ekoa izango da. Hilabete bakoitzeko lehen bost egunetan sartu beharko du pentsio hori, amak hartarako izendatzen duen kontuan. 12 hileko ordainketa izango dira urtean. Urtero eguneratuko da, urtarrilaren batean, EINak edo haren ordezko erakundeak ezarritako Euskal Autonomia Erkidegoko KPIaren arabera.
Ez da kostuen gaineko kondenarik ezartzen.
Jakinaraz bekie Fiskaltzari eta pertsonatutako alderdiei.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen den (PZLb, 458,2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, epaitegi honek Banco Santanderren duen Gordailu eta Kontsignazio Kontuan (4769 -0000 -00 -0115 -17) kontsignatu beharko da zenbateko hori. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu beharko da kontsignazioa (BJLOko 15. x.g.).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Eta Francisco Javier Carrera Boo demandatuari behar bezalako jakinarazpena egiteko balio dezan, ematen eta sinatzen dut hau, Gernika-Lumon (Bizkaia), bi mila eta hamazortziko martxoaren batean.
JUSTIZIA ADMINISTRAZIOAREN LETRADUA.
