Euskal Herriko Agintaritzaren Aldizkaria

20. zk., 2018ko urtarrilaren 29a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA

494

AGINDUA, 2018ko urtarrilaren 19koa, Hezkuntzako sailburuarena, zeinaren bidez onartzen baita Bilboko udalerriko (Bizkaia) «Siete Campas-Zorrozgoiti» Haur eta Lehen Hezkuntzako Ikastetxearen izen espezifikoaren aldaketa.

Bilboko udalerriko (Bizkaia) CEIP «Siete Campas-Zorrozgoiti» HLHI ikastetxearen izen espezifikoa aldatzeko egindako proposamena aztertu da.

Espediente horren izapideak araudiak ezarritako prozedura jarraituz egin dira; gainera, indarrean dauden arauek eskatzen dituzten agiriak erantsi zaizkio, eta, bestalde, arlo horretan eskumena duten erakundeek horri buruzko txostena eman dute.

Heziketarako eskubidea arautzen duen uztailaren 3ko 8/1985 Lege Organikoa ikusi ondoren, honako hau

EBAZTEN DUT:

Artikulu bakarra.– «Siete Campas-Zorrozgoiti» Haur eta Lehen Hezkuntzako Ikastetxearen izen espezifikoa aldatzea onartzen da: aurrerantzean «Zazpilanda» Haur eta Lehen Hezkuntzako Ikastetxea izango du izena. Ikastetxe hori Bilboko udalerrian (Bizkaia) dago, Pinadia kaleko 6. zenbakian, eta 48011640 kode-zenbakia du.

AZKEN XEDAPENA

Agindu honen aurka, aukerako berraztertze-errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta biharamunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta biharamunetik aurrera.

Vitoria-Gasteiz, 2018ko urtarrilaren 19a.

Hezkuntzako sailburua,

CRISTINA URIARTE TOLEDO.

Azterketa dokumentala