Euskal Herriko Agintaritzaren Aldizkaria

38. zk., 2018ko otsailaren 22a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

INGURUMEN, LURRALDE PLANGINTZA ETA ETXEBIZITZA SAILA

975

IRAGARKIA, Bilboko (Bizkaia) Arangoitiko 130.02 exekuzio-unitateko zuzkidura-bizitokien eremua urbanizatzeko obren 2.1 fasearen obren lizitaziorako (Espedientea: 002/2018).

1.– Entitate esleitzailea.

a) Erakundea: Ingurumen, Lurralde Plangintza eta Etxebizitza Saileko Zerbitzu zuzendaria.

b) Espedientea izapidetzen ari den bulegoa: Kontratazio Mahaia (Zerbitzu Zuzendaritza).

c) Espedientearen zenbakia: 002/2018.

2.– Kontratuaren ezaugarriak.

a) Helburua: Bilboko (Bizkaia) Arangoitiko 130.02 exekuzio-unitateko zuzkidura-bizitokien eremua urbanizatzeko obra.

b) Multzotan zatitzea: ez da multzotan zatitu.

c) Burutzeko lekua: Bilboko (Bizkaia) Arangoitiko 130.02 exekuzio-unitatea.

d) Burutzeko epea: hiru hilabete.

3.– Izapideak, prozedura eta esleitzeko modua.

a) Izapideak: arrunta.

b) Prozedura: irekia.

c) Esleitzeko modua: hainbat irizpide.

4.– Lizitazioaren oinarrizko aurrekontua: ehun eta laurogeita zortzi mila bostehun eta berrogei euro eta hamasei zentimo (188.540,16) gehi hogeita hemeretzi mila bostehun eta laurogeita hamahiru euro eta berrogeita hiru zentimo (39.593,43) BEZarenak. Beraz, guztira, berrehun eta hogeita zortzi mila ehun eta hogeita hamahiru euro eta berrogeita hemeretzi zentimo (228.133,59).

5.– Kontratuaren balio zenbatetsia: berrehun eta hogeita sei mila berrehun eta berrogeita zortzi euro eta hemeretzi zentimo (226.248,19).

6.– Behin-behineko bermea: ez dago jarri beharrik.

7.– Agiriak eta argibideak lortzeko.

a) Entitatea: Eusko Jaurlaritza. Ingurumen, Lurralde Plangintza eta Etxebizitza Saila.

b) Helbidea: Donostia kalea 1.

c) Herria eta posta-kodea: 01010 Vitoria-Gasteiz.

d) Telefonoa: 945 01 98 26.

e) Agiriak eta argibideak eskuratzeko azken eguna: 2018ko martxoaren 20a.

f) Kontratu honi buruzko informazio guztia webgune honetan eskura daiteke: www.contratacion.info edo www.euskadi.eus/contratacion

8.– Kontratistaren betebeharrak.

Sailkapena: ez, aukerakoa da, karatularen 29.2.3 klausulan eskatzen den kaudimena ordezkatzeko.

Lizitatzaileek a) puntuan azaltzen den edo b) puntuan azaltzen den klasifikazioren bidez egiaztatuko dute klasifikazioa:

a) 773/2015 Errege Dekretuaren bidez emandako klasifikazioa.

Taldea: G, Azpitaldea: 6, Kategoria: 2.

b) 773/2015 Errege Dekretuaren indarraldiaren aurretik eskuratutako klasifikazioa.

Taldea: G, Azpitaldea: 6, Kategoria: C.

Kaudimenari buruzko eskakizunak eta egiaztatzeko modua:

A) Ekonomia- eta finantza-kaudimena: kontratuaren xede den jarduera-eremuko negozioen urteko bolumena, gutxienez, 200.000 eurokoa izango da azken hiru ekitaldietako batean (2015, 2016 eta 2017), eta honela egiaztatuko da: enpresaria Merkataritza Erregistroan inskribatuta badago, erregistro horretan onartutako eta gordailututako urteko kontuen bidez egiaztatuko da. Erregistro horretan inskribatuta ez badago, inskribatuta egon behar duen erregistro ofizialean gordailututakoen bidez egiaztatuko da. Merkataritza Erregistroan inskribatuta ez dauden enpresaburu indibidualek Merkataritza Erregistroan legeztatutako inbentario eta urteko kontuen liburuen bidez egiaztatuko dute negozioen urteko bolumena.

B) Kaudimen teknikoa: azken hamar urteetan, gutxienez, kontratuaren helburua den jarduera-arloan bi lan egin behar izan ditu, hain zuzen ere, 188.000 eurotik gorako zenbatekoa zuten lursailak urbanizatzeko bi lan egin dituela egiaztatu beharko da egindako obren zerrendaren bidez, garrantzitsuenak ongi gauzatu izanaren ziurtagiriekin batera. Ziurtagiri horietan honako hauek adieraziko dira: obren zenbatekoa, noiz gauzatu diren eta non gauzatu diren. Halaber, lanbideko arauen arabera egin direnetz zehaztuko da, eta ea ongi bukatu diren.

9.– Eskaintzak edo parte hartzeko eskabideak aurkeztea:

a) Agiriak aurkezteko azken eguna: 2018ko martxoaren 21a, 12:00ak baino lehen.

b) Aurkeztu beharreko dokumentazioa: administrazio-klausula zehatzen agirian adierazten direnak.

c) Eskabideak aurkezteko lekua:

c.1.– Elektronikoki lizitatuz gero, honako web orriaren bidez egin daiteke aurkezpena: www.contratacion.info edo www.euskadi.eus/contratacion

c.2.– Paperean lizitatuz gero, honako leku honetan:

1) Erakundea: Ingurumen, Lurralde Plangintza eta Etxebizitza Saila.

2) Helbidea: eskuan eraman beharko dira Ingurumen, Lurralde Plangintza eta Etxebizitza Sailaren Erregistro Nagusira, Vitoria-Gasteizko Donostia kaleko 1era (Eusko Jaurlaritzaren egoitza nagusia), goian aipatutako epean. Postaz ere bidali ahal izango dira, eta eskaintza postan zein egunetan jarri den, egun berean kontratazio organoari telex, telekopia, edo telegrama bidez jakinarazi eta egiaztatu beharko zaio. Eskakizun bi horiek betetzen ez badira, ez dira eskaintzak onartuko. Nolanahi ere, eskaintza postaz bidali, eta hamar egun naturaleko epean jasotzen ez bada, inolaz ere ez da onartuko.

3) Herria eta posta kodea: 01010 Vitoria-Gasteiz (Araba).

d) Lizitatzaileak zenbat denbora eutsi behar dion eskaintzari: 2 hilabete, proposamenak irekitzen direnetik aurrera kontatuta.

e) Aldaerak: ez da aldaera edo alternatibarik onartuko.

f) Prozedura mugatua bada, eskaintzak aurkezteko gonbita egin nahi zaien enpresen kopurua edo gutxienezko edo gehienezko kopurua: ez dago horrelakorik.

10.– Esleitzeko irizpideak.

a) Formulak aplikatuz automatikoki balioestekoak diren irizpideak. Ponderazioa, guztira: 51 puntu.

Eskaintza ekonomikoa. Ponderazioa: 51 puntu. Formula: ikusi karatularen 30.2.1.a puntua.

b) Balio-iritzietan oinarrituta aplikatu behar diren irizpideak. Ponderazioa, guztira: 49 puntu.

A) Lanek ingurunean duten eragina eta interferentziak murrizteko neurri zuzentzaileak. Ponderazioa: 16 puntu. Ebaluatu daitezkeen irizpideak: ikusi karatularen 30.2.1.b puntua.

B) Lanen eremua antolatzea. Ponderazioa: 14 puntu. Ebaluatu daitezkeen irizpideak: ikusi karatularen 30.2.1.b puntua.

C) Lanen programazioa. Ponderazioa: 12 puntu. Ebaluatu daitezkeen irizpideak: ikus karatularen 30.2.1.b puntua.

D) Lana egiteko metodologia. Ponderazioa: 7 puntu. Ebaluatu daitezkeen irizpideak: ikusi karatularen 30.2.1.b puntua.

11.– «C» gutunazalak irekitzeko ekitaldi publikoa.

a) Entitatea: Kontratazio Mahaia (Zerbitzu Zuzendaritza).

b) Herria: 01010 Vitoria-Gasteiz (Araba).

c) Data: 2018ko apirilaren 4a.

d) Ordua: 11:00.

e) Lekua: Lakua IIko 1. aretoa, Donostia kalea 1 (Eusko Jaurlaritzaren egoitza nagusia).

12.– «B» gutun-azalak (formulen bidez baloratu beharreko irizpideak) irekitzeko ekitaldi publikoa.

a) Entitatea: Kontratazio Mahaia (Zerbitzu Zuzendaritza).

b) Herria: 01010 Vitoria-Gasteiz (Araba).

c) Data: 2018ko apirilaren 18a.

d) Ordua: 11:00.

e) Lekua: Lakua IIko 1. aretoa, Donostia kalea 1 (Eusko Jaurlaritzaren egoitza nagusia).

13.– Bestelako argibideak: ez.

14.– Iragarpen-gastuak: enpresa esleipendunaren kontura.

15.– Iragarkia Europar Batasunaren Aldizkari Ofizialera bidalitako eguna: ez dago horrelakorik.

16.– Deialdiari buruzko informazioa eta pleguak eskuratzeko atari informatikoa edo webgunea: www.contratacion.info edo www.euskadi.eus/contratacion

Vitoria-Gasteiz, 2018ko otsailaren 9a.

Zerbitzu zuzendaria,

PALOMA USATORRE MINGO.

Azterketa dokumentala