Euskal Herriko Agintaritzaren Aldizkaria

203. zk., 2017ko urriaren 24a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO MERKATARITZA ARLOKO 1 ZENBAKIKO ZUZENEKO LAGUNTZA EMATEKO UNITATE PROZESALA

5110

EDIKTUA, diru-zenbateko bat erreklamatzeko bideratutako 306/2016 hitzezko judizioaren ondoriozkoa.

Zuzeneko Merkataritza Laguntza emateko Unitate Prozesala – Vitoria-Gasteizko Merkataritza-arloko 1 zenbakiko Epaitegia.

Judizioa: 306/2016 hitzezko judizioa.

Demandatzailea: Aitor Peña Ortega.

Abokatua.

Prokuradorea.

Demandatua: Jet Airways aire-konpainia.

Gaia: diru-zenbateko bat erreklamatzea.

Judizio horretan, epaia eman da 2017-10-09an. Hona hemen epaitza:

99/2017 EPAIA

Vitoria-Gasteiz, 2017ko urriaren 9a.

Nik, M.ª Teresa Trinidad Santosek, Merkataritza-arloko Epaitegiko epaile magistratuak, ikusi ditut aireko garraioan diru-zenbateko bat erreklamatzeari buruzko 306/2016 hitzezko judizioaren autoak. Hona hemen alderdiak: batetik, Aitor Peña Ortega, auzi-jartzailea, beraren izenean eta ordezkaritzan eta letraduaren laguntzarik gabe, eta, bestetik, Jet Airways, demandatua, auzi-ihesean dena. Horiek horrela, epai hau ematen dut:

EPAITZA

Ezesten dut Aitor Peña Ortegak Jet Airways aire-konpainiaren aurka jarritako demanda.

Kostuak auzi-jartzaileak ordaindu beharko ditu.

Ebazpen honen aurka ezin da errekurtsorik jarri (PZL, 455 artikulua).

Eta epai honen bidez erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen, eta nik, idazkari judiziala naizenez, horren guztiaren fede ematen dut Vitoria-Gasteizen, bi mila eta hamazazpiko urriaren bederatzian.

Jet Airways aire-konpainia demandatuaren egungo helbidea ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka ezin da errekurtsorik jarri.

Jakinarazten den ebazpenaren testu osoa eskura du interesdunak, auzitegi honetako bulego judizialean.

Vitoria-Gasteiz, 2017ko urriaren 9a.

JUSTIZIA ADMINISTRAZIOAREN LETRADUA.

Azterketa dokumentala