Euskal Herriko Agintaritzaren Aldizkaria

201. zk., 2017ko urriaren 20a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

OSASUN SAILA

5045

EBAZPENA, 2017ko urriaren 19koa, Osasun Publikoaren eta Adikzioen zuzendariarena, gripearen aurkako txertaketa-kanpainaren 2017-2018 denboraldia noiz hasiko den ezartzen duena.

Gripearen aurkako txertaketaren helburua da gripearekin lotutako hilkortasuna eta gaixotze-tasa murriztea, bai eta gaixotasun horrek komunitatean duen inpaktua gutxitzea ere.

Txertaketa-kanpainaren xede dira Osasuneko sailburuaren 2017ko urriaren 18ko Aginduaren II. eranskinean zehazten diren pertsonak. Agindu horren bidez, Euskal Autonomia Erkidegoko txertaketa-egutegi ofiziala onartzen da.

2017-2018 denboraldiko txertoaren konposizioa bat dator Osasun Sistema Nazionaleko Lurraldearteko Kontseiluko Osasun Publikorako Batzordeak 2017ko irailaren 28an emandako gomendioekin.

Euskal Autonomia Erkidegoko txertaketa-egutegi ofiziala onartzen Osasuneko sailburuaren 2017ko urriaren 18ko Aginduaren 10. artikuluan xedatuarekin bat etorriz, hau

EBAZTEN DUT:

Lehenengoa.– 2017ko urriaren 23a izatea gripearen aurkako 2017-2018 denboraldiko kanpaina hasteko eguna.

Bigarrena.– Kanpaina horrek 10 aste iraungo du. Nolanahi ere, iraupena alda liteke, arrazoi epidemiologikoak tarteko.

Hirugarrena.– Ebazpen honek amaiera ematen dio administrazio-bideari, eta, beronen aurka, aurkerako berraztertze-errekurtsoa aurkez daiteke, hilabeteko epean, ebazpena Euskal Herriko Agintaritzaren Aldizkarian argitaratu eta biharamunetik hasita.

Halaber, ebazpenaren aurka, administrazioarekiko auzi-errekurtsoa aurkez daiteke, bi hilabeteko epean, ebazpena Euskal Herriko Agintaritzaren Aldizkarian argitaratu eta hurrengo egunetik hasita.

Vitoria-Gasteiz, 2017ko urriaren 19a.

Osasun Publikoaren eta Adikzioen zuzendaria,

MARÍA DORRONSORO IRAETA.

Azterketa dokumentala